ISAIAH 13:22 - BUKUIT NE TILIIL Sireet ne Dutero Kanon

²² Ak koteiyo suik eng' irimoikwak, ak koteiyo lelwek eng' kooriikwak che korooron che po laitorinik. Kagoriik peetuunnyi, ama ketesei peetuusyekyik.

Bukuit Ne Tilil

²² Ak koteiyo suik eng' irimoikwak, ak koteiyo lelwek eng' kooriikwak che korooron che po laitorinik. Kagoriik peetuunnyi, ama ketesei peetuusyekyik.

BUKUIT NE TILIL

²² Ak koteiyo suik eng’ irimoikwak, ak koteiyo lelwek eng’ gorikwak che kororon che bo laitorinik: ak kagorik betunnyi, ama ketesei betusiekyik.

ISAIAH 13:22 Iomraidhean Croise

TIENWOGIKAL 44:19

Nga uu nooto ko ki ibirech miising' eng' kwenutap suik, ak ki itugenech mesundeito ne oo.

ISAIAH 14:23

Ak agoochi komeny emonooto chepswererinik, ak tamboinigap peek. Ak abuge kabugoitap ng'emisyet, mwaei Kamuktaindet ne Toroor ne po lugoosyek.”

ISAIAH 25:2

Amu ki iyai nganaseet koek karurugutyet; ki iyai nganaseet ne ng'ootaat koek karaatya. Ki iyai kootap laitoryat ne po toek koek ole ma mi nganaseet; ma koi ta keteech kogeny.

ISAIAH 32:14

Amu kibagaaktoi kootap laitoryat; kiue nganaseet ne mi piik che chaang'; tulweet ak teekseet ne kooi ne kitabendoe, ko egu kebenonik koigeny ole poiboitune sigirok che po timiin, koek ole agete keechiirek;

ISAIAH 34:13

Ak kobitye katok kooriikyik che po laitorinik, ak kobitye siwek ak katook che rutei piich irimoikyik. Ak koek meng'ootetap lelwek, ak seremutap tyong'igap songolik.

ISAIAH 34:14

Ak kotuiyo tyong'igap surkwen ak suik, ak kowaach kwesta kowaakyi chorwennyi; ee, tebee olooto sugurut ne po kemoi, ak kosikyigei ole imuung'ee.

ISAIAH 35:7

Ak koek `ng'aniek che ilyeldos tamboiyot ak koek `emet ne yaamaat kong'igap peek. Ak eng' ole ki menyei lelwek, ko egu `susweek saoset ak mutweek.

ISAIAH 43:20

Konyita tyong'igap timiin, lelwek ak tyong'igap songolik: amu agoonu peek eng' surkwen, ak ainoosyek eng' surkwen, si anaga piikyuk, chechuuk che ki alewen:

JEREMIA 48:16

Kariikyi Moab nyalildanywa, ak chogu usiisyennyi.

JEREMIA 51:33

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: uu cheptap Babilon rwanyut ne kiboorsee eng' peetuut ne kityechei; tomo kitigin, si konyonji peetuutap kesisyet.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

RIREKAB JEREMIA 4:3

Agot lelwek kogoochin aarekwak kinet kochuchun, ago kagogolgolit piikyuk, ko uu tyong'igap songolik eng' surkwen.

MIKAH 1:8

Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

SEPANIA 2:14

Ak koruiye akwotisyek kwenunnyi, tyong'ik tugul che po pororyosyek: ak kotebee chebo kibabaa ak chepswererit metowegap tolochikwak: tyendos eng' tirisyok: tebee kubernateet tugatugik: amu kigong'aany tuguuk che ki kituge taragonik.

NG'ATUTIK 32:35

Nenyu mugetuut ak kageeret. Neegit peetuut ne kagochabaita keelyekwak: Karik peetuutap nyalildanywa, ak chogu tuguuk che pwaanjin icheek.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.