GALATYEK 2:20 - BUKUIT NE TILIIL Sireet ne Dutero Kanon

²⁰ Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

Bukuit Ne Tilil

²⁰ Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

BUKUIT NE TILIL

²⁰ Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

GALATYEK 2:20 Iomraidhean Croise

TYENDO NE SIIREI TUGUL 7:10

Aa po chamanennyu, ak tokyinagei magennyi.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 4:3

Ak ki nyo yoomindet ak koleenji, “Ngo ii Weeriitap Kamuktaindet, ing'at koichu koek magatiinik.”

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 10:11

Aa mestowot ne myee: igoitoi mestowot ne myee saboondanyi agobo keechiirek.

JOHANA 15:13

Ma tinyei chii chamyet ne siirei ni, ale kogoito chii saboondanyi agobo choronokyik.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

JOHANA 3:35

Chamei Kwanda Weeriit, ak ki konde tuguuk tugul eunnyi.

JOHANA 6:57

Ko uu ye ki iyookwo Kwanda ne sabei, ak asabe amu Kwanda; uu nooto ineendet ne ama, sabei agine amu anee.

JOHANA 6:69

Ak ki kiyan ak kingen keele ii Ne Tiliil ne po Kamuktaindet.”

POISYONIGAP CHE KIYOKTOI 8:36

Ye kingo ta kobendi eng' ooreet, koit ye mi peek, kole chiichooto, “Keer peek o; nee ne kera si ma kibatisana?”

POISYONIGAP CHE KIYOKTOI 9:20

Ak ne matyanit koamda agobo Jeso eng' sinagogisyek kole, “Ineendet ko Weeriitap Kamuktaindet.”

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 14:7

Amu ma mi age eng' acheek ne sabei agobo kei, ama mi ne meei agobo kei.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 5:2

ak ki kenyooru eng' ineendet agine kemong'ji eng' kayaneet myeinooto kitonone; ak ongeboiboitu eng' kamang'unetap toroornatetap Kamuktaindet.

ROMANIK 5:6

Amu ye kita ko kinyalulyotin, kome Kristo agobo che yaacheen eng' peetuut ne kiga kelewen.

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

ROMANIK 6:8

Ago ngo kigebegu kobooto Kristo, kiyani kora keele kisoptosi kobooto ineendet;

ROMANIK 8:10

Ak ko ngo mi Kristo eng' okweek, ko nga ki kome poorto amu tengekto; ko sabei saboondo amu imanda.

ROMANIK 8:37

Ago, ki katerterik kot kosiir eng' tuguuchu tugul eng' ineendet ne ki chamech.

1 KORINTOEK 6:17

Ago ineendet ne ituitoskei ak Kiptaiyat ko kabuuset agenge.

2 KORINTOEK 1:24

Ma keele ki tinyei pounateet eng' kayaneng'wong', ago kitoretik che po poiboiyeng'wong': amu otonondosi eng' kayaneng'wong'.

2 KORINTOEK 10:3

Amu agot ngebendoti eng' poorto, koma kiyae lugeet eng' atebeetap poorto;

2 KORINTOEK 11:10

Ko uu ye mi imanitap Kristo eng' anee, ma mi chii ne kirindoa eng' kalasunoni eng' korotinwegap Akaia.

2 KORINTOEK 13:3

amu ocheeng'e kaboorunetap Kristo ne ng'alaali eng' anee; ne ma nyalulat eng' okweek, ago tinyei kimnateet eng' okweek:

2 KORINTOEK 13:5

Osiaige okweegei, ngo mi eng' kayaneet; otyemge okweegei. Anan mongen okweegei ole miitei Jeso Kristo eng' okweek? Iyois ko oo eesyootin iman.

2 KORINTOEK 5:14

Amu ichiichech chamyetap Kristo; amu kingen ko uu ni, keele kime chiito agenge agobo tugul, nooto anyun ki pek tugul;

2 KORINTOEK 5:15

ak ki mechi ineendet tugul, si ma kosaptos agobo kei icheeget che saptos, ago agobo ineendet ne ki mechi ak kong'eet kogeny.

2 KORINTOEK 5:7

(amu kibendoti eng' kayaneet, ma eng' keeret);

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

GALATYEK 3:11

Taagu anyun keele, ma mi chii ne kiityin imanda eng' Ng'atuutyet eng' taitap Kamuktaindet: amu, Sabei ne po imanda eng' kayaneet;

GALATYEK 5:24

Ak icheeget che po Kristo Jeso ko ki kogartaat poorto kobooto maguutikyik ak kasetap myat che po chooto.

GALATYEK 6:14

Ago ingolooit eng' anee aloskei, kobatee eng' kimurtoiyot ne po Kiptaiyandennyo Jeso Kristo, ne eng' nooto ko ki kigartaat ng'wony agobo anee, ak anee agobo ng'wony.

EPESOEK 3:17

si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

EPESOEK 5:25

Manong'otaichu, ocham osotikwok, ko uu Kristo agine ne ki cham kaniset, ak kogoitogei agobo ineendet;

PILIPIK 1:21

Amu eng' anee ngasabe ko Kristo, ak ngamee ko poroteet.

PILIPIK 4:13

Amuuchi ayai tuguuk tugul eng' ineendet ne igimita.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

1 THESSALONIKEK 5:10

ne kimechech, si ngegosu anan ngeruitosi, kesaptosi kobooto ineendet.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 8:3

Amu kindoi tisiindet age tugul ne oo si kogoitoi kagoochinoik ak tiseiywek: nooto anyun konyolu kotinyei agine tisiindoni kiit ne igoitoi.

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 4:14

Ak ki kegeer ak kebaoryani keele ki iyook `Kwanda Weeriit konyo koek Yetindetap ng'wony.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 3:20

Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.