ISAIAH 41:18 - BUKUIT NE TILIIL Sireet ne Dutero Kanon

¹⁸ Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

Bukuit Ne Tilil

¹⁸ Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

BUKUIT NE TILIL

¹⁸ Ayate ainosiek eng’ komoswek che tororen ole churat, ak ayat kondametusiekab beek eng’ kwenutab atebwosiek: ayae ong’atet koek tamboiyot, ak emet ne yaamat kobiitune kong’ikab beek.

ISAIAH 41:18 Iomraidhean Croise

TIENWOGIKAL 104:10

Iyooktoi kong'igap peek korootyi atebwosyek; chokyogoni eng' tuloonook:

TIENWOGIKAL 105:41

Ki yaat rwandet, ak kisururgei peek; ki root eng' komoswek che yamyotiin ko uu aineet.

TIENWOGIKAL 107:35

Walei surkwen koek tamboiyot, ak emet ne yaamaat koek kong'igap peek.

TIENWOGIKAL 126:4

Iweech chechook che kigeluul, ee Kamuktaindet ne Toroor, ko uu ainoosyek che po murot tai.

TIENWOGIKAL 46:4

Mi aineet, ne kereruusyekyik ko iboiboi nganaseetap Kamuktaindet, meng'ootet ne tiliil ne po Ineendet Ne Toroor Miising'.

ISAIAH 12:3

Tuun orame anyun peek eng' poiboiyet, eng' keriingonik che po yetunet.

ISAIAH 30:25

Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 35:1

Ingogaskei surkwen ak melewet, ak kobaibait emet ne ong'ateet, ak koiye ko uu taapteet.

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 48:21

Ma am melelda icheek ye ki kimuti kobun ong'atosyek: ki igoochi peek korootune rwandet konaga icheek: ki pet rwandet kogeny, ak kitumgei peek.

ISAIAH 58:11

Ak kondoun Kamuktaindet ne Toroor kotugul, ak kogoochi saboondang'ung' kobiyo eng' komoswek che yamyotiin, ak kogimit koweguk; ak iige mbareet ne kibisi, ak iige kereruut ne ma teenyei.

ISAIAH 65:13

Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

JOEL 3:18

Ak saune peetuunooto divaik che anyiny tuloonook, ak rootune cheego tuloonook che mengeechen, ak koroot peek che chaang' eng' kereruusyek tugul che po Judah; ak komong' kondametutap peek eng' kootap Kamuktaindet ne Toroor, ak koobis atebweetap Shitim.

SEKARIA 14:8

Ak tuun mang'une peek che saptos Jerusalem eng' peetuunooto; pendi kebeberta age kotokyingei nyanjetap Mediterenian ne mi kong'asiis, kobendi kebeberta age kotokyingei nyanjet ne mi cherongo: pendi ko uu nooto eng' kemei ak iwot.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”

KIRUOGIK 15:19

Ago ki pet Kamuktaindet ne Toroor ole ki mi keriinget eng' Lei ak ki mang'une peek yooto; ak kingo kagoee koweek Kabuusennyi kogeny, ak kisop. Ki kiguure kainetap yooto anyun En-hakore, ne miitei Lei agoi rani.