ISAIAH 43:2 - BUKUIT NE TILIIL Sireet ne Dutero Kanon

² Ami kobooten ye ibune peek che chaang'; ak ye ibune ainoosyek, koma imaluuchin; ye ibune maat, koma peelin; ama imelin liplibenetap maat.

Bukuit Ne Tilil

² Ami kobooten ye ibune peek che chaang'; ak ye ibune ainoosyek, koma imaluuchin; ye ibune maat, koma peelin; ama imelin liplibenetap maat.

BUKUIT NE TILIL

² Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

ISAIAH 43:2 Iomraidhean Croise

Kitabuutap JOB 5:19

Saruun eng' nyalilwogik lo; ee, matwain yaityet agot eng' tisap.

TIENWOGIKAL 23:4

Ee, agot ngabune atebweet ne po urwetap meet, koma ywei yaityo; amu imi kobooto; igaigaa kiroktong'ung' ak siaring'ung'.

TIENWOGIKAL 32:6

Ara anyun, ingosain chii age tugul ne tiliil ye ta komuuchi konyoorun. Iman ye kagong'irtagei peek che po kirwooget, koma itei ole mi ineendet.

TIENWOGIKAL 66:10

Ee Kamuktaindet, kiityemech inyee: Ki ityemech, ko uu ye kityeme maat fedha.

TIENWOGIKAL 66:12

Ki igoochi piik kotyech metowekyok; Ki kibun maat ak peek; Ago ki imutwech kebwa ole tunenot.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

KOMONG'U 14:29

Ago ki pun piigap Israel ng'wonyut ne yaamaat eng' kwenutap nyanjet ko katoten peek eng' komosi ak komosi.

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 30:27

Ogeero, punu kainetap Kamuktaindet ne Toroor ole loo, lalei eng' nereegekyik, ak eng' iyeto ne oo ne togostoi; nyiitaat kutinnyi nyitatet, ak uu ng'elyeptanyi maat ne peelsei;

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 43:5

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo;

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

JEREMIA 46:28

Meiywei, ee Jakobo otwogindennyu, mwaei Kamuktaindet ne Toroor; amu ami kobooten: amu ageesu pororyosyek tugul che kigaonjin, ago magesun; ago atigoonin eng' kirwooget, amabagaaktoin ama kibirin.

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

2 TIMOTEO 4:22

Ingotep Kiptaiyat kobooto saboondang'ung'. Ingotep myeeindo kobootok.

HEBRANIK 11:29

Kilandae “Araraita ne piriir” eng' kayaneet ko uu ye punei emet ne yaamaat; ak ye kileen kotyem Misiriik koyai ko uu nooto kelugui.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”