EPESOEK 4:6 - BUKUIT NE TILIIL Sireet ne Dutero Kanon

⁶ Kamuktaindet agenge ne Kwandap tugul, ne pou tugul, ak koyamu tugul, ak komi eng' tugul.

Bukuit Ne Tilil

⁶ Kamuktaindet agenge ne Kwandap tugul, ne pou tugul, ak koyamu tugul, ak komi eng' tugul.

BUKUIT NE TILIL

⁶ Jehovah agenge ne Kwandab tugul, ne bou tugul, ak koyamu tugul, ak komi eng’ tugul.

EPESOEK 4:6 Iomraidhean Croise

TAUNET 14:19

Ak ki iberuur Abram kole, “Iberuuroge Abram eng' Kamuktaindet Ne Toroor Miising' ne ki yai parak kipsengwet ak ng'wony!

TIENWOGIKAL 95:3

Amu Kamuktaindet ne oo Kamuktaindet ne Toroor, Ineendet laitoryat ne oo ne siirei kamuktaik tugul.

ISAIAH 63:16

Amu ii kwandanyo, agot ngo ma ingenech Abraham, ama naech Israel; ee, Kamuktaindet ne Toroor, inyee ko ii kwandanyo; kaineng'ung' ko katyagindennyo kobooch keny.

MALAKI 2:10

Tos ma ki tinyei acheek tugul kwanda agenge? Tos ma yaech Kamuktaindet agenge? Amu nee si koberber chii age tugul eng' acheek tupchennyi, kong'wanit kayomisetap kwanisyekyok?

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

MATAYO 6:9

Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

JOHANA 17:26

Ki ang'aang'ji icheek kaineng'ung', ak ta ang'aang'jini; si kobiit kotebee icheek chamyet ne ki ichamena, ak anee eng' icheek.”

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

1 KORINTOEK 12:6

Ak miitei poisyonik che pesyotin, ago agenge Kamuktaindet, ne yaei tuguuk tugul eng' tugul.

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

EPESOEK 1:21

ne toroor kosiir laitornatet tugul, ak pounateet, ak kamuktaet, ak kiptainateet, ak kainet age tugul ne mwaat, ma kityo eng' kenyisyechu, ago eng' chooto pwoonei:

EPESOEK 2:22

ki kiteechak ak okweek oegu agenge eng' ineendet, ole menyei Kamuktaindet eng' Kabuuset ne Tiliil.

EPESOEK 3:17

si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

EPESOEK 6:23

Ingotebi kaalyeet kobooto tupchosyek, ak chamyet ak kayaneet, che po Kamuktaindet Kwanda ak Kiptaiyat Jeso Kristo.

NG'ATUTIK 6:4

Ogaso ee Israel! Kamuktaindet ne Toroor Kamuktaindennyo, ko Kamuktaindet ne Toroor agenge;

1 JOHANA 3:24

Ak ineendet ne riibei ng'atuutikyik komenyei eng' ineendet ak ineendet eng' inee. Ak kingen eng' niito keele menyech ineendet, eng' Kabuuset ne Tiliil ne ki kogoonech.