HEBRANIK 3:1 - BUKUIT NE TILIIL Sireet ne Dutero Kanon

¹ Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

Bukuit Ne Tilil

¹ Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

BUKUIT NE TILIL

¹ Noto anyun, che kitupche che tililen, yamdoik che bo kuursetab kipsengwet, obwat mising’ Ne Kiyoktoi ak Tisiindet ne O ne bo ng’ang’ennyo, inendet Jesu;

HEBRANIK 3:1 Iomraidhean Croise

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

ISAIAH 1:3

Ingen eito chiitap ko po, ak kongen sigiryet piutap kiptaiyandennyi; ago ma naei Israel, ama ibwaati piikyuk.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 5:12

Mi eng' igoorwekwak ketubet ak kibugandet, sugutit ne ming'in ak ndurerut, ak maiyek. Ago ma iiti icheek poisyetap Kamuktaindet ne Toroor anan kobwaat poisyonigap eunekyik.

EZEKIEL 12:3

Ara anyun, inyee weeriitap chii, rat tuguuk agobo kautoet, ak iuu peet kogeerei icheek; ak iuu eng' komostang'ung' iwe komosta age kogeerei icheek: abeere imuuchi kobwaat, nganda icheek ko koot ne ngelelyot.

EZEKIEL 18:28

Amu ruchin ak kometo pistaosyekyik tugul che ki koyai, kosabei iman, ma meei.

HAGGAI 1:5

Mwaei anyun Kamuktaindet ne Toroor ne po lugoosyek kole, “Oriip atebosyekwok.

HAGGAI 2:15

Ak asoomok anyun nguno, ale obwaat kobooch peetuuniito ak kwo tai, kobooch peetuut ne ki kinde koita agenge paragutap koita age eng' hekaluutap Kamuktaindet ne Toroor.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

JOHANA 20:27

Koleenji Thomas, Iyogou morneng'ung', ak igeer eunekyuk; ak iyogou eung'ung' ak inde karaastanyu; si meegu ne ma tinyei kayaneet, ago iyan.

POISYONIGAP CHE KIYOKTOI 1:15

Eng' peetuusyechooto ko ki tonon Petero eng' kwenutap che tupcho (piik che kigatuiyo, ki olo po pogol agenge ak tiptem), ak kole,

ROMANIK 11:17

Ago ngot ko ki kiiri mooriik alak, ak inyee ne ii mseitunitap timiin, ko ki kinamnyenen icheek eng' kwenunnywa, ak ki oyamde kobooto icheeget ne po tigityot ak akwaiyetap mseituni;

ROMANIK 15:27

Ee, kigocham icheek miising' ng'olyoondoniito; ak icheek ko pesenikwak. Amu ngo ki keyai Pororyosyek koek yamdoik che po tuguuk che po saboon, ko kanyool ak icheek koyaakta eng' poisyet ne poisyechin eng' tuguuk che po poorto.

ROMANIK 15:8

Amu amwae anyun ale ki keyai Kristo koek kiboityotap kamuratanet agobo imanitap Kamuktaindet, si kobiit kogimit arorutik che ki kigoochi kwanisyek,

ROMANIK 9:24

agot acheek che ki kuurech, ma eng' Yahudik kityo, ago eng' Pororyosyek ak icheek?

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

1 KORINTOEK 10:17

Amu acheek che ki piik che chaang', ko ki magatyat agenge, poorto agenge: amu ki ame acheek tugul magatyat agenge.

1 KORINTOEK 9:23

Ak ayae tuguuk tugul amu logoiywek che myach, si kobiit anyoor yamdaet eng' chooto.

2 KORINTOEK 1:7

ak lumdaat kamang'unennyo agobo okweek; kingen keele, ko uu ye oo yamdoik che po nyalilwogik, ko uu nooto oo yamdoik che po kagaigaet.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

EPESOEK 3:6

keele, Pororyosyek ko yamdoigap nametap tuguuk, ak yamdoigap kebeberwegap poorto, ak yamdoigap arorutyet eng' Kristo Jeso eng' logoiywek che myach,

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

EPESOEK 4:4

Agenge poorto, ak agenge Kabuuset ne Tiliil, ko uu ye kigeguurok eng' kamang'unet agenge ne po kuurseng'wong';

PILIPIK 3:14

Agiiljinigei tai, ait ole pooch melekto ne po kuuretap parak ne po Kamuktaindet eng' Kristo Jeso.

KOLOSAIK 1:12

ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

KOLOSAIK 1:22

eng' poortanyi ne po panyeek, eng' meet, si kobiit komutak ko oo tiliileen ko motinye tisya, amotinyei kiy ne kirwoogunenok eng' tainnyi:

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

1 THESSALONIKEK 5:27

Ayosyewok eng' Kiptaiyat ale kesomanji parwaani che kitupche tugul.

2 THESSALONIKEK 1:11

Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

2 THESSALONIKEK 2:14

kiguurok anyun eng' chooto eng' logoiywekyok che myach, si kobiit onyooru toroornatetap Kiptaiyandennyo Jeso Kristo.

1 TIMOTEO 6:12

Yai lugeet ne myee ne po kayaneet, nam saboondo ne po koigeny, nooto ne ki kiguurchin, ak ki ing'aany ng'ang'et ne myee eng' taitap paorinik che chaang'.

1 TIMOTEO 6:2

Ak icheek che tinyei kiptainik che iyanotin, ko mat kosas icheek, amu tupchosyek; ago kaigai koot icheek, amu icheeget che nyooru toreteet ko che iyani ak ko chamanik. Ineet ng'aleechu ak iteechi.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 2:7

Ruchi komyee kiit ne amwae; amu koonin Kiptaiyat kaguiyet eng' tuguuk tugul.

HEBRANIK 10:19

Ko uu nooto anyun, ki tinyei nyiganateet che kitupche kemong'ji ole-tiliil eng' korotiigap Jeso,

HEBRANIK 10:21

ak amu ki tinyei tisiindet ne oo ne pou kootap Kamuktaindet;

HEBRANIK 10:23

ongenam miising' ng'ang'eetap kamang'unennyo si mawalak; amu iman ineendet ne ki iaroru:

HEBRANIK 13:22

Ago asoomok miising', tupchosyechu, ale omuite eng' ng'olyootap kagimiitet: amu kaasirwak eng' ng'aleek tutigin.

HEBRANIK 2:11

Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche,

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 6:20

ole kichut Jeso agobo acheek, koek kandoindet, ko kagoek tisiindet ne oo koigeny, ko uu kiit ne ki uu Melkisedek.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

HEBRANIK 7:28

Amu indoi Ng'atuutyet piik che nyalulyotin koek tisiik che eecheen; ago ng'olyootap kayasyoet, ne ki piitu let eng' Ng'atuutyet, kondoi Weeriit, ne ititaat koigeny.

HEBRANIK 9:11

Ago Kristo, ye kingo kagonyo, ne ineendet tisiindet ne oo ne po tuguuk che myach che tuun pwoonei, eng' emait ne oo ak kogesunotkei kosiir, ne ma kiyae eunek, ye kiweech, koma po ng'wonyuni,

HEBRANIK 9:15

Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 3:5

Ki uu nooto kwonyiik che tiliileen chu ki po keny che ki imang'u Kamuktaindet, ki yaei lelesta icheeget ak kogase iit manong'otaikwak.

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”