ISAIAH 24:23 - BUKUIT NE TILIIL Sireet ne Dutero Kanon

²³ Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

Bukuit Ne Tilil

²³ Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

BUKUIT NE TILIL

²³ Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 24:23 Iomraidhean Croise

TIENWOGIKAL 97:1

Laitorani Kamuktaindet ne Toroor; ingobaibait ng'wony; ingogaskei emotinwek che chaang' che mi ngeguusyek.

KOMONG'U 15:21

Ki wolji Miriam koleenji, “Otyenji Kamuktaindet ne Toroor amu ki ibelis eng' kabelisyet ne toroor miising'; ki kiwiirchi nyanjet paraisiit kobooto ne ki laanyei.”

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 13:10

Amu kecheigap kipsengwet ak kecheikyik che iyumigei koma kogoonu lapkeiyennywa; imenitu asiista komachei kochor, ak ma kooluu arawet agine.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 33:17

Keerei konyeguk karaaranindap laitoryat; keerei icheek emet ne kiuiitogei.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 60:1

Ng'eet, iluu; amu kagoit lapkeiyeng'ung', ak kagochorchin toroornatetap Kamuktaindet ne Toroor.

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

ISAIAH 60:20

Ma kororoktoi asiistang'ung', ama komeei araweng'ung': amu egu Kamuktaindet ne Toroor lapkeiyeng'ung' ne po koigeny, ak kogeskei peetuusyegap riireguk.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

JOEL 3:15

Imenitu asiista ak arawet, ama kooluu kecheik,

OBADIA 1:21

Ak togosu `saruunik tulweetap Zion korwookyi tulweetap Esau; ak kobunji pounateet `Kamuktaindet ne Toroor.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

SEKARIA 14:6

Ak ma iluu lapkeiyet eng' peetuunooto amaimenitu:

SEKARIA 14:7

ago peetuut agenge ne naat eng' Kamuktaindet ne Toroor; ma peet, ama kemoi: ago lapkeitu koskoleny.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 24:29

“Ne ma tyanit ko kagogeskei nyalilda ne po peetuusyechooto, koimenit asiista, ama kooluu arawet, ak rorogu kecheik eng' kipsengwet, ak kitumdum kimnatosyek che po kipsengwet.

MATAYO 6:10

Ingonyo laitornateng'ung'. Ingoyaak mageng'ung' eng' ng'wony ko uu ye yaaksei eng' kipsengwet.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 19:4

Ak ki ibutyi ng'wony poisyek tiptemu ak ang'wan che saptos ak kolas Kamuktaindet ne tebee ng'echereetap laitornatet, komwaei koleen, “Amen! Haleluya!”

NG'ANG'UTYET 19:6

Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.