HOSEA 13:9 - BUKUIT NE TILIIL Sireet ne Dutero Kanon

⁹ Ng'emisyeng'ung' niito, ee Israel, amu igirindaa, igirindoi toretindeng'ung'.

Bukuit Ne Tilil

⁹ Ng'emisyeng'ung' niito, ee Israel, amu igirindaa, igirindoi toretindeng'ung'.

BUKUIT NE TILIL

⁹ Ng’emisieng’ung’ nito, ee Israel, amu igirindaa, igirindoi toretindeng’ung’.

HOSEA 13:9 Iomraidhean Croise

2 ATEPTAP PEETUUSYEK 28:23

Amu kieng'ji tiseiywek kamuktaigap Damasko, che kibar ineendet; ak ki le, “Amu toreti kamuktaigap laitorinigap Syria icheek, aeng'jini anyun agane icheek, si kobiit kotoreta.” Ago ki ek chooto che king'em ineendet ak Israel tugul.

TIENWOGIKAL 146:5

Paibai chii ne Kamuktaindetap Jakobo ko toreteennyi, ne mi kamuung'ennyi Kamuktaindet ne Toroor Kamuktaindennyi,

TIENWOGIKAL 33:20

Igeni saboonwekyok Kamuktaindet ne Toroor, ineendet toretindennyo ak long'ennyo.

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

KALEWANAIK 6:32

Ma tinyei naet chiito ne ibegei ak kwony; ineendet ne yaei nooto kong'emei saboondanyi.

KALEWANAIK 8:36

Ago ineendet ne ma nyoorwo kong'emei saboondanyi; chamei meet tugul che wecho.”

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 3:9

Paoryanjin icheek togoochikwak; ak komwaitoi tengekwogikwak ko uu Sodom, ma unyei. Pwo eng' saboonwekwak! Amu kagoyaakyigei yaityet.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 4:18

Kagoibun oreng'ung' ak poisyoniguk tuguuchuuto, niito ko yaityeng'ung', amu ng'waan, amu itei muguleldang'ung'.

JEREMIA 5:25

Ki kowal tengekwogikwok tuguuchuuto, ak ki koetenak tengekwogikwok myeeindo.

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 7:14

Ama riircho eng' mugulelwekwak, ago iteitos eng' itogusyekwak: iyumigei agobo peek ak divaik; ingeleljino.

HOSEA 7:15

Agot nganda ki aneet icheek ak agimiit eunekwak, kochobei yaityet agobo anee.

MALAKI 1:12

Ago ong'waniti ye omwae ole, Murwon meesetap Kamuktaindet ne Toroor, ak ko sasootin logoekyik, agot amitwogikyik.

MALAKI 1:13

Omwae kogeny ole, Ogeero, kaimetapkei ne tya! Ak ogututae seruunek, mwaei Kamuktaindet ne Toroor ne po lugoosyek. Ki oibu che ki koam tyondo, che ing'waldos ak che myandos; oibu chooto koek tiseiywek. Tos ataach chuuto kobun eunekwok? Mwaei Kamuktaindet ne Toroor.

MALAKI 1:9

Asoomok anyun ale, osoom chametap Kamuktaindet si kobiit korirenech. Ye ogoonu chooto kobun eunekwok, ko tos taach age eng' okweek ye keer? Mwaei Kamuktaindet ne Toroor ne po lugoosyek.

NG'ATUTIK 33:26

“Ee Jesurun, ma mi ne uu Kamuktaindet, ne laanyei kipsengwet si kotoretin, ak laanyei parak eng' telunatennyi.

NG'ATUTIK 33:29

Ee Israel, igasigei: Ogergei ak ng'oo, pororyet ne ki sar Kamuktaindet ne Toroor? Ineendet ne long'eet ne toretin, ak ko rotweng'ung' po chok, ne po telunateng'ung'! Yaigei puuniguk koigei che kase iit, si ityech oldinwekwak che sutotin.”