EPESOEK 5:3 - BUKUIT NE TILIIL Sireet ne Dutero Kanon

³ Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

Bukuit Ne Tilil

³ Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

BUKUIT NE TILIL

³ Ago ko u ye nyoljin bik che tililen ko mat ong’alale eng’ kwenung’wong’ sokset, ak simdo tugul, anan kasetab miat;

EPESOEK 5:3 Iomraidhean Croise

TIENWOGIKAL 10:3

Ilasunegei kiptengekyot mageetap muguleldanyi, icheeget che kipkeinik agobo kelunet ko chubei ak kosasei Kamuktaindet ne Toroor.

TIENWOGIKAL 119:36

Tokyi muguleldanyu paornatosyeguk, ametokyi mageet ne ya.

KOMONG'U 18:21

Nyolu kogeny ilewenote eng' piik tugul piik che kiimeen, che iywei Kamuktaindet, piigap imanit che wechei tuguugap asoya. Inde icheek koboi piik koek pounigap eliphuusyek, che po pogolwogik, che po konomusyek ak che po tamanusyek.

KOMONG'U 20:17

Amegase myat kootap chiitap kokweng'ung'. Amegase myat osotyotap chiitap kokweng'ung' anan otwogindennyi ne muren anan otwogindennyi ne tye anan eitonyi anan sigiryennyi anan kiy age tugul ne po chiitap kokweng'ung'.”

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

KALEWANAIK 28:16

Usiindet ne oo agine pounindet ne ma tinyei kaguiyet; ago ineendet ne wechei kasetap myat kotesei peetuusyekyik.

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

ATEPTAP LAWIK 15:18

Ak ngo tuiyogei muren ak kwony ak komaanda kesweegap iyoteet, konyolu kouungei icheek tuwai, ak komurwoniitu tuwai agoi koimen.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

KAITOSYEK 25:1

Ye kita komenyei `Israel Shitim, ko ki toi murenik koipkei ak tiibiigap Moabik,

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

LUKA 12:15

Ak ki leenji icheek, Ogeer, ak oriipkei eng' kasetap myat tugul: amu ma tebyei saboondap chii eng' chaang'indap tuguuk che tinyei.

LUKA 16:14

Ak ki kas Pharisaik tuguuchuuto tugul. Ki chamei silingisyek icheeget, ak kororechi ineendet.

POISYONIGAP CHE KIYOKTOI 15:20

ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

POISYONIGAP CHE KIYOKTOI 20:33

Ma agase myat fedha che po chii age tugul, anan thahabu, anan ngoroik.

ROMANIK 1:29

ko nyiitaat tuguuk tugul che ma po iman, sogornateet, kasetap myat, yaityet; nyiitaat ng'etkonda, rumisyet, pooryeet, keniisyet, suryet; chaamik,

ROMANIK 16:2

ale otaach ineendet eng' Kiptaiyat, ko uu ye nyoljin che tiliileen, ak otoret ineendet eng' kiit age tugul ne magenok; amu ineendet agine ko kitoretindet ne po che chaang', ak kitoreta agane.

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

1 KORINTOEK 10:8

Amongesokse, ko uu ye ki yai alak eng' icheek, ak ki ibutyo eng' peetuut agenge eliphuusyek tiptemu ak somok.

1 KORINTOEK 5:1

Mwaat komyee keele miitei ibeetapkei kwenung'wong', ibeetapkei ne ma mi agot eng' Pororyosyek, keele ibegei chii ak osotyotap kwandanyi.

1 KORINTOEK 6:13

Po amitwogik moet, ak po moet amitwogik; ago tuun yaei Kamuktaindet tuwai koek puch, moet ak amitwogik. Ago poorto, koma po sokseet, ago po Kiptaiyat; ak Kiptaiyat, ko po poorto;

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

EPESOEK 5:12

amu tuguuk che yaei icheek eng' ung'oot ko teweernat ngeleen kemwa.

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

PILIPIK 1:27

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

1 THESSALONIKEK 4:3

Amu niito mageetap Kamuktaindet, nooto katabaaneng'wong', si kobiit oistoegei sokseet.

1 THESSALONIKEK 4:7

Amu ki ma kuurchech Kamuktaindet simdo, ago eng' tiliilindo.

1 TIMOTEO 2:10

ago (ko uu ye nyoljin kobogorisyek che ibortogei kole piigap Kamuktaindet icheeget) eng' poisyonik che myach.

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

1 TIMOTEO 6:10

Amu chametap silingisyek ko tigityot agenge ne po yaitwogik alak tugul. Kigong'asyigei piik alage kot kometo kayaneet ak ki kotorgei eng' aragenosyek che chaang'.

2 TIMOTEO 3:2

Amu egu piik che chamegei icheegei, che chamei silingisyek, che ichaugei, che mendos, che poisyee chemerereet, che ingeleljin sigiikwak, che ma tinyei kongoi, che ma tiliileen,

TITO 1:11

che kanyool keger kutusweekwak; che itarng'aanyi ko komugul, koneeti tuguuk che kama konyolu amu mogornateetap teweernateet.

TITO 1:7

Amu kanyolji riibindetap kaniset koek chii ne ma tinyei leluut, ineendet ne riibindetap poisyetap Kamuktaindet; ma ne isubi magennyi, ne ma sip konereechi, ne ma kimaiya, ne ma pirisyei, ne ma ting'ee keiyandit mogornateetap teweernateet;

TITO 2:3

ko uu nooto chebyosok che kagoeegitu, ingoek che teegot eng' atebosyekwak, che ma kataamik, anan che rategei eng' divaik che chaang', kaneetik che po tuguuk che myach;

HEBRANIK 12:16

si ma piit ne soksei, anan chiito ne ma iywei Kamuktaindet, ko uu Esau, ne ki alda etunatennyi ne po sigeet agobo amdit agenge.

JOSHUA 7:21

Kinga keer eng' tuguuk che ki kiluul ngoryeet ne karaaran ne po Babilon ak shekelisyek pogol aeng' che po fedha, ak thahabu ne nyigiisindanyi ko shekelisyek konom, agase myat anyun ak aip. Ung'ootiin tuguuchooto eng' ng'wony eng' kwenutap emainnyu ak ko tabanu ng'wony fedha eng' tuguuchooto.”

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

2 PETERO 2:10

Ago eng' mageetap murwoonindo ak kosasei pounateet. Che koroomen, che isubi maguutikwak che ma potandos ye chubei che torooreen.

2 PETERO 2:14

piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet;

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

NG'ANG'UTYET 2:14

Ago ating'enen ng'aleek tutigin: itinye alak eng' olooto che isubi kaneetisyetap Balaam, ne ki ineet Balak konde kanagutyet taitap piigap Israel, si koam tuguuk che kigoochin kanamonik ak kosokso.

NG'ANG'UTYET 2:21

Ki agoochi ineendet poroindo ale si kosik; ago ma chamei kosik eng' soksennyi.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

NG'ANG'UTYET 9:21

Ak ma sik eng' rumisyosyekwak, anan eng' panisyosyekwak, anan eng' soksennywa, anan eng' choorsosyekwak.

1 SAMUEL 8:3

Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.