ISAIAH 42:4 - BUKUIT NE TILIIL Sireet ne Dutero Kanon

⁴ Matanui ama nyogoritu, agoi konde ng'wony kirwooget; ak kogen `ngeguusyek ng'atuutyennyi.

Bukuit Ne Tilil

⁴ Matanui ama nyogoritu, agoi konde ng'wony kirwooget; ak kogen `ngeguusyek ng'atuutyennyi.

BUKUIT NE TILIL

⁴ Matanui ama nyogoritu, agoi konde ng’ony kiruoget; ak kogen ngegusiek, ng’atutiennyi.

ISAIAH 42:4 Iomraidhean Croise

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

ISAIAH 40:22

Ineendet ko ne tebee ole pooch yiemutyetap ng'wony, ak uu che menyei olooto, talamik; ne iitoi kipsengwet ko uu angeet, ak koiito kipsengwetisyechooto ko uu emait ne ki menyei:

ISAIAH 40:28

Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.

ISAIAH 41:5

Ki keer ngeguusyek, ak koywei; kibotanso komoswek tugul che po ng'wony: ki riik, kobwa.

ISAIAH 42:10

Otyenji Kamuktaindet ne Toroor tyendo ne leel, otyen kalasunennyi kobooch tabandap ng'wony; okweek che ochoortoige nyanjet ak tugul che mi oriit, ngeguusyek ak piik che menyei olooto.

ISAIAH 42:12

Ingogoochi Kamuktaindet ne Toroor toroornatet, ak komwaita kalasunennyi eng' ngeguusyek.

ISAIAH 42:21

Ki ibaibai Kamuktaindet ne Toroor, kotoroor ng'atuutyet, ak koyai koek ne kigonyiti amu imandanyi.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 51:4

Ogasa, ee piikyuk; oepcha iit, ee, pororyennyu: amu mong'unena ng'atuutyet, ak ayai kirwoogennyu kotonon koek lapkeiyetap piik.

ISAIAH 51:5

Neegit imandanyu, kamong' yetunennyu, ak korwookyi piik eunekyuk; igeno ngeguusyek, ak komang'u eunnyu.

ISAIAH 55:5

Keero, iguure pororyet ne mengen, ak kolabatyin pororyet ne ki ma kongenin, amu Kamuktaindet ne Toroor Kamuktaindeng'ung', ak amu Ineendet ne Tiliil ne po Israel; amu ki kotoroorin.

ISAIAH 60:9

Igeno iman ngeguusyek, ak sip kogeno melisyek che po Tarsis, si kobiit komut weeriiguk eng' ole loo, koibu fedhaisyekwak ak thahabusyekwak, agobo kainetap Kamuktaindet ne Toroor Kamuktaindeng'ung', ak agobo Ineendet ne Tiliil ne po Israel, amu ki kotoroorin.

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

MATAYO 12:21

Ak imang'u pororyosyek kainennyi.”

MARIKO 3:3

Ak ki leenji chiito ne meat euut, “Tonon eng' kween.”

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

1 KORINTOEK 9:21

eng' icheeget che ma mi eng' Ng'atuutik, ko ki aige agane chii ne ma mi Ng'atuutik, ma keele ma mi eng' Ng'atuutik eng' Kamuktaindet, ago ami eng' Ng'atuutik eng' Kristo, si anyoor icheek che ma mi eng' Ng'atuutik.