ISAIAH 26:11 - BUKUIT NE TILIIL Sireet ne Dutero Kanon

¹¹ Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

Bukuit Ne Tilil

¹¹ Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

BUKUIT NE TILIL

¹¹ Kasutok eung’ung’ Jehovah, ama keerei ichek: ago keerei kagiileng’ung’ bo ge agobo bik, ak kolilanso; ee, laldos buniguk.

ISAIAH 26:11 Iomraidhean Croise

Kitabuutap JOB 34:27

amu kimasta, ma isup ineendet, ama ibwaat age tugul eng' ortinwekyik.

TIENWOGIKAL 10:12

Ng'eet, ee Kamuktaindet ne Toroor! Ee Kamuktaindet, namji parak eung'ung'; ameutyee che kiusei.

TIENWOGIKAL 21:8

Nyooru eung'ung' puuniguk tugul; nyooru eung'ung' ne po tai icheeget che wechin.

TIENWOGIKAL 28:5

Amu ma mage kiy poisyonigap Kamuktaindet ne Toroor, anan poisyetap eunekyik, putei `Kamuktaindet ne Toroor icheek ama koteechei kogeny.

TIENWOGIKAL 78:63

Ki par maat weeriikwak; Ama kityenji tiibiikwak tyendap katunisyet.

TIENWOGIKAL 86:17

Yaiywo kaboorunet ne po myeeindo: Si kogeer che wecho ak kolilaanso, Amu kaitoreta, inyee Kamuktaindet ne Toroor, ak kaigaigaa.

KOMONG'U 9:14

Amu ayookyini korotwek che ng'woneen muguleldang'ung', otwogiguk, ak piiguk, si kobiit inai ile ma mi age ne uu anee eng' ng'wony komugul.

ISAIAH 1:31

Ak koigei che kiimeen katanisyek che arurendos, ak koigei poisyennyi maat ne iteri; ak kolalyo tuwai, ama piitu ne imisi.

ISAIAH 10:16

Igoochin anyun Kiptaiyat Kamuktaindet ne Toroor ne po lugoosyek, piikyik che neryootiin kosagityo, ak tuun piitu liplibenet ne uu ne po maat ne lalei, ne kigeere toroornatennyi.

ISAIAH 10:17

Ak koek maat lapkeiyetap Israel, ak koek nenyi Ne Tiliil liplibenetap maat, ak kobeel kowong' katookyik che rutei piich ak che toorei piich peetuunak.

ISAIAH 11:13

Ak koistogei ng'et kondap Ephraim kogeny, ak keisto icheek che inyalili Judah; ak ma amei ng'etkong' Ephraim agobo Judah, amainyalili `Judah Ephraim.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

ISAIAH 44:18

Ma ingen icheek, ama ibwaati: amu ki kogeer konyekwak, si ma keerto; ak koger mugulelwekwak, si ma iguiyo.

ISAIAH 44:9

Puch icheeget tugul che yaei kanamonik che kiwaei; ak ma tinyei keljinet tuguukwak che iboiboegei: ak ma keertoi paorinikwak, ama naei; si kolilaanso.

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 59:17

Ak ki ilaach imanda ko uu karnetap tegeet, ak chepkulet ne po yetunet eng' metinnyi; ak ki ilaach ngoroigap yaaktaetap mugetuut, ak ki ilaach kagiiletapkei ko uu sambut.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

ISAIAH 63:15

Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

ISAIAH 66:24

Ak komanda koba kogeer muuswegap piik che ki ingelelja: amu ma pegu kutikwak, ama kimisi manywa; ak koek che wechei piik tugul.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

ISAIAH 9:18

Amu lalei yaityet ko uu maat, igeesu katook che rutei piich ak che toorei piich: lalei eng' timiin ne oo, ak koiyen iyeto ne oo ne uu poolik che nyigiisen.

ISAIAH 9:19

Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 44:28

Ak koweigei icheek che chililee rotwetap chok komong' eng' emetap Misiri, kobwa Judah, che ng'ering'; ak konai tugul che ki kong'et che po Judah, che ki pa emetap Misiri koba kotebee olooto, kole ng'olyootap ng'oo ne isuldoi, nenyu anan nenywa.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

MIKAH 5:9

Ingitoroor eung'ung' eng' paragutap puuniguk, ak ingeisto puuniguk tugul.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

MIKAH 7:16

Keerei pororyosyek ak kolilaanso amu kimnateennywa tugul: kere eunekwak kutusweekwak, ak kotimogis itiikwak.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

LUKA 16:23

Ak ye ki mi ye mi che ki kobek konyal parak, komi nyalilda ne oo, kogeer Abraham komi ole loo, komi Lazaro tegeennyi.

POISYONIGAP CHE KIYOKTOI 28:27

Amu kwolilenotin mugulelwegap pichu, ak ma kastoi komyee iitiikwak, ak kiger icheeget konyekwak; si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny, ak asoop icheek.’

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

HEBRANIK 10:27

ago kagenet ne po kirwooget eng' kaiyweisyet, ak koroomnatetap maat ne igeesu puunik.

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 3:9

Agoochini che po sinagogitap Setani, icheeget che mwaei kole ki Yahudik, ago ma icheek, kenu, keero, agoochini icheek kobwa kogutuny eng' keelyeguk, ak konai kole ki achamin.

1 SAMUEL 6:9

Ak ogeer; ngot kotogosta kobun kiwotennyi kowendi Beth-shemesh, ko kaagaa ko ineendet ne kiyaiywech yaityoni oo. Ago ngot koma pun, kenai anyun keele ma eunnyi ne kobirech ago kaagaa kiy ne koityech puch.”