ISAIAH 37:16 - BUKUIT NE TILIIL Sireet ne Dutero Kanon

¹⁶ Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

Bukuit Ne Tilil

¹⁶ Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

BUKUIT NE TILIL

¹⁶ Ee Jehovah ne bo lugosiek, Kamuktaindetab Israel, ne tebe kerubisiek, i Kamuktaindet, inye inyege, ne bo bounatosiek tugul che bo ng’ony; kiiyai kipsengwet ak ng’ony.

ISAIAH 37:16 Iomraidhean Croise

TAUNET 1:1

Eng' taunet, ko ki toi Kamuktaindet koyai kipsengwet ak ng'wony.

2 SAMUEL 7:26

Ingitoroor kaineng'ung' koigeny keele, ‘Kamuktaindet ne Toroor ne po lugoosyek ko Kamuktaindet ne pou Israel.’ Ak ki kimiti koigeny kootap otwogindeng'ung' Daudi eng' taing'ung'.

1 LAITORINIK 18:32

Kiteege kaptisisyet koichooto eng' kainetap Kamuktaindet ne Toroor, ak ki pal keriinget koyieme kaptisisyet, ne yamegei ak keruutik aeng' che po kesweek.

1 LAITORINIK 8:6

Ki ip tisiik moingetap arorutyet ne po Kamuktaindet ne Toroor, konyo ole tebee eng' koot oriit ole-tiliil eng' ye Tiliil Miising', kurereetap kebebaigap kerubisyek.

2 LAITORINIK 5:15

Ki week kwo ole mi chiitap Kamuktaindet, ineendet ak piikyik tugul che ki mi ak ineendet, ak ki nyo ak kotonon eng' tainnyi: ak kole, “Kaanai anyun nguno, ale ma mi Kamuktaindet eng' ng'wony tugul, kobatee eng' Israel. Ara asaain nguno anyun ale, taach konunet eng' otwogindeng'ung'.”

EZRAH 1:3

Ingotogosta Jerusalem ne mi Judah age tugul eng' okweek che oo piikyik, ak ingotep Kamuktaindennyi kobooto ineendet. Ingwo koteekyi koot Kamuktaindet ne Toroor, Kamuktaindetap Israel (ineendet ko Kamuktaindet) ne mi Jerusalem.

TIENWOGIKAL 146:6

ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 80:1

Ep iit, ee Mestowotap Israel, Inyee ne indochini Joseph ko uu akweetap keechiirek; Iluu, inyee ne itebee kerubisyek.

TIENWOGIKAL 86:10

Amu ii oo, ak iyae kwang'utik; Ii Kamuktaindet inyegei.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

KOMONG'U 25:22

Yeityo ketuiye ak inyee eng' olooto ak keng'alaal kobooten ko katebee kerwanooto po rireenet parak, ami kwenutap kerubisyek aeng' che mi paragutap moingetap paornateet ak amwaun tuguuk tugul che ang'atiin agobo piigap Israel.

ISAIAH 37:15

Ak ki sa Hezekiah Kamuktaindet ne Toroor kole,

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

ISAIAH 40:22

Ineendet ko ne tebee ole pooch yiemutyetap ng'wony, ak uu che menyei olooto, talamik; ne iitoi kipsengwet ko uu angeet, ak koiito kipsengwetisyechooto ko uu emait ne ki menyei:

ISAIAH 40:28

Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 45:12

Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

ISAIAH 8:13

Amu Kamuktaindet ne Toroor ne po lugoosyek ineegei ne ogonyiti; ak ingoek ineendet ne oiywei, ak koek ineendet ne koonok oiyweisye.

JOHANA 1:3

Ki kiyai tuguuk tugul eng' ineendet; ak ma mi kiy agot agenge ne ki piit ama eng' ineendet. Kiy ne ki yaak

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

KOLOSAIK 1:16

amu ki kitoi keyai tuguuk tugul eng' ineendet, che mi kipsengwet ak che mi ng'wony, tuguuk che taagu ak tuguuk che ma taagu, anan laitornatosyek, anan kiptainatosyek, anan pounatosyek anan kimnatosyek; ki kitoi keyai tuguuk tugul eng' ineendet ak ko po ineendet;

HEBRANIK 4:16

Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.

1 SAMUEL 4:4

Ki kiyookto anyun piik koba Shiloh, ak ki ip eng' yooto moingetap arorutyetap Kamuktaindet ne Toroor ne po lugoosyek ne tebee kerubisyek. Ki imi yooto anyun Hopni ak Phineas, weeriichooto aeng'u po Eli kobooto moingetap arorutyetap Kamuktaindet.