ISAIAH 12:5 - BUKUIT NE TILIIL Sireet ne Dutero Kanon

⁵ Otyenji Kamuktaindet ne Toroor, amu ki koyai tuguuk che po telunateet; ingonaak niito eng' ng'wony komugul.

Bukuit Ne Tilil

⁵ Otyenji Kamuktaindet ne Toroor, amu ki koyai tuguuk che po telunateet; ingonaak niito eng' ng'wony komugul.

BUKUIT NE TILIL

⁵ Otienji Jehovah; amu kigoyai tuguk che bo telunatet: ingonaak nito eng’ ng’ony komugul.

ISAIAH 12:5 Iomraidhean Croise

TIENWOGIKAL 105:2

Otyenji, otyenji kalasunoik; ong'alaale poisyonikyik che kikwong'ee.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 98:1

Ee, otyenji Kamuktaindet ne Toroor tyendo ne leel; Amu ki koyai tuguuk che kikwong'ee: Ki yachi yetunet ineendet eunnyi ne po tai, eunnyi ne tiliil.

KOMONG'U 15:1

Ki tyen tyeni Musa kobooto piigap Israel kotyenji Kamuktaindet ne Toroor kole, “Atyenjini Kamuktaindet ne Toroor amu ki ibelis eng' kabelisyet ne toroor miising'. Ki wiirchi araraita paraisiit kobooto chiito ne kibunei.

KOMONG'U 15:21

Ki wolji Miriam koleenji, “Otyenji Kamuktaindet ne Toroor amu ki ibelis eng' kabelisyet ne toroor miising'; ki kiwiirchi nyanjet paraisiit kobooto ne ki laanyei.”

ISAIAH 24:14

Waaktos chuuto, tyendos miising' eng' poiboiyet; tyendos amu etunatetap Kamuktaindet ne Toroor kobooch cherongo.

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 42:10

Otyenji Kamuktaindet ne Toroor tyendo ne leel, otyen kalasunennyi kobooch tabandap ng'wony; okweek che ochoortoige nyanjet ak tugul che mi oriit, ngeguusyek ak piik che menyei olooto.

ISAIAH 42:11

Ingotyenso surkwen ak nganasookyik, nganasook che mengeechen che menyei Kedar, ingotyenso piik che menyei Shelah, ingowaach eng' tuloonook parak.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.