EZRAH 6:10 - BUKUIT NE TILIIL Sireet ne Dutero Kanon

¹⁰ si kobiit kogoochi Kamuktaindetap kipsengwet korosegap nyamdutik che anyiny ak kosa agobo saboondap laitoryat ak weeriikyik.

Bukuit Ne Tilil

¹⁰ si kobiit kogoochi Kamuktaindetap kipsengwet korosegap nyamdutik che anyiny ak kosa agobo saboondap laitoryat ak weeriikyik.

BUKUIT NE TILIL

¹⁰ si kobiit kogochi Kamuktaindetab kipsengwet korosekab nyamdutik che anyiny, ak kosa agobo sobondab laitoriat, ak werikyik.

EZRAH 6:10 Iomraidhean Croise

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

EZRAH 1:2

“Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

EZRAH 6:9

Tuguuk che makyingei ko uu kiruugik che mengeechen, mengichik, aaregap keechiir, koek kagoochinoik che kibeeljin Kamuktaindetap kipsengwet ak nganuuk, muunyuk, divaik, ak mwanik, ko uu eng' ng'olyootap tisiik che mi Jerusalem; ingigoochi icheek peetuut age tugul amat keele ma mi,

EZRAH 7:23

Kiit age tugul ne ng'atei Kamuktaindetap kipsengwet, koyaak ko uu nooto agobo kootap Kamuktaindetap kipsengwet ang' dabuch nyoonji nereeknateet pounatetap laitoryat ak weeriikyik.

KOMONG'U 12:32

Okweri keechiirekwok ak tuukwok ak obe, ak oberuura agane.”

JEREMIA 29:7

Ak ocheeng'ji kaalyeet nganaseet ne ki achamde keluuljok, ak osaa Kamuktaindet ne Toroor agobo nganasanooto: amu onyooru kaalyeet eng' kaalyeetap nganasanooto.

ATEPTAP LAWIK 1:13

Ago ingoun tuguugap ke ak keelyek eng' peek. Ingogoito tisiindet panyeek tugul ak kobeel eng' kaptisisyet. Niito ko kagoochinet ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 1:9

Ago ingoun eng' peek tuguugap ke kobooto keelyekyik ak kobeel tisiindet kirgooto komugul eng' kaptisisyet. Niito ko tiseiywot ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.