HABAKUK 1:9 - BUKUIT NE TILIIL Sireet ne Dutero Kanon

⁹ Pwoonei tugul agobo koroomnateet; tokyin togoochikwak eng' kimnateet ko uu usoonetap kong'asiis; ak koyumi luulenik ko uu ng'aniek.

Bukuit Ne Tilil

⁹ Pwoonei tugul agobo koroomnateet; tokyin togoochikwak eng' kimnateet ko uu usoonetap kong'asiis; ak koyumi luulenik ko uu ng'aniek.

BUKUIT NE TILIL

⁹ Bwanei tugul agobo koromnatet; tokyin togochikwak eng’ kimnatet ko u usonetab kong’asis; ak koyumi luulenik ko u ng’aniek.

HABAKUK 1:9 Iomraidhean Croise

TAUNET 41:49

Ki iyum anyun Joseph peek che chaang' miising', che tee ng'aniegap nyanjet, kot kometo koitet, amu ki ma kota koiitoksei.

2 LAITORINIK 12:17

Ki wo kotogosta anyun Hazael laitoryatap Syria kwo kobargei ak Gath ak ki nam nganasanooto. Kitokyigei Hazael kobookyi Jerusalem.

Kitabuutap JOB 29:18

Ki ale anyun, ‘Amechini koonnyu, ak ates peetuusyekyuk kochang'a ko uu ng'aniek.

TIENWOGIKAL 139:18

Nda aiiti icheek, ko chaang' kosiir ng'aniek; ye agosu, kota ami kobooten.

ISAIAH 27:8

Ki oborye ak ineendet ne yamei, ye ki ioone; ki isto ineendet eng' usoonennyi ne ng'waan eng' peetuutap usoonetap kong'asiis.

JEREMIA 15:8

Atese mosoogikwak eng' anee kosiir ng'aniegap nyanjosyek. Amutyini icheek luulindet petkwen kobar kametap murenik. Agoochini koche ineendet tiritindo ak kamuisosyek.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 4:11

Tuun kimwachin pichu ak Jerusalem eng' peetuunooto keleenjin, usyin piikyuk usoonet ne po maat ne punu tuloonook che churyotin che po surkwen, ma ne sesisyei anan ko ne itiliilisyei,

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

EZEKIEL 17:10

Ee, ogeero, tos myeeitu ye kagemin? Tos maresei tugul, ye usyi usoonetap kong'asiis? Resei eng' kererchosyek ole kibiitee.

EZEKIEL 19:12

Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

HOSEA 13:15

Agot ngo nyoor perurto ineendet eng' kwenutap tupchosyekyik, konyonei usoonetap kong'asiis, togosu kabuusetap Kamuktaindet ne Toroor eng' surkwen, ak koteeny kondanyi ne po peek, ak koteeny kondametunnyi: luulei konorwetap tuguukyik tugul.

HABAKUK 1:17

Tos tumdoi anyun tuguuk che mi regereiywondennyi, ama pagaktoi ineendet kobar pororyosyek kotugul?

HABAKUK 1:6

Amu, keero, ang'eeti Kaldeik, pororyet ne koroom ne choktoi; che punei kwenutap emet, si konam meng'otosyek che ma chechwaak kobunji.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

KIRUOGIK 7:12

Kiga ruiyo Midianik, Amelegik ak piigap kong'asiis tugul eng' atebweet koigei chereng'enyinik eng' chaang'indo ak ki ma koitoksei, ki tee tambeesikwak ng'aniegap ngeguutap nyanjet eng' chaang'indo.