EPESOEK 4:25 - BUKUIT NE TILIIL Sireet ne Dutero Kanon

²⁵ Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

Bukuit Ne Tilil

²⁵ Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

BUKUIT NE TILIL

²⁵ Noto anyun oiste lembeita, ong’alaljinige ne bo iman chi tugul ak chitab kokwennyi: amu ki kebeberwek age tugul ne bo age.

EPESOEK 4:25 Iomraidhean Croise

1 LAITORINIK 13:18

Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

TIENWOGIKAL 119:29

Istoena ooreetap lembech; ak igoono ng'atuutyeng'ung' eng' myeeindo.

TIENWOGIKAL 15:2

Ineendet ne wendoti eng' lititindo ak koyaei imanda, ak komwaei imanit eng' muguleldanyi;

TIENWOGIKAL 52:3

Ichame yaityet kosiir ne myee; ak ichame lembech kosiir ye imwae imanda.

KOMONG'U 23:7

Istegei looitu eng' kirwoogutik che kirwookyin chii eng' lembech; amebar che ma tinyei yaityo ak che po imanda, amu ma ityinii imanda chii ne yae tengegito.

KALEWANAIK 12:17

Ineendet ne mwaei iman koboortoi imanda, ago iboortoi ng'aalseet paoryat ne ma po iman.

KALEWANAIK 12:19

Ki kimiiti koigeny kutit ne po iman; ago po sait ne matya ng'elyepta ne mwaei lembech.

KALEWANAIK 12:22

Wechei `Kamuktaindet ne Toroor kutit ne mwaei lembech, ago paibai ineendet eng' che poisyee iman.

KALEWANAIK 21:6

Ye kinyooru konoraik eng' lembeita ko uu kibungweret ne ki wiirchin komosi ak komosi ak uu mesteetap meet.

KALEWANAIK 24:28

Amat iegu paoryat igirinde chiitap kokweng'ung' puch, amat ing'aalse eng' kuting'ung'.

KALEWANAIK 6:17

konyegap menoteet, ng'elyepta ne mwaei lembech, ak eunek che tumdoi korotiik che ma tinyei tengek,

KALEWANAIK 8:7

Mwaei kutinnyu imanda, ak wechei kutinnyu tengekto.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

ISAIAH 9:15

Metit ko poiyot ne konyitot; ak katutyet ko maotyot ne ineeti lembechek.

HOSEA 4:2

Ma mi kiit age kobatee chubisyet, lembechek ak rumisyet, choorseet ak ibeetapkei, tesoksei ak isubegei rumisyet.

ATEPTAP LAWIK 19:11

“Amochoorse, amoberberisye, amomwachigei lembech.

SEKARIA 8:16

Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

ROMANIK 12:5

ko uu nooto eng' acheek che ki chaang', kiborto agenge eng' Kristo, ak ki kebeberta age tugul ne po age.

1 KORINTOEK 10:17

Amu acheek che ki piik che chaang', ko ki magatyat agenge, poorto agenge: amu ki ame acheek tugul magatyat agenge.

2 KORINTOEK 7:14

Ak ngo ki amwachi ineendet kiy age tugul eng' lasetapkei agobo okweek, ko ki ma kikoono alilan; ago ko uu ye kigemwaiwok tuguuk tugul eng' iman, ko uu nooto kalasunennyo agine, ne ki amwa eng' taitap Tito, ko ki ek iman.

EPESOEK 4:15

ago ki ng'alaali che po iman eng' chamyet, si keegitu eng' tuguuk tugul eng' ineendet, ineendet ne metit, nooto ko Kristo;

EPESOEK 4:22

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet;

EPESOEK 4:31

Ingoistogei eng' okweek ng'wanindo tugul, ak nyitatet, ak nereegek, ak polateet, ak chubisyet, kobooto yaityet tugul:

EPESOEK 5:30

amu ki kebeberwek che po poortanyi.

KOLOSAIK 3:8

Ago nguno olakte ak okweek tuguuchuuto tugul; nereegek, nyitatet, yaityet, chubisyet, ak ng'alaalet ne po teweernateet eng' kutusweekwok:

KOLOSAIK 3:9

amomwachigei lembech, amu ki oregu chiito ne po keny kobooto poisyonikyik,

1 TIMOTEO 1:10

agobo che soksei, ak murenik che ibegei ak murenik, ak che chorei piik, ak kiplembechonik, ak che iyastos lembech, ak ngo mi kiit age tugul ne ketei kaneetisyet ne po imanit;

1 TIMOTEO 4:2

eng' chombilisyetap piik che ng'alaali lembech, che ki koigei kabwaatutikwak che ki kibeelee karnet ne peelei piich;

TITO 1:12

Ki le age eng' icheek, ne maotyonnywa, Kiplembechonik Kretik kotugul, tyong'ik che yaacheen, kipkeinik che choriren.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

HEBRANIK 12:1

Nooto anyun, amu kiyiemenech pooldet ne oo ne po paorinik eng' komoswek tugul, ongeiste nyigiisindo age tugul, ak tengekto ne isip konamech, ak ongerwai eng' muitaet eng' kabeletapkei ne ki kinde tainnyo,

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

1 PETERO 2:1

Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

KIRUOGIK 16:11

Ki leenji ineendet, “Ngot keratena rogoosyek che leelachen che tomo keyae kiy, anyaluli anyun ak aigei chii tugul.”