ISAIAH 43:3 - BUKUIT NE TILIIL Sireet ne Dutero Kanon

³ Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

Bukuit Ne Tilil

³ Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

BUKUIT NE TILIL

³ Amu a Jehovah Kamuktaindeng’ung’, Inendet ne Tilil ne bo Israel, Yetindeng’ung’; kaagoite Misri koek ne kitiagenen, koboto Etiopia ak Seba.

ISAIAH 43:3 Iomraidhean Croise

TAUNET 10:7

Weeriigap Kush ko: Seba, Havilah, Sabtah, Raamah ak Sabteka. Weeriigap Raamah ko: Sheba ak Dedan.

TIENWOGIKAL 72:10

Ibu kagoochinoik laitorinigap Tarsus ak che po ngeguusyek; Igoitoi kagoochinoik laitorinigap Sheba ak Seba.

KOMONG'U 10:7

koteebee otwogikyik Pharaoh koleenji, “Egu mesteet chiichi eng' acheek kot kotyanit? Igoochi piik koba, koba koboisyechi Kamuktaindet ne Toroor Kamuktaindennywa. Tos tomo inai ile kogome Misiri?”

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KALEWANAIK 11:8

Kisaru ne po iman komong' eng' nyalilda, ak nyoonjin `kiptengekyot nyalilaata.

KALEWANAIK 21:18

Egu kiptengekyot ne kityage ne po iman; ak kogeeri kaberberindet che po iman.

ISAIAH 19:20

Tuun egu nooto kaboorunet ak paornateet ne po Kamuktaindet ne Toroor ne po lugoosyek eng' emetap Misiri. Tuun riirchin Kamuktaindet ne Toroor amu usiikwak, ak koyookyi icheek yetindet, kotoret, ak kosar icheek.

ISAIAH 20:3

Yeityo komwa Kamuktaindet ne Toroor kole, ko uu ye kogowendoot otwogindennyu Isaiah aach ngor ama tinyei kweonik kenyiisyek somok koek kaboorunet ak kwang'utyet eng' Misiri ak eng' Kush;

ISAIAH 30:11

oistegei eng' ooreet, omaste eng' ooreet, ogoochi Ineendet ne Tiliil ne po Israel kosiis eng' tainnyo.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 43:11

Anee, ee, aneendet, aa Kamuktaindet ne Toroor; ama mi yetindet age kobatena.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 45:15

Iman, ii Kamuktaindet ne iunyegei, ee, Kamuktaindetap Israel, Yetindet.

ISAIAH 45:21

Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

JEREMIA 14:8

Ee inyee kamang'unetap Israel, yetindennyi eng' peetuutap nyalilda, amu nee si iige toondet eng' emet, ak iige kiprutoiyot ne mastoi koruei kemout agenge?

JEREMIA 16:21

Nooto anyun, ogeero, agoochini konai, agoochini konai eunnyu ak kamugennyu, konyil niito agenge; ak konai icheek kole kainennyu ko Kamuktaindet ne Toroor.

EZEKIEL 39:7

Ak abarte kainennyu ne tiliil eng' piikyuk Israel; ama achamdoi kainennyu ne tiliil king'wanit kogeny: si konai pororyosyek kole aa Kamuktaindet ne Toroor, Ineendet ne Tiliil eng' Israel.

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

AMOS 9:7

Tos mou lagogap Ethiopik eng' anee, ee piigap Israel? Mwaei Kamuktaindet ne Toroor. Tos ma amutu Israel kotogos eng' emetap Misiri, ak amutu Philistiik eng' Kaptor, ak amutu piigap Syria eng' Kir?

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.