HOSEA 2:20 - BUKUIT NE TILIIL Sireet ne Dutero Kanon

²⁰ Achobe atunin eng' imanda; ak inai Kamuktaindet ne Toroor.

Bukuit Ne Tilil

²⁰ Achobe atunin eng' imanda; ak inai Kamuktaindet ne Toroor.

BUKUIT NE TILIL

²⁰ Achobe atunin eng’ imanda: ak inai Jehovah.

HOSEA 2:20 Iomraidhean Croise

TAUNET 9:10

ak kobooto kiy age tugul ne sabei ne mi kobootok; eng' toriitik, eng' kiyagiik ak eng' tyong'ik alak tugul che po ng'wony, ko uu ole kimang'undo eng' moinget.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 62:4

Ma keguurenen kogeny Ne Ki kimeto; ama keguure emeng'ung' kogeny Karaita: ago kiguurenen Hepsi-ba, ak keguure emeng'ung' Beula: amu paibaitunenen Kamuktaindet ne Toroor, ak kitun emeng'ung'.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 32:41

Ee, aboiboitune icheek ayachi ne myee, ak amin icheek eng' emoni iman eng' muguleldanyu komugul ak eng' saboondanyu komugul.

JEREMIA 9:24

Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

EZEKIEL 16:62

Ak agimiit kayomisennyu kobooten; si inai ile aa Kamuktaindet ne Toroor:

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

EZEKIEL 34:25

Ak kiyomiskei ak icheek eng' kayomiset ne po kaalyeet, ak ageesu tyong'ik che yaach eng' emet: ak komeny surkwen eng' chametapkei, ak koruiyo osnosyek.

EZEKIEL 34:27

Ak kooi logoek keetitap mbar, ak korur emet, ak kotebee chametapkei eng' emennywa; ak konai kole aa Kamuktaindet ne Toroor, ye tuun airii keetiigap choginnywa, ko kaasaru icheek komong' eng' eutap piik che ki yai icheek koek otwogikwak.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

HOSEA 2:19

Ak atunin koigeny; ee, achobe atunin eng' imanda ak eng' kirwooget, ak eng' chamyet ne tala ak eng' rirenosyek.

HOSEA 6:6

Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

ATEPTAP LAWIK 26:5

Yamei kesuutik che obore, agoi koit ruroteetap keetiigap logoek, ak itei ruroteetap logoek koolset. Ak oam amitwogikwok kot obiye, ak omeny emeng'wong' eng' kaalyeet.

ATEPTAP LAWIK 26:6

Ak agoonu kaalyeet eng' emet ak oruiye, ama piitu ne imuok. Abeeti tyong'ik eng' emeng'wong', ama punei emeng'wong' rotwetap chok.

MIKAH 4:3

Ak korwooksechin pororyosyek che chaang', ak koger kong' pororyosyek che kiimeen che mi ole loo; ak kotany rotonikwak po chok koek mogomboik che po tuuga, ak kotany ng'otwekwak koek chepkesok si ma kobaregei pororyosyek, ama koneetegei lugeet kogeny.

SEKARIA 9:10

Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 8:55

ak tomo onai ineendet. Ago angen ineendet; ak ngot amwa ale, mangen ineendet, aegu kiplembechwa, ko uu okweek: ago angen ineendet ak ariibe ng'olyoondennyi.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

PILIPIK 3:8

Ee iman, ak aiiti tuguuk tugul koek tugun che ki kobetyo amu telunateet ne po naetap Kristo Jeso, Kiptaiyandennyu: ki kobetwo tuguuk tugul amu ineendet ak aiiti ale pusagaryek, si kobiit anyoor Kristo,

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

2 TIMOTEO 1:12

Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

HEBRANIK 8:11

Amu koneeti chii tugul chiitap kokwennyi, anan koneet chii age tugul ne tupcho, koleenji, ‘Ni Kiptaiyat,’ amu tuun naa tugul kobooch ne ming'in eng' icheek kot koit ne oo.

1 JOHANA 4:6

Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.