ISAIAH 48:18 - BUKUIT NE TILIIL Sireet ne Dutero Kanon

¹⁸ Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

Bukuit Ne Tilil

¹⁸ Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

BUKUIT NE TILIL

¹⁸ Kita mie nda kigegas ng’atutikyuk! Kita igeitu kalyeng’ung’ ainet, ak koigei imandang’ung’ beekab nyanjet che mildogei:

ISAIAH 48:18 Iomraidhean Croise

TIENWOGIKAL 119:165

Tinyei kaalyeet ne oo che chamei ng'atuutyeng'ung'; ama mi kiy ne inachi icheek.

TIENWOGIKAL 36:8

Piyong'dos eng' akwaiyetap koong'ung'; ak igoochini koee che po aineetap poiboindang'ung'.

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 42:24

Ki igoito ng'oo Jakobo keluul, ak ki igoito ng'oo Israel kogoochi rebiik? Tos ma Kamuktaindet ne Toroor? Ineendet ne ki kiyachi acheek tengekto, ak ne ki ma cham icheek kobendatee ortinwekyik, ama kas iit ng'atuutyennyi.

ISAIAH 45:8

Osau, okweek kipsengwet, ak ingorong' poolik imanda: ingoyaatak emet, si kobiit koip poolik yetunet, ak ingogoochi imanda kobiityo tugul; anee Kamuktaindet ne Toroor ne ki ayae nooto.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 61:11

Amu ko uu ye ing'atos tuguuk eng' ng'wony, ak ko uu ye piitos tuguuk che ki kigoolji mbar; kobiti ko uu nooto Kiptaiyat Kamuktaindet ne Toroor imanda ak kalasunet eng' taitap pororyosyek tugul.

ISAIAH 62:1

Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

AMOS 5:24

Ago ingoroot kirwooget ko uu peek, ak ingoroot imanda ko uu aineet ne nyiitaat peek.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

NG'ATUTIK 32:29

Nda ka utaatiin, ta konaei niito, Ak kobwaat kagesunennywa!

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.