ISAIAH 12:4 - BUKUIT NE TILIIL Sireet ne Dutero Kanon

⁴ Omwae eng' peetuunooto ole: “Oweekyi Kamuktaindet ne Toroor kongoi, oguur kainennyi, omwaite poisyonikyik eng' pororyosyek, omwa ole kagotororit kainennyi.

Bukuit Ne Tilil

⁴ Omwae eng' peetuunooto ole: “Oweekyi Kamuktaindet ne Toroor kongoi, oguur kainennyi, omwaite poisyonikyik eng' pororyosyek, omwa ole kagotororit kainennyi.

BUKUIT NE TILIL

⁴ Ak omwae eng’ betunoto ole, Oweekyi Jehovah kongoi, oguur kainennyi, omwaite boisionikyik eng’ bororiosiek, omwa ole kagotororit kainennyi.

ISAIAH 12:4 Iomraidhean Croise

1 ATEPTAP PEETUUSYEK 16:8

Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik tugul.

1 ATEPTAP PEETUUSYEK 29:11

Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

TIENWOGIKAL 105:1

Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik.

TIENWOGIKAL 107:22

Ak ingogoito korosegap kongoi, ak komwaita poisyonikyik eng' tyendo.

TIENWOGIKAL 113:5

Ng'oo ne kergei ak Kamuktaindet ne Toroor, Kamuktaindennyo? Tebee inee ole toroor,

TIENWOGIKAL 148:13

Ingolas icheek kainetap Kamuktaindet ne Toroor; amu kainennyi ineegei ne itoroorot: siirei toroornatennyi ng'wony ak kipsengwet.

TIENWOGIKAL 18:46

Sabei Kamuktaindet ne Toroor! Iberuurot rwandennyu, ingotororit Kamuktaindet ne po yetunennyu.

TIENWOGIKAL 21:13

Tororitu, ee Kamuktaindet ne Toroor, eng' kimnateng'ung'! Tuun ketyen ak kilasu kimnateng'ung'.

TIENWOGIKAL 22:31

pwoonei kobartoi imandanyi eng' piik che tuun kisichei, keele, ineendet ne ki yai.

TIENWOGIKAL 34:3

Ongilasu Kamuktaindet ne Toroor, okweek ak anee, ongitoroor tugul kainennyi.

TIENWOGIKAL 40:5

Ee Kamuktaindet ne Toroor Kamuktaindennyu, ki iyai poisyonik che chaang' che kikwong'ee, kabwaatutik che ibwaate agobo acheek; koma kimuuchi ketetun. Ngot ale amwaita ak ang'alaalee, ko chaang' miising' kot koma kimuuchi kiit.

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

TIENWOGIKAL 57:5

Tororitu, ee Kamuktaindet, isiir kipsengwet. Ingoeet teegistang'ung' eng' ng'wony komugul.

TIENWOGIKAL 68:5

Kwandap che ma tinyei sigiik, ak ne tononjin mosoogik, Ko Kamuktaindet eng' koonnyi ne tiliil.

TIENWOGIKAL 73:28

Ago myee eng' anee ariikyi Kamuktaindet: Ki acham koek Kiptaiyat Kamuktaindet ne Toroor ole amwechini, Si kobiit amwaita poisyoniguk tugul.

TIENWOGIKAL 9:11

Otyenji kalasunet Kamuktaindet ne Toroor ne menyei Zion. Omwaite poisyonikyik eng' kwenutap piik.

TIENWOGIKAL 96:3

Omwaite toroornatennyi eng' pororyosyek, Ak poisyonikyik che kikwong'ee eng' piik tugul.

TIENWOGIKAL 97:9

Amu inyee, Kamuktaindet ne Toroor, ko ii toroor miising' eng' ng'wony komugul: Ki itororitu miising' isiir kamuktaik tugul.

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

KOMONG'U 33:19

Kowolji Kamuktaindet ne Toroor koleenji, “Achamdoi myeeindonyu tugul kosiirtoe taing'ung' ak amwaite kainenyu eng' taing'ung'. Ayachini ne myee ne amache ayachi ne myee ak aboorchi rireenetapkei ineendet ne yamei aboorchi rireenetapkei.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

ISAIAH 24:15

Otoroor anyun Kamuktaindet ne Toroor eng' kong'asiis, otoroor kainetap Kamuktaindet ne Toroor, Kamuktaindetap Israel, eng' ngeguusyegap nyanjet.

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 26:8

Eng' ooreetap kirwoogutiguk; Ee, Kamuktaindet ne Toroor, ki kigenin, makyingei saboonwekyok kaineng'ung' ak kabwaateng'ung'.

ISAIAH 33:5

Toroor Kamuktaindet ne Toroor; amu menyei parak, ki konyiit Zion kirwooget ak imanda.

ISAIAH 42:12

Ingogoochi Kamuktaindet ne Toroor toroornatet, ak komwaita kalasunennyi eng' ngeguusyek.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

JEREMIA 50:2

Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

JOHANA 17:26

Ki ang'aang'ji icheek kaineng'ung', ak ta ang'aang'jini; si kobiit kotebee icheek chamyet ne ki ichamena, ak anee eng' icheek.”