ISAIAH 30:10 - BUKUIT NE TILIIL Sireet ne Dutero Kanon

¹⁰ che mwachin keerik koleenji, “Amogeer”; ak koleenji maotik, Amomaotenwech tuguuk che po iman, omwaiwech tuguuk che tangus, omaoten kaberberisyosyek,

Bukuit Ne Tilil

¹⁰ che mwachin keerik koleenji, “Amogeer”; ak koleenji maotik, Amomaotenwech tuguuk che po iman, omwaiwech tuguuk che tangus, omaoten kaberberisyosyek,

BUKUIT NE TILIL

¹⁰ che mwachin keerik kolenji, Amogeer; ak kolenji maotik, Amomaotenwech tuguk che bo iman, omwawech tuguk che tangus, omaoten kaberberisiosiek:

ISAIAH 30:10 Iomraidhean Croise

1 LAITORINIK 21:20

Ki leenji `Ahab Elijah, “Kainyoorwo, punyondennyu?” Ki wol kole, “Ee, kaanyoorun! Amu kaialdegei iyai yaityet eng' taitap Kamuktaindet ne Toroor.

1 LAITORINIK 22:27

ak koleenji, “ ‘Kamwa laitoryat ko uu ni, kole: Onde chiichi korgoreet, obae ineendet amitwogigap nyalilda ak peegap nyalilda agoi aweigei eng' kaalyeet.’ ”

2 ATEPTAP PEETUUSYEK 16:10

Ki nereekyi anyun Asa miising' keerindet, kot konde ineendet korgoreet. Eng' peetuusyechooto, ko ki inam kous Asa piik alak eng' pichooto.

2 ATEPTAP PEETUUSYEK 25:16

Ak ye kita kong'alaaldos ak ineendet, koleenji laitoryat, Tos kogindein iegu kirwoogindetap laitoryat? Muite; amu nee si imache kebarin? Kimuita anyun maotyot, ak ki le, Angen ale, kagotil Kamuktaindet kole kong'emin, amu kaiyai ni, ama igas ng'aleekyuk.

Kitabuutap JOB 41:3

Tos saisain konyil che chaang'? Anan tos ng'alaalun ng'aleek che tangus?

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 29:10

Amu kirong'jok Kamuktaindet ne Toroor rwondo ne nyigiis, ki kogeer konyekwok, okweek maotik, ak ki kotuch kandoikwok, chooto ko keerik.

ISAIAH 5:20

Pwo eng' icheek che kuure `yaityet myeeindo, ak koguure `myeeindo yaityet, che igeere `mesundeito lapkeiyet, ak kogeere `lapkeiyet mesundeito; che igeere `ng'wanindo anyinyindo, ak kogeere `anyinyindo ng'wanindo!

JEREMIA 11:21

Nooto anyun amu nee si komwaei Kamuktaindet ne Toroor agobo piigap Anatoth, che cheeng'ei saboondang'ung', kole, “Amat imaoten eng' kainetap Kamuktaindet ne Toroor, si ma ki parin acheek.”

JEREMIA 23:17

Mwachin icheek kotugul piik che sasa, koleenjin, Kamwa Kamuktaindet ne Toroor kole, onyooru kaalyeet; ak komwachi chii age tugul ne wendote uuindap muguleldanyi, koleenjin, Manyonjinin yaityet age tugul.

JEREMIA 26:11

Yeityo komwachi tisiik ak maotik, pounik, ak piik tugul koleenji, Nyoljin meet chiichi; amu kogomaoten kiit ne ya agobo nganasani, ko uu ye koogas eng' itiikwok.

JEREMIA 29:27

Ara anyun, amu nee si meger kong' Jeremiah ne po Anatoth ne yaegei koek maotyondeng'wong',

JEREMIA 36:29

Ak imwa agobo Jehoiakim laitoryatap Judah ile, Mwaei Kamuktaindet ne Toroor kole: Ki ibeel bukuinooto, ile, Amu nee si isir, ile, Nyoonei laitoryatap Babilon iman kong'emei emoni, ak kowong' eng' olito chii ak tyony?

JEREMIA 38:4

Koleenji anyun pounik laitoryat, Kisoomin keele, myee kebar chiichi; amu igoochin eunegap murenigap lugeet che ng'etu eng' nganasani, konyalulyo, ak eunegap piik tugul, amu mwachin icheek ng'aleek che uu chooto: amu ma cheeng'ei chiichi chametapkei ne po pichu, ago cheeng'jin nyalilda.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

AMOS 2:12

Ago koigoochi Nasiritik divaik koe; ak ong'at maotik oleenji, “Amat omaoten.”

AMOS 7:13

ago mat kota imaoten kogeny eng' Bethel, amu olooto ko oldo ne tiliil ne po laitoryat, ak ko kootap laitornatet.”

MIKAH 2:11

Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

MIKAH 2:6

Mwaei icheek kole amomaoten. Ma maotenjin icheek chuuto: ma petos chotisyosyek.

JOHANA 7:7

Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

JOHANA 8:45

Ago moyana amu amwae imanit.

POISYONIGAP CHE KIYOKTOI 4:17

Ago si mata koiyestaat eng' kwenutap piik, konyolu keger kong' icheek, si mata kong'alaalji chii age tugul eng' kainaniito kogeny.”

POISYONIGAP CHE KIYOKTOI 5:28

kole, “Kigeetenak inne keele, amatata oneet piik eng' kainani, ak ogeero, ki onyiit Jerusalem kaneetisyeng'wong', ak omache oibwech korotiigap chiichito kobwanjech.”

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

GALATYEK 4:16

Ara anyun tos kaaegu punyondeng'wong', amu kamwaiwok ne po iman?

2 TIMOTEO 4:3

Amu nyoonei peetuut ne ma tuun epchin iit agot kitigin kaneetisyet ne po imanit; ago, tinyei iitiik che iututos, iyumjigei kaneetik che isubi maguutikwak;

2 TIMOTEO 4:4

ak koeesyo koepchi iit imanit, ak komasta koosup atindonik che po puch.

NG'ANG'UTYET 11:7

Ak ye tuun kagogees paornatennywa, koyai lugeet tyondo ne mang'une keriinget ne ma igoksei, ak koterteer icheek, ak kobar icheek.

1 SAMUEL 9:9

(Kingwo chii keny eng' Israel kwo koteebe Kamuktaindet ng'olyoo, komwaei kole, “Obwa keebe kapkeerindet” amu ineendet ne kiguure maotyot nguno, ko ki kiguuren keny keerindet.)