ISAIAH 17:1 - BUKUIT NE TILIIL Sireet ne Dutero Kanon

¹ Maotenet agobo Damasko. Ogeero, kageisto Damasko, si mata koek nganaseet, ak egu karaatya.

Bukuit Ne Tilil

¹ Maotenet agobo Damasko. Ogeero, kageisto Damasko, si mata koek nganaseet, ak egu karaatya.

BUKUIT NE TILIL

¹ Lautietab Damasko. Ogeero, kageisto Damasko, si mata koek nganaset, ak egu karatia.

ISAIAH 17:1 Iomraidhean Croise

TAUNET 14:15

Eng' kemoi, ko kipchei piikyik `Abram asi kobookyi ak koterteer puunik. Ki isup icheek agoi koit Hoba murot kaataam ne po Damasko.

TAUNET 15:2

Ak ki wolji Abram kole, “Ee Kiptaiyat Kamuktaindet ne Toroor, ta igoono nee, ago kawe kalilot ama tinye lakwa, ago ineendet ne tuun indii tuguukyuk ko Elieser ne po Damasko?

1 LAITORINIK 11:24

Ki iyum piik koba ole mi ineendet, ak koek kiptaiyatap kweanetap lugeet, kingo par Daudi piigap Soba. Ki pa icheek Damasko komeny ak kolaitoran eng' olooto.

2 LAITORINIK 16:9

Ki kasyi ineendet laitoryatap Assyria, ak kitogosta kobookyi Damasko. Ki nam ak koluul piigap yooto komut koba Kir ak kobar Rezin.

1 ATEPTAP PEETUUSYEK 18:5

Ki par `Daudi piigap Syria che menyei Damasko piik eliphuusyek tiptem ak aeng', che kibwonei kole kotoret Hadareser laitoryatap Soba.

2 ATEPTAP PEETUUSYEK 28:23

Amu kieng'ji tiseiywek kamuktaigap Damasko, che kibar ineendet; ak ki le, “Amu toreti kamuktaigap laitorinigap Syria icheek, aeng'jini anyun agane icheek, si kobiit kotoreta.” Ago ki ek chooto che king'em ineendet ak Israel tugul.

2 ATEPTAP PEETUUSYEK 28:5

Ki inde Ahaz anyun `Kamuktaindet ne Toroor Kamuktaindennyi eutap laitoryatap Syria, ak ki iterteer ineendet ak komut tuiyet ne oo ne po piikyik koek luulenik ak komut koba Damasko. Ki kinde ineendet kogeny eunegap laitoryatap Israel, ne ki iterteer ineendet eng' pareet ne oo.

ISAIAH 10:9

Tos, ma uu Kalno Karkemish? Tos, ma uu Hamath Arpad? Tos, ma uu Samaria Damasko?

ISAIAH 13:1

Maotenet agobo Babilon, ne ki keer Isaiah weeriitap Amos.

ISAIAH 15:1

Maotenet agobo Moab. Amu king'emei Ar ne po Moab eng' kemout agenge, kiwong'; amu king'emei Kir ne po Moab eng' kemout agenge, kiwong'.

ISAIAH 19:1

Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

ISAIAH 25:2

Amu ki iyai nganaseet koek karurugutyet; ki iyai nganaseet ne ng'ootaat koek karaatya. Ki iyai kootap laitoryat ne po toek koek ole ma mi nganaseet; ma koi ta keteech kogeny.

ISAIAH 37:26

Tom igas ole ki ayaite ko uu nooto keny, ak ayai eng' peetuusyek che po keny? Ara kaasulde nguno, si kobiit ibut nganasook che ng'ootaatiin koek karurugutik che ki king'em.

ISAIAH 7:16

Amu kotom konai lakweet koeesyo ne ya, ak kolewen ne myee, kemetoi emet ne iweche laitorinikyik tuwai.

ISAIAH 7:8

Amu metitap Syria ko Damasko, ak metitap Damasko ko Rezin. (Ye tomo kogeskei kenyiisyek tamanwogik lo ak muut, ko tonaksei Ephraim si ma ko pororyet.)

ISAIAH 8:4

Amu kotom komuuch lakwanooto kotwek kole, ‘Abba’ anan ‘Eiyo,’ koluulei laitoryatap Assyria mogornatosyegap Damasko ak parunenigap Samaria.”

JEREMIA 49:2

Ogeer anyuno, pwoonei peetuusyek, mwaei Kamuktaindet ne Toroor, ne aibu waagaatap lugeet kegas agobo Rabbah ne po lagogap Ammon; ak koek karaatya ne irurugot, ak kebeel tiibiikyik: konam anyun Israel kobunji, icheek che kiga konam ineendet, mwaei Kamuktaindet ne Toroor.

MIKAH 1:6

Ayae anyun Samaria koek karurugutyetap emet, ak koigei ole kiminjin sabibuk: ak atumde koikyik koba atebweet, ak ang'aany lumeiywekyik.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEKARIA 9:1

Nyigiisindap ng'olyootap Kamuktaindet ne Toroor agobo emetap Hadrak, ak egu Damasko ole tebee. Amu tokyingei `Kamuktaindet ne Toroor piik tugul, ak pororyosyek tugul che po Israel;

POISYONIGAP CHE KIYOKTOI 9:2

ak kosoom ineendet paronok che ibei koba Damasko agobo sinagogisyek, kole ngo nyoor alak tugul che po Oranooto, ngo murenik anan kobogorisyek, komuuchi komut kobwa Jerusalem ko ratotiin.

NG'ATUTIK 13:16

Iyumji tuguukyik tugul kwenutap ooreetap nganasanooto ak ibeel nganaseet ak tuguukyik tugul kogeskei, ibeelji Kamuktaindet ne Toroor Kamuktaindeng'ung' ak koek tulwo koigeny ago ma keteechei kogeny.