ISAIAH 11:2 - BUKUIT NE TILIIL Sireet ne Dutero Kanon

² Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.

Bukuit Ne Tilil

² Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.

BUKUIT NE TILIL

² ak kotebe inendet Tamirmirietab Jehovah, tamirmirietab ng’omnatet ak kaguiyet, tamirmirietab kiruoget ak kimnatet, tamirmirietab naet ak kaiyweisiet ne kiywei Jehovah.

ISAIAH 11:2 Iomraidhean Croise

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

TIENWOGIKAL 72:2

Irwookyin piiguk eng' imanda, Ak kobesyechi kibananoguk.

KOMONG'U 28:3

Yeityo ing'alaalji tugul che tinyei muguleldo ne po kaguiyet, che ki anyiit kabuusetap ng'omnateet, si konap ngoroik che po Aron si kobiit kitabaan ineendet koboisyeiwo eng' tisiisyet.

ISAIAH 28:6

ak kondochi kirwoogik eng' kap kirwooget koyai imanda, ak koek kimnateetap riibiigap nganaseet.

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

MATAYO 3:16

Kingo kagibatisan Jeso, ye kigatogos kityo eng' peek, ogeero, ki yaatagis kipsengwet ak kogeer `ineendet Kabuusetap Kamuktaindet kochoorugei ko uu cheptuget ak kotonoon eng' paragunnyi.

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

JOHANA 16:13

Ago ye tuun kagonyo ineendet, Kabuuset ne Tiliil ne po imanit, kondoiywok agoi oit imanda tugul: amu ma mwaei ineegei; ago mwaei tuguuk tugul che kasei: ak kong'ang'wok tuguuk che pwoonei.

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

NG'ATUTIK 34:9

Ki nyiitaat Joshua weeriitap Nun muguleldo ne po utaatyet. Amu kiga kogonoor Musa eunekyik ineendet. Ki kas iit anyun lagogap `Israel ineendet ak ki yai ko uu ye ki ng'at `Kamuktaindet ne Toroor Musa.

2 TIMOTEO 1:7

Amu ki ma koonech Kamuktaindet muguleldap nyogoryet, ago ne po kamuget ak chamyet ak riibetapkei.

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,