ISAIAH 1:15 - BUKUIT NE TILIIL Sireet ne Dutero Kanon

¹⁵ Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

Bukuit Ne Tilil

¹⁵ Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

BUKUIT NE TILIL

¹⁵ Ak ye oiite eunekwok, aung’enok konyekyuk: ee, ye osa eng’ sautik che chang’, ko magase: nyiitat eunekwok korotik.

ISAIAH 1:15 Iomraidhean Croise

1 LAITORINIK 8:22

Ki tonon Solomon eng' taitap kaptisisyetap Kamuktaindet ne Toroor eng' taitap tuiyet tugul ne po Israel, ak kochuul eunekyik kotokyi kipsengwet,

1 LAITORINIK 8:54

Kingo kagogees Solomon saaet eng' saaoni ak soomet ne ki saaei Kamuktaindet ne Toroor, kong'eet eng' taitap kaptisisyetap Kamuktaindet ne Toroor, eng' ole kigutung'e kotokyin eunekyik kipsengwet.

EZRAH 9:5

Yeityo ang'eet eng' kaming'inennyu pogei ye ki kigoitoi kagoochinetap koskoleny, ko kaabet ngoryennyu ne po oriit ak ne po parak. Ki agutuny ak aitoochi eunekyuk Kamuktaindet ne Toroor Kamuktaindennyu,

Kitabuutap JOB 27:20

Namei ineendet kamuisosyek ko uu peek, Chorei ineendet usoonet ne oo kemoi.

Kitabuutap JOB 35:13

Iman ma kasei Kamuktaindet tangoita, ama iiti Ineendet Ne po Kamuktaet.

TIENWOGIKAL 134:2

Otokyi eunekwok ye mi tiliilindo, ak olasu Kamuktaindet ne Toroor.

TIENWOGIKAL 55:1

Epchi iit saaennyu, ee Kamuktaindet; ameung'egei soomsennyu.

TIENWOGIKAL 66:18

Ye abwaat tengekto eng' muguleldanyu, koma kaswa Kiptaiyat.

KOMONG'U 9:29

Koleenji Musa ineendet, “Ye kaamande eng' nganaseet, eng' yooto anyun asutyi eunekyuk Kamuktaindet ne Toroor, si kosiis tuleet, ak kong'et koiyat, ak kobiit inai ile po Kamuktaindet ne Toroor ng'wony.

KALEWANAIK 1:28

Oguura anyun ago mawolu, ocheeng'a eng' kagiiletapkei ago monyorwo.

KALEWANAIK 6:17

konyegap menoteet, ng'elyepta ne mwaei lembech, ak eunek che tumdoi korotiik che ma tinyei tengek,

ISAIAH 4:4

Ye tuun kagoundo Kamuktaindet ne Toroor simdap tiibiigap Zion, ak koundo korotiigap Jerusalem eng' kwenunnyi eng' kirwooget, ak eng' maat.

ISAIAH 45:15

Iman, ii Kamuktaindet ne iunyegei, ee, Kamuktaindetap Israel, Yetindet.

ISAIAH 58:4

Ogeero, orugutige agobo pooryeet ak suryet, ak olugisye yaityet: morugutige eng' peetuuni si kegas kuting'wong' eng' ole po parak.

ISAIAH 58:7

Tos ma kebae amitwogiguk che amei rubeet, ak imutu kibananook che kigetimda, kobwa koong'ung'? Ye igeer ne mi aach ngor, ituch; ameung'egei piik che po oreng'ung'?

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

ISAIAH 8:17

Si agen Kamuktaindet ne Toroor, ne unyei togeennyi si ma keer kootap Jakobo, ak amang'u ineendet.

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

EZEKIEL 11:6

Ki otes eng' nganasani piikwok che kibarei, ak ki onyiit ortinwekyik piik che ki kibar.

EZEKIEL 14:3

Ee weeriitap chii, kigogonorchigei pichu kanamonikwak eng' mugulelwekwak, ak konde kanagutyetap tengektonywa tainnywa: tos teebena icheek ng'olyoo age tugul?

EZEKIEL 39:23

Ak konai pororyosyek kole ki kiluul kootap Israel amu tengektonywa; amu ki ingelelja, ak ki aung'e icheek togeennyu: ki ande anyun icheek eutap puunikwak, ak kobek icheek tugul eng' rotwetap chok.

HOSEA 5:6

Pendi icheek kobooto akwotisyekwak che po keechiirek ak che po tuuga kocheeng'ei Kamuktaindet ne Toroor; ago ma nyooru ineendet, kigoistoegei `ineendet icheek.

MIKAH 3:4

Ye ibata koriirchi Kamuktaindet ne Toroor, ago mawoljin: ee, ung'e togeennyi icheek eng' peetuusyechooto, ko uu ye ki yai yaityet eng' poisyonikwak.

SEKARIA 7:13

Ak ko uu ye kingo riirchi ineendet icheek ama kogas, ko uu nooto tuun riirtos icheek ama kase, mwaei Kamuktaindet ne Toroor ne po lugoosyek;

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

MATAYO 6:7

Ak ye osaae, ko mat otes ng'aleek puch, ko uu ye yaei pororyosyek; amu leen kigasyin icheek amu chaang'indap ng'aleekwak.

JOHANA 9:31

Kingen keele ma kasei Kamuktaindet kiptengeginik: ago ngo lasu chii age tugul Kamuktaindet, ak koyai magennyi, kogasei ineendet.

1 TIMOTEO 2:8

Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.