EZRAH 3:12 - BUKUIT NE TILIIL Sireet ne Dutero Kanon

¹² Ago ki riiryo eng' kutit ne oo tisiik che chaang' ak Lawiik ak kandoigap kooriigap kwanisyek, poisyek chooto kiga keer koot ne ki po tai, ye ki ngelumdoi lumeiywotap koiito eng' tainnywa, ak ki waakyo alak eng' poiboiyet.

Bukuit Ne Tilil

¹² Ago ki riiryo eng' kutit ne oo tisiik che chaang' ak Lawiik ak kandoigap kooriigap kwanisyek, poisyek chooto kiga keer koot ne ki po tai, ye ki ngelumdoi lumeiywotap koiito eng' tainnywa, ak ki waakyo alak eng' poiboiyet.

BUKUIT NE TILIL

¹² Ago kiririo eng’ kutit ne o tisiik che chang’ ak Lawik ak kandoikab gorikab kwanisiek, boisiek che kiga keer got ne ki bo tai, ye kingelumdoi lumeiywotab goito eng’ tainywa; ak kiwaach eng’ boiboiyet:

EZRAH 3:12 Iomraidhean Croise

EZRAH 3:13

Ki ma mata komuuch piik koobeesyo waagaat ne po poiboiyet ak ne po riiregap piik, amu ki waakyo piik eng' waagaat ne oo, ak ki it waagandanooto ole loo.

Kitabuutap JOB 8:7

Ak nganda ki ming'in tauneng'ung', kota kotesaksei miising' kagesuneng'ung'.

TIENWOGIKAL 126:6

Agot ngo wendi koriiroti, koibei kesweek, koweeksei kogasanugei, koibu ratuutikyik che po peek.

TIENWOGIKAL 147:1

Olasu Kamuktaindet ne Toroor! Myee ne tya ketyenji Kamuktaindennyo kalasunoik; amu karaaran, ak nyoljin tyendap kalasunet.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 60:22

Egu ne ming'in eliphuut, ak koek ne ming'in pororyet ne kiim: achokyini nooto anee Kamuktaindet ne Toroor eng' peetuunnyi.

JEREMIA 50:4

Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.

HAGGAI 2:3

‘Ng'oo eng' okweek ne ki ng'et ne ki keer kooi kotinyei toroornatennyi ne po tai? Ak ogeertoi ano nguno? Tos ma uu puch eng' konyekwok?

SEKARIA 4:10

Amu ng'oo ne ki kosas peetuutap tuguuk che mengeechen? Amu tuun poiboitu icheek, ak kogeer kiit ne kilititisye eng' eutap Zerubabel. Komwaiwa malaikaiyat kole, “Tuguuchu tisap ko konyegap Kamuktaindet ne Toroor; pendoti chooto eng' ng'wony komugul.”