ISAIAH 2:4 - BUKUIT NE TILIIL Sireet ne Dutero Kanon

⁴ Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

Bukuit Ne Tilil

⁴ Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

BUKUIT NE TILIL

⁴ Ak koruoksechin inendet bororiosiek, ak koger kong’ bik che chang’: ak kotany rotokwak bo chok koek mogomboik che bo tuga, ak kotany ng’otwekwak koek chepkesok: si ma kobargei bororiosiek, ama konetegei luget kogeny.

ISAIAH 2:4 Iomraidhean Croise

TIENWOGIKAL 110:6

Tuun irwookyin pororyosyek, inyiiti emotinwek muuswek. Tuun kwerei metowek eng' emotinwek che chaang'.

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

TIENWOGIKAL 46:9

Igeesu `inee lugoosyek eng' ng'wony; iriei kwanget, ak iriei ng'otit; ak peelei long'onik eng' maat.

TIENWOGIKAL 82:8

Ee Kamuktaindet, ng'eet, irwooksechi ng'wony: Amu tuun egu pororyosyek tugul poroteng'ung'.

TIENWOGIKAL 96:13

Eng' taitap Kamuktaindet ne Toroor, amu nyoonei: Amu nyoonei korwookyin ng'wony, Irwookyin ng'wony eng' imanda, Ak korwookyin piik eng' imandanyi.

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 32:18

Ak kotebee piikyuk meng'ootetap kaalyeet, eng' meng'otosyek che riibootin, ak eng' komoswek che kimuung'e ole siisaat.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 42:3

Ma iriei tegat ne chisot, ama imisi ineendet kitambit ne iyeni: ibu kirwooget eng' iman.

ISAIAH 9:5

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

HOSEA 2:20

Achobe atunin eng' imanda; ak inai Kamuktaindet ne Toroor.

JOEL 3:10

Otany mogomboikwok che po tuuga koek rotoogap chok, ak otany chepkesokwok koek ng'otwek: ingomwa ne nyalulat, kole, aa kiim.

JOEL 3:12

Ingong'eetkei pororyosyek, ak kobwa atebweetap Jehoshaphat: amu atebye eng' olooto ak arwookyi pororyosyek tugul che mi komoswek tugul.

MIKAH 4:3

Ak korwooksechin pororyosyek che chaang', ak koger kong' pororyosyek che kiimeen che mi ole loo; ak kotany rotonikwak po chok koek mogomboik che po tuuga, ak kotany ng'otwekwak koek chepkesok si ma kobaregei pororyosyek, ama koneetegei lugeet kogeny.

SEKARIA 9:10

Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

POISYONIGAP CHE KIYOKTOI 17:31

Amu Ki kochop peetuut ne tuun irwookyine ng'wony eng' imanda eng' chiichooto ki kolewen; ak agobo niito ko ki koboorchi komyee piik tugul ye ki ing'eet ineendet komong' eng' che ki pek.”

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

1 SAMUEL 2:10

Ki ng'emei che ibeligei ak Kamuktaindet ne Toroor; tuljin icheek ko uu ilat ne ng'eete kipsengwet. Irwookyin Kamuktaindet ne Toroor ng'wony komugul; igoochin kimnateet laitoryandennyi, ak kogoochi kabelisyet nenyi ne iilaat.”