HOSEA 6:5 - BUKUIT NE TILIIL Sireet ne Dutero Kanon

⁵ Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

Bukuit Ne Tilil

⁵ Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

BUKUIT NE TILIL

⁵ Kiawai anyun ichek eng’ maotik; kiabare ichek ng’alekab kutinnyu: ak u kiruogutiguk lapkeiyet ne mong’u.

HOSEA 6:5 Iomraidhean Croise

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

1 LAITORINIK 14:6

Ara kingo kas Ahija cheetap keelyekyik, ko kait kurgat, koleenji, “Nyoo ko, osotyotap Jeroboam. Amu nee si iyaigei iigei age? Kagiyokwo aibun ng'aleek che pichiien.

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 18:17

Kingo keer `Ahab Elijah, koleenji `Ahab ineendet, “Inyee ni chiichi, ki inyaliil Israel?”

1 LAITORINIK 19:17

Ineendet ne chilili eng' rotwetap chok ne po Hazael, kobarei Jehu, ak ineendet ne chilili eng' rotwetap chok ne po Jehu kobarei Elisha.

2 LAITORINIK 1:16

Ki leenji ineendet, “Kamwa Kamuktaindet ne Toroor ko uu ni, kole: ‘Ko uu ye keyookte piik koba koteepse Baal-sebub kanamwetap Ekron, ko amu ma mi Kamuktaindet eng' Israel ne iteepse eng' ng'olyoondennyi? Nooto anyun, mechooruge eng' itogung'ung', ago imee iman.’ ”

2 ATEPTAP PEETUUSYEK 21:12

Ki nyoonji ineendet parweet ne ki punu maotyot Elijah, koleenji, “Kamwa ko uu ni Kamuktaindet ne Toroor, Kamuktaindetap Daudi kwandang'ung', kole: Amu ma iwendote ortinwegap Jehoshaphat kwandang'ung' anan ortinwegap Asa laitoryatap Judah,

Kitabuutap JOB 15:30

Ma istoegei mesundeito; iyami liplibenetap maat mooriikyik, ak wendi ineendet eng' kabuusetap kutinnyi.

Kitabuutap JOB 34:10

Ogas anyun amu nooto, pichu otinye naet, ingolooit eng' Kamuktaindet keele imuuchi koyai yaityet. Ak ingolooit eng' Ineendet Ne po Kamuktaet, keele koyai tengekto.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 37:6

Yaei imandang'ung' kotook ko uu lapkeiyet, ak yaei kirwoogutiguk kooluu ko uu peet kween.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

JEREMIA 1:10

Keero, kandein rani ibou pororyosyek ak pounatosyek, itutu ak ibut, ing'em ak igabui, iteech ak imiin.”

JEREMIA 1:18

Keero, kayain peetuuni iegu nganaseet ne riiboot, toloitap karnet, ak irimoigap sugunwet, si igirinde emet komugul, igirinde laitorinigap Judah ak pounikyik, tisiikyik ak piigap emet.

JEREMIA 13:13

Ileenji anyun icheek, mwaei Kamuktaindet ne Toroor kole, ogeero, anyiiti pogitet piik tugul che menyei emoni, laitorinik che tebee ng'echereetap laitornatet ne po Daudi, tisiik, maotik ak piik tugul che menyei Jerusalem.

JEREMIA 23:29

Tos ma uu ng'olyoondennyu maat? Mwaei Kamuktaindet ne Toroor; ak ma uu kiriswet ne tonei rwandet?

JEREMIA 5:14

Mwaei anyun Kiptaiyat ne po lugoosyek ko uu ni kole, “Amu mwaei pichu ng'olyoondoni, ayae ng'aleekyuk eng' kuting'ung' koek maat, ak koek pichu kweenik, si kobeel maata icheek.

EZEKIEL 11:4

Maoten anyun agobo icheek, maoten, ee weeriitap chii.

EZEKIEL 3:9

Kaayai turyetap togeng'ung' kouiit ko uu koita ne uui kosiir rwandet ne uui; ameiywei pichooto anan itoptoben eng' togoochikwak, agot nganda kot ne ngelelyot.

EZEKIEL 32:18

Ee, weeriitap chii, riirchi piik che chaang' che po Misiri, ak itimde icheek, ineendet ak tiibiigap pororyosyek che taagunotiin, koba ng'wony oriit, kobooto icheek che choorchingei keriinget.

EZEKIEL 43:3

Ak ki uu itoondap liilinooto ng'ang'utyet ne kigageer, ko uu ng'ang'utyet ne ki ageer ye ki anyoone ang'eme nganaseet; ak ki uu ng'ang'utichooto ng'ang'utyet ne ki ageer eng' ye neegitee aineetap Kebar: ak ki abut kot kotiiny togeet ng'wony.

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

POISYONIGAP CHE KIYOKTOI 7:31

Ak kingo keer Musa, kokwong' eng' kioto kageer; ak kingo riikta kole kogeer, kotwek kutitap Kiptaiyat kole:

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

EPESOEK 6:17

Ak onam kuutweetap yetunet, ak rotwetap chok ne po Kabuuset ne Tiliil, nooto ng'olyootap Kamuktaindet:

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 2:16

Sigu anyun! Ngo ma uu nooto, anyoonjin achogu, ak anyoo aborye icheek eng' rotwetap chok ne po kutinnyu.

NG'ANG'UTYET 9:15

Ki kityaach anyun malaikaisyechooto ang'wan, che kiga kechop agobo sait ak peetuut ak arawet ak kenyiit, si kobar kebeberta agenge eng' somok ne po piik.

NG'ANG'UTYET 9:21

Ak ma sik eng' rumisyosyekwak, anan eng' panisyosyekwak, anan eng' soksennywa, anan eng' choorsosyekwak.

1 SAMUEL 13:13

Koleenji `Samuel Saulo, “Keyai eng' perberyo ama iriip ng'atuutyetap Kamuktaindet ne Toroor Kamuktaindeng'ung' ne king'atin, amu kata igimiti Kamuktaindet ne Toroor laitornateng'ung' eng' Israel koigeny.

1 SAMUEL 15:22

Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.

1 SAMUEL 15:32

Yeityo komwa Samuel kole, “Omutwaa Agag laitoryatap Amelegik konyo yu.” Ki nyo anyun Agag kobaibai ak kobwaati koleen, “Eng' iman ni ko ng'wanindap meet.”

1 SAMUEL 15:33

Ago ki mwa Samuel kole, “Ko uu ye ki yachi rotweng'ung' po chok kobogorisyek kobetyi lagok, koegu kamenng'ung' agine ne ma tinyei lakwa eng' kobogorisyek.” Ak kimurmur `Samuel Agag kotonaton eng' taitap Kamuktaindet ne Toroor eng' Gilgal.