ISAIAH 41:1 - BUKUIT NE TILIIL Sireet ne Dutero Kanon

¹ Osisye eng' tainnyu, ee ngeguusyek; ingonyoor pororyosyek kimnateennywa ne leel: ingorik; yeityo kong'alaalso: ongeriigu tugul ye mi kirwooget.

Bukuit Ne Tilil

¹ Osisye eng' tainnyu, ee ngeguusyek; ingonyoor pororyosyek kimnateennywa ne leel: ingorik; yeityo kong'alaalso: ongeriigu tugul ye mi kirwooget.

BUKUIT NE TILIL

¹ Osisye eng’ tainnyu, ee ngegusiek; ingonyor bororiosiek kimnatenywa ne leel: ingorik; yeityo kong’alalso: ongerigu tugul oldab kiruoget.

ISAIAH 41:1 Iomraidhean Croise

Kitabuutap JOB 38:3

Kermengei anyun nguno ko uu muren; amu ating'enen ng'olyoo, ak ko nyolu iwolwoo.

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 34:1

Oriigu okweek pororyosyek, si ogas; ak oep iit okweek piik! Ingogas emet, ak tuguuk che nyiitaat olooto; ng'wony ak tuguuk tugul che mang'une.

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

ISAIAH 41:5

Ki keer ngeguusyek, ak koywei; kibotanso komoswek tugul che po ng'wony: ki riik, kobwa.

ISAIAH 43:26

Ibwaatwa; ngeng'alaal tuwai: tetu ng'aleeguk, si kobiit kiityin imanda.

ISAIAH 43:9

Ingoyumgei pororyosyek tugul, ak ingoyumgei piik: ng'oo eng' icheek ne imuuchi komwa ng'olyoondoniito, ak koboorwech tuguuk che po tai? Ingomut paorinikwak, si kobiit kiityi imanda: anan ingogas, ak komwa kole, po iman.

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 50:8

Neegit ineendet ne iityina imanda; kibortosi ak ng'oo? Ngetononse tuwai: ng'oo punyondennyu? Ingonyo koriikyo.

HABAKUK 2:20

Ago mi Kamuktaindet ne Toroor hekalunnyi ne tiliil; ingosiis ng'wony komugul eng' tainnyi.

SEKARIA 2:13

Osisye, okweek piik tugul eng' taitap Kamuktaindet ne Toroor; amu kagong'eet eng' meng'ootennyi ne tiliil.