ISAIAH 44:6 - BUKUIT NE TILIIL Sireet ne Dutero Kanon

⁶ Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

Bukuit Ne Tilil

⁶ Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

BUKUIT NE TILIL

⁶ Mwaei Jehovah, Laitoriatab Israel, ak ko katiagindennyi Jehovah ne bo lugosiek, ko u ni kole, A ne bo tai ak ne bo let; ama mi Kamuktaindet age kobatena.

ISAIAH 44:6 Iomraidhean Croise

TIENWOGIKAL 86:10

Amu ii oo, ak iyae kwang'utik; Ii Kamuktaindet inyegei.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 37:16

Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

ISAIAH 40:18

Orogendoi ng'oo anyun Kamuktaindet? Anan nee kergeindo ne orogendoi ineendet?

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 41:21

Kale Kamuktaindet ne Toroor, Omwa ng'aleekwok; kale Laitoryatap Jakobo, Oibu ng'aleekwok che kiimeen.

ISAIAH 41:4

Ng'oo ne ki kobois ak kogees, ne kuurei ibinwek kobooch taunet? Anee Kamuktaindet ne Toroor ne po tai, ak ne po let, aa ineendet.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:9

Ingoyumgei pororyosyek tugul, ak ingoyumgei piik: ng'oo eng' icheek ne imuuchi komwa ng'olyoondoniito, ak koboorwech tuguuk che po tai? Ingomut paorinikwak, si kobiit kiityi imanda: anan ingogas, ak komwa kole, po iman.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 48:12

Oepcha iit, ee Jakobo, ak Israel nenyu, ne ki aguur: aa ineendet; aa ne po tai, ak ko aa ne po let kogeny.

ISAIAH 48:17

Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 59:20

Ak konyo katyagindet Zion, ak konyonji icheek che po Jakobo che metoi pistoet, mwaei Kamuktaindet ne Toroor.

ISAIAH 63:16

Amu ii kwandanyo, agot ngo ma ingenech Abraham, ama naech Israel; ee, Kamuktaindet ne Toroor, inyee ko ii kwandanyo; kaineng'ung' ko katyagindennyo kobooch keny.

JEREMIA 10:1

Ogas ng'olyoot ne mwaiwok Kamuktaindet ne Toroor, ee kootap Israel.

JEREMIA 50:34

Kiim katyagindennywa; kainennyi ko Kamuktaindet ne Toroor ne po lugoosyek: ng'alaaldochin ineendet icheek komyee, si kobiit kogoochi kamuung'et ng'wony, ak koim piik che menyei Babilon.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 27:37

Ki inde paragutap metinnyi kataamset ne ki kisir keele, “Ni ko Jeso Laitoryatap Yahudik.”

NG'ATUTIK 32:39

Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu.

NG'ATUTIK 4:35

Ki kiboorun inyee si kobiit inai ile Kamuktaindet ne Toroor ineendet ko Kamuktaindet ne Toroor, ma mi age kobatee ineendet ineegei.

NG'ATUTIK 4:39

Nai anyun rani ak igonor eng' muguleldang'ung' ile, Kamuktaindet ne Toroor ko Kamuktaindet ne Toroor eng' parak kipsengwet ak eng' ng'wony oriit; ma mi age.

NG'ATUTIK 6:4

Ogaso ee Israel! Kamuktaindet ne Toroor Kamuktaindennyo, ko Kamuktaindet ne Toroor agenge;

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 2:8

“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny:

NG'ANG'UTYET 22:13

Aa Alpha ak ko aa Omega, ne po tai ak ne po let, taunet, ak kagesunet.”