EZRAH 9:7 - BUKUIT NE TILIIL Sireet ne Dutero Kanon

⁷ Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

Bukuit Ne Tilil

⁷ Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

BUKUIT NE TILIL

⁷ Kigeegu kiptengeginik mising’ koboch betusiekab kwanisiekyok agoi rani; ak kigindeech eunekab laitorinik che bo emotinwek, agobo tengekwogikyok achek, ak laitorinikyok, ak tisiikyok, kebarech eng’ rotwetab chok, keluulech, ak ng’emisiet, ak kalilanet, ko u rani.

EZRAH 9:7 Iomraidhean Croise

1 LAITORINIK 8:47

ago ngot kobwaatkei eng' emet ne ki kimut koek luulenik, ak kosik, koriirchin eng' emetap piik che ki imut icheek koluul, kole, ‘Kigeyai tengekto, ki keyai kiit ne imaasat, ki keyai kiit ne ya kot’;

2 ATEPTAP PEETUUSYEK 29:6

Amu ki kochiliil kwanisyekyok ak koyai ne ya eng' taitap Kamuktaindet ne Toroor Kamuktaindennyo, ak ki kometo ineendet ak kowelelgei kometo ole menyei Kamuktaindet ne Toroor, ak kotuktoochi patai.

2 ATEPTAP PEETUUSYEK 30:7

Amoigei kwanisyekwok ak tupchosyekwok, che ki ingelelji Kamuktaindet ne Toroor, Kamuktaindetap kwanisyekwak, kot kobagaakta icheek koek che kikwong'ee, ko uu ye ogeere.

2 ATEPTAP PEETUUSYEK 34:24

kamwa Kamuktaindet ne Toroor ko uu ni, kole, ‘Ogeero, aipchini yaityet yuto, ak icheek che menyei olito, chubisyosyek tugul che ki kisirchi bukuit ne kagesoman eng' taitap laitoryatap Judah:

EZRAH 9:13

Kigobwanjech chooto tugul amu poisyonikyok che yaach ak ng'oogistonyo ne oo. Amu ma ibirech inyee Kamuktaindennyo ko uu ye yamegei ak tengekwogikyok, ak ki igoonech chu ng'etunotiin,

NEEMIA 9:30

Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

ISAIAH 64:4

Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

JEREMIA 25:18

chooto ko Jerusalem, ak nganasoogap Judah, ak laitorinikyik, ak pounikyik, si koyai icheek koek karaatya, kwong'eet, ne kireenyei, ak ne kisasei; ko uu eng' peetuuni;

JEREMIA 3:25

Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

JEREMIA 32:32

amu yaityet tugul ne po piigap Israel ak ne po lagogap Judah, che ki koyai kotagena anereech, icheek, laitorinikwak, pounikwak, tisiikwak, ak maotikwak, ak piigap Judah, ak piik che menyei Jerusalem.

JEREMIA 44:22

kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

JEREMIA 44:9

Tos ki outye yaitwogigap kwanisyekwok, ak yaitwogigap laitorinigap Judah, ak yaitwogigap osotikwak, ak yaitwogikwok, ak yaitwogigap osotikwok, che ki yai eng' emetap Judah, ak eng' ortinwegap Jerusalem?

RIREKAB JEREMIA 5:7

Ki yai tengek kwanisyekyok ak ma komi; ang'ni anyun kigegesen tengekwogikwak.

EZEKIEL 11:9

Ak amutwok omang'une kwenunnyi, ak andeok eunegap toek, ak ayai kirwoogutik eng' kwenung'ung'.

EZEKIEL 39:23

Ak konai pororyosyek kole ki kiluul kootap Israel amu tengektonywa; amu ki ingelelja, ak ki aung'e icheek togeennyu: ki ande anyun icheek eutap puunikwak, ak kobek icheek tugul eng' rotwetap chok.

KAITOSYEK 32:14

Ara oyaei nguno ko uu ye ki yai kwanisyekwok, oegu kiptengeginik che tesoksei, otes nereegek che koroomen che po Kamuktaindet ne Toroor eng' Israel.

1 SAMUEL 12:15

Ago ngot ko mogas iit kutitap Kamuktaindet ne Toroor, ak obistoe ng'atuutyennyi, konyalilok anyun eutap Kamuktaindet ne Toroor ko uu ye ki inyaliil kwanisyekwok.