ISAIAH 18:3 - BUKUIT NE TILIIL Sireet ne Dutero Kanon

³ Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

Bukuit Ne Tilil

³ Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

BUKUIT NE TILIL

³ Okwek tugul che omenye ng’ony, ak okwek che omenye emet, ogeer ye kinamjin barak songoliet eng’ tulonok; ak oeb it ye kiguutei iriaget.

ISAIAH 18:3 Iomraidhean Croise

TIENWOGIKAL 50:1

Katwek Ne po Kamuktaet, inee Kamuktaindet ne po Toroornatet, ak kaguur ng'wony kobooch ko kachor asiis agoi kororokto.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 13:2

Olumde penderet eng' tulweet ne churat, owaakyi, onde parak eunekwok ye ong'usei koba komoswek tuwai, si kobiit komandae ormariichogap piik che taagunotiin.

ISAIAH 13:4

Kas polatetap tuiyet eng' tuloonook, ne uu ne po pororyet ne oo! Polatetap wasetapkei ne po laitornatosyek, che po pororyosyek che kaiyumgei! Iyumi Kamuktaindet ne Toroor ne po lugoosyek lugeet agobo pooryeet.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 31:9

Ak komwei rwandennyi amu kamuiset, ak kotoptobenso pounikyik amu songolyet ne kageer,” mwaei Kamuktaindet ne Toroor ne mi maannyi Zion, ak komi maannyi ne oo Jerusalem.

ISAIAH 49:22

Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

ISAIAH 5:26

Ak konamji ineendet parak songolyet koboorchi pororyo ne loo, ak koititenji icheek kobwa eng' ole poochin ng'wony, ak kobwa korwou, kochogu.

ISAIAH 7:18

Ak eng' peetuunooto koititenji Kamuktaindet ne Toroor kalyang'ik che mi tabanwek che looen che po ainoosyegap Misiri, ak koititenji segemik che mi emetap Assyria.

JEREMIA 22:29

Ee emoni, emoni, emoni, kas ng'olyootap Kamuktaindet ne Toroor.

JEREMIA 51:27

Onamji parak songolyet eng' emet, oguut iryageet eng' pororyosyek, ochop pororyosyek kobargei ak ineendet, oguur pounatosyegap Ararat, ak che po Mini ak che po Ashkenas, kobargei ak ineendet: olewen kiptaiyat ne paregei ak ineendet; ogetu paraisisyek che uu tinapchet.

MIKAH 1:2

Ogas okweek pororyosyek, okweek tugul, oepchi iit, ee ng'wony, ak tugul che mi olooto: ak ingoek Kiptaiyat Kamuktaindet ne Toroor paoryat eng' okweek, Kiptaiyat ne mi hekalunnyi ne tiliil.

MIKAH 6:2

Ogas, ee okweek tuloonook, ng'aleek che ting'enok Kamuktaindet ne Toroor, ak okweek lumeiywek che kiimeen che po ng'wony; amu ting'ee `Kamuktaindet ne Toroor piikyik ng'aleek, ak machei kong'alaal ak Israel.

MIKAH 6:9

Kuurei kutitap Kamuktaindet ne Toroor nganaseet ak koywei ne utaat kaineng'ung': ogas kirokto, kobooto ineendet ne king'atei.

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

MATAYO 13:16

“Ago iberuurotin konyekwok, amu keertoi, ak iitiikwok, amu kastoi.

MATAYO 13:9

Ineendet ne tinyei itiik che kastoi, kogas.”