EPESOEK 6:10 - BUKUIT NE TILIIL Sireet ne Dutero Kanon

¹⁰ Ne po let anyun, oegu che kiimeen eng' Kiptaiyat, ak eng' kimnateetap kamugennyi.

Bukuit Ne Tilil

¹⁰ Ne po let anyun, oegu che kiimeen eng' Kiptaiyat, ak eng' kimnateetap kamugennyi.

BUKUIT NE TILIL

¹⁰ Ne bo let anyun, oegu che kimen eng’ Kiptaiyat, ak eng’ kimnatetab kamugennyi.

EPESOEK 6:10 Iomraidhean Croise

1 ATEPTAP PEETUUSYEK 28:10

Riipkei anyun; amu ki kolewenin Kamuktaindet ne Toroor iteech koot ne po ole-tiliil. Kimitu anyun ak iteech.”

1 ATEPTAP PEETUUSYEK 28:20

Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

2 ATEPTAP PEETUUSYEK 15:7

Ago ogimegitu, among' kochorirenso eunekwok, amu onyooru melekto eng' poisyonikwok.”

TIENWOGIKAL 138:3

Ki iwolwoo eng' peetuut ne ki aguurin, ki igimita eng' kimnateet eng' saboondanyu.

ISAIAH 40:28

Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

SEKARIA 8:13

Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”

SEKARIA 8:9

Mwaei Kamuktaindet ne Toroor ne po lugoosyek kole: “Ingogimegitu eunekwok, okweek che ogase ng'aleechu eng' peetuusyechu eng' maotik che ki mi eng' peetuut ne ki kiluumei lumeiywot ketau keteechei kogeny kootap Kamuktaindet ne Toroor ne po lugoosyek, nooto ko Hekaluut.

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

2 KORINTOEK 13:11

Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

EPESOEK 1:19

ak kiit ne uu ooindo ne siirtoot ne po kamuktaennyi eng' acheek che kiyani, ko uu poisyonooto po kimnateetap kamuktaennyi

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

PILIPIK 3:1

Ne po let anyun, che kitupche, oboiboitu eng' Kiptaiyat. Ma kaimet iman eng' anee asirwak tuguuchuuto, ago toretook okweek.

PILIPIK 4:13

Amuuchi ayai tuguuk tugul eng' ineendet ne igimita.

PILIPIK 4:8

Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

2 TIMOTEO 2:1

Kimitu anyun, lakweennyu, eng' myeeindo ne miitei eng' Kristo Jeso.

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

1 PETERO 3:8

Ne po let anyun, ko oegu tugul che po kabwaatet agenge, che rireegei, che chamdos ko uu che tupcho, che ng'arng'ar mugulelwek, che iming'inegei:

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 JOHANA 2:14

Kasirwak kwanisyechu, amu ongen ineendet ne ki mi kobooch taunet. Kasirwak murenju, amu oo kiimeen, ak komenyok ng'olyootap Kamuktaindet, ak ki oterter ineendet ne ya.

1 SAMUEL 23:16

Ki ng'eet Jonathan weeriitap Saulo ak kwo ole mi Daudi eng' timiin kogimit ineendet eng' Kamuktaindet.