EZRAH 8:21 - BUKUIT NE TILIIL Sireet ne Dutero Kanon

²¹ Yeityo ang'at anyun karugutetapkei, eng' aineetap Ahaba, si kobiit kiming'inge eng' taitap Kamuktaindennyo, kecheeng' eng' ineendet ooreet ne litit, eng' acheek ak lagokyok ak ne po tuguukyok tugul.

Bukuit Ne Tilil

²¹ Yeityo ang'at anyun karugutetapkei, eng' aineetap Ahaba, si kobiit kiming'inge eng' taitap Kamuktaindennyo, kecheeng' eng' ineendet ooreet ne litit, eng' acheek ak lagokyok ak ne po tuguukyok tugul.

BUKUIT NE TILIL

²¹ Ang’at anyun karugutetab ge, eng’ ainetab Ahaba, si kobiit kiming’inge eng’ taitab Kamuktaindennyo, kecheng’ eng’ inendet oret ne litit, eng’ achek, ak lagokyok, ak ne bo tugukyok tugul.

EZRAH 8:21 Iomraidhean Croise

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

2 ATEPTAP PEETUUSYEK 20:4

Ki iyumgei Judah tugul kocheeng' toreteet eng' Kamuktaindet ne Toroor; ki pwa eng' nganasook tugul che po Judah kocheeng' Kamuktaindet ne Toroor.

EZRAH 8:15

Ki ayumji icheek aineet ne rootyin Ahaba. Ki kitebee yooto peetuusyek somok ak ki ageerote piik ak tisiik ak ma anyooru weeriigap Lawi.

EZRAH 8:31

Eng' peetuutap taman ak aeng' ne po arawet ne po tai, keng'etye anyun eng' aineetap Ahaba ak keebe Jerusalem. Ki mi kobootech eutap Kamuktaindennyo ak kisarwech eng' eutap puunyoot ak ne kisapchinech eng' ooreet.

NEEMIA 9:1

Ki iyumgei anyun Yahudik eng' peetuutap tiptem ak ang'wan ne po arawanooto ak korugutkei, kolaachi kuniok ak kogeiilegei ng'ung'unyek.

TIENWOGIKAL 137:1

Eng' ngeguutap ainoosyegap Babilon, ko ki kitebee olooto ak ki kiriirtosi, ye kingi pwaati Zion.

TIENWOGIKAL 5:8

Ee Kamuktaindet ne Toroor, indoiywa eng' imandang'ung', amu puunikyuk che sapchino; ilitiit oreng'ung' eng' tainnyu.

TIENWOGIKAL 5:9

Ma mi lititindo eng' kutusweekwak; tengek kityo mugulelwekwak. Kererit ne yaataat mookwekwak; ak lasei piich eng' ng'elyebwekwak.

TIENWOGIKAL 8:2

Ki ing'at kimnateet kobun kutusweegap lagok ak che reritos, ki inde irimeet amu puuniguk, si iger kong' puunyoot kosiis ak ne yaaktoi mugetuut.

KALEWANAIK 3:6

Ng'aany ineendet eng' ortinweguk tugul, si kolitiitu ortinweguk.

ISAIAH 30:21

Ak ye komaste obe eutap tai, anan ye komaste obe murot kaataam, ogas anyun ng'olyoot ne mi let eng' okweek, ne mwaei kole, “Ooreet ni, oba orani.”

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

ISAIAH 58:3

Mwaei icheek kole, amu nee si kirugutige, amegeere? Amu nee si kinyalil acheek saboonwekyok, amemage kiy? Ogeero, onyooru poiboiyeng'wong' eng' peetuutap karuguteng'wong' pogei, ak omage piik tugul che poisyewok tuguuk che siirtoot.

ISAIAH 58:5

Tos nooto karugutetapkei ne ki alewen? Peetuut ne inyalili chii saboondanyi? Koabuch chii metinnyi ko uu mutwot, ak kosyep kuniok ak oreek? Tos oguure niito karugutetapkei, peetuut ne taachaksei eng' Kamuktaindet ne Toroor?

JEREMIA 10:23

Ee Kamuktaindet ne Toroor, angen ale, ma po uu chii ortinwekyik; amaindochin chii kabwaatutikyik.

JEREMIA 42:3

si kobiit koboorwech Kamuktaindet ne Toroor Kamuktaindeng'ung' ooreet ne kanyool kebendatee, ak kiit ne kanyool keyai.

JOEL 1:14

Otabaan karugutetapkei, oguur tuiyet ne po kaming'inetapke. Oyum poisyek kobooto piik tugul che menyei emet kobwa kootap Kamuktaindet ne Toroor Kamuktaindeng'wong', ak oriirchi Kamuktaindet ne Toroor.

ATEPTAP LAWIK 16:29

“Ak punjin koigeny kaneetisyoni eng' okweek: oming'inge eng' arawetap tisap, eng' peetuutap taman ne po arawanooto, amat oyai poisyet age tugul, ineendet ne ki sikyin kaa, anan punootyot ne mi kobootok.

ATEPTAP LAWIK 16:31

Peetuunooto ko sabato ne po kamuung'et eng' okweek, ak oming'inigei. Niito ng'atuutyet ne po koigeny.

ATEPTAP LAWIK 23:29

Amu chii age tugul ne ma iming'inegei eng' peetuunooto, king'etoi eng' piikyik.

JONAH 3:5

Ak ki iyan `piigap Nineveh Kamuktaindet; ak ki mwaita karugutetapkei, ak ki ilaach kuniok, kobooch ne oo agoi ne ming'in.

JONAH 3:7

Ak ki mwaita kibarasta eng' Nineveh komugul keele, “Eng' ng'atuutyetap laitoryat ak piikyik che taagunotiin. Mat kochamcham kiy chii anan tyony, anan akweetap tuuga, anan ko ne po keechiirek. Mat koamis, anan koe peek.

KAITOSYEK 14:3

Amu nee si komutwech Kamuktaindet ne Toroor kebwa emoni, si kobiit kebarech eng' rotwetap chok? Ak koek osotikyok ak lagokyok luulenik. Tos ma kaigai keeweekyigei Misiri?”

KAITOSYEK 14:31

Ago amuti lagokwok che ki ole egu luulenik koba emonooto, si konai icheek emet ne ki oeesye.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

KIRUOGIK 20:26

Yeityo kotogosta lagok tugul che po Israel, ak piik tugul agoi koit Bethel. Ki riiryo, ak kotebi ng'wony eng' taitap Kamuktaindet ne Toroor, ak korugutkei peetuunooto agoi koskoleny, ak ki igoito kagoochinoik che kibeelei ak kagoochinoigap kaalyeet eng' taitap Kamuktaindet ne Toroor.

1 SAMUEL 7:6

Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.