ISAIAH 11:4 - BUKUIT NE TILIIL Sireet ne Dutero Kanon

⁴ ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

Bukuit Ne Tilil

⁴ ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

BUKUIT NE TILIL

⁴ ago iruoksechin kibananok eng’ imanda, ak koger kong’ che taloen che bo ng’ony eng’ imanda: ak kobir ng’onyuni eng’ kiroktab kutinnyi, ak kobare kiptengeginik kabusennyi.

ISAIAH 11:4 Iomraidhean Croise

2 SAMUEL 8:15

Ak ki laitoran Daudi eng' Israel tugul; ak ki irwookyi Daudi piikyik tugul eng' lititindo ak iman.

Kitabuutap JOB 15:30

Ma istoegei mesundeito; iyami liplibenetap maat mooriikyik, ak wendi ineendet eng' kabuusetap kutinnyi.

Kitabuutap JOB 4:9

Petos eng' kabuusetap Kamuktaindet, ak kigeesu eng' usetap nereegekyik.

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

TIENWOGIKAL 18:8

Ki togostae iyeto seruunekyik, ak kibeelso maat ne ki mang'une kutinnyi; kilalyo nesek eng' maata.

TIENWOGIKAL 2:9

Itue icheek `kirokto ne po karnet; ak ituatui icheek ko uu rokyetap cheptereniot.”

TIENWOGIKAL 76:10

Iman ilasun nereegegap piik: Irategei nereegek che kang'et.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

ISAIAH 13:11

Ak abir ng'wony amu yaityennyi, ak abir kiptengeginik amu tengektonywa; ak awong'u menoteetap che mendos, ak anyeroti menoteetap che imuisei.

ISAIAH 14:30

Ak koamis kiboretook che po kibananook, ak koruiyo eng' chametapkei che ma tinyei kiy; ak abare rubeet tigityondeng'ung', ak kebar cheguuk che ng'etu.

ISAIAH 16:5

Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 26:6

Kityechei; tyechei kibananiat, ak ne ma tinyei kiy.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 3:14

Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.

ISAIAH 30:28

ak uu kabusennyi kereruut ne mi peek che ing'irtogei, che itei kaatit, si kobiit kochuchugan pororyosyek eng' kipchuchugetap ng'emisyet, ak kirate kutusweegap piik karnet ne imaasi.

ISAIAH 30:31

Amu kitonatoni piigap Syria eng' tweguunetap Kamuktaindet ne Toroor, ne pirei eng' kirokto.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 32:1

Ogeero, laitorani laitoryat eng' imanda, ak kobounis pounik eng' kirwooget.

ISAIAH 32:7

Yaacheen tuguuk che po rebindet; chobei chobutik che yaacheen si kobare che talaen ng'aleek che po lembech, agot ye ng'alaali ne ma tinyei kiy ng'aleek che lititen.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 40:7

Restos susweek ak kobetos taaptook, amu usyin kabuusetap Kamuktaindet ne Toroor. Susweek piik iman.

ISAIAH 49:2

ak ki koyai kutinnyu koigei rotwetap chok ne ng'atip, kiung'ena urwetap eunnyi; ki koyaa aek irumet ne ki kisit, kigoung'ena motyennyi:

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 33:15

Agoochini kobityi Daudi Temetap imanda eng' peetuusyechooto ak eng' peetuunooto; ak korwooch kirwooget ak imanda eng' emet.

JEREMIA 5:28

ki koneryo miising' ak iluu. Siirtootin icheek eng' poisyonigap sogornateet; ma irwoochi si kobesyechi eng' imanit ne ma tinyei sigiik, ama irwooksechin komyee che ponondos.

HOSEA 6:5

Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

MALAKI 4:6

Weechei `inee mugulelwegap kwanisyek kotokyigei lagokwak, ak koweech mugulelwegap lagok kotokyigei kwanisyekwak; si ma nyo abire ng'wonyuni chubisyet.”

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 5:5

Poiboen che talaen, amu tuun punjin ng'wony.

POISYONIGAP CHE KIYOKTOI 9:1

Ye kita konereechi Saulo koboisyee kamuiset ak parisyet agobo kasubigap Kiptaiyat. Ki wo kaptisiindet ne oo,

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

JAKOBO 3:13

Ng'oo ne utaat eng' okweek ak koguitos? Ingobarta poisyonikyik eng' atebeet ne myee eng' kaming'inetapkei ne po ng'omnateet.

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 19:15

Ak ki mang'une kutinnyi rotwetap chok ne ng'atip, si kobiit kobire pororyosyek: ak koboi icheek eng' kirokto ne po karnet: ak kotyech sabibuk eng' ole kituisye che po koroomnateet ne po nereegegap Kamuktaindet Ne po Kamuktaet.

NG'ANG'UTYET 2:16

Sigu anyun! Ngo ma uu nooto, anyoonjin achogu, ak anyoo aborye icheek eng' rotwetap chok ne po kutinnyu.