EPESOEK 1:20 - BUKUIT NE TILIIL Sireet ne Dutero Kanon

²⁰ ne ki yai eng' Kristo, ye kingo ng'eet ineendet komong' eng' che ki pek, ak konde ineendet kotebee eunnyi ne po tai eng' komoswegap kipsengwet;

Bukuit Ne Tilil

²⁰ ne ki yai eng' Kristo, ye kingo ng'eet ineendet komong' eng' che ki pek, ak konde ineendet kotebee eunnyi ne po tai eng' komoswegap kipsengwet;

BUKUIT NE TILIL

²⁰ ne kiyai eng’ Kristo, ye kingong’eet inendet komong’ eng’ che kibek, ak konde inendet kotebe eunnyi ne bo tai eng’ komoswekab kipsengwet;

EPESOEK 1:20 Iomraidhean Croise

TIENWOGIKAL 110:1

Kaleenji `Kamuktaindet ne Toroor kiptaiyandennyu, “Tebee eunnyu ne po tai, agoi ayai puuniguk koek ng'echereetap keelyeguk.”

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

MARIKO 14:62

Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.”

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

JOHANA 10:18

Marebena chii, ago agoitoi aneege. Atinye kimnateet agoito, ak atinye kimnateet anam kogeny. Ki ataach ng'atuutyoni eng' Abba.

JOHANA 10:30

Anee ak Kwanda, ko ki agenge.”

POISYONIGAP CHE KIYOKTOI 10:40

ago ki ing'eet `Kamuktaindet ineendet eng' peetuutap somok ak kogoito kotook,

POISYONIGAP CHE KIYOKTOI 26:8

Amu nee si kibwaat keele ma iyanaksei eng' okweek keele, ing'eeti Kamuktaindet che ki kobek?

POISYONIGAP CHE KIYOKTOI 4:10

ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek.

POISYONIGAP CHE KIYOKTOI 5:31

Ineendet ne kiitoroor Kamuktaindet eng' eunnyi ne po tai koek Ne Oo ago Yetindet, si kogoochi Israel siguunet ak nyoetap kaat ne po tengekwogik.

ROMANIK 1:4

ne ki kimwaita keele Weeriitap Kamuktaindet eng' kimnateet, ko uu Kabuuset ne po tiliilindo, eng' ng'eetyeetap che ki pek; Jeso Kristo Kiptaiyandennyo,

ROMANIK 8:34

ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

PILIPIK 3:10

si kobiit anai ineendet ak kamuktaet ne po ng'eetyeennyi, ak yamdaet ne po nyalilwogikyik, kirogendoena meennyi;

KOLOSAIK 1:16

amu ki kitoi keyai tuguuk tugul eng' ineendet, che mi kipsengwet ak che mi ng'wony, tuguuk che taagu ak tuguuk che ma taagu, anan laitornatosyek, anan kiptainatosyek, anan pounatosyek anan kimnatosyek; ki kitoi keyai tuguuk tugul eng' ineendet ak ko po ineendet;

KOLOSAIK 3:1

Ko uu ye king'eetyee anyun kobooto Kristo, ocheeng' tuguuk che mi parak, ole mi Kristo kotebyei eng' eutap tai ne po Kamuktaindet.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 10:12

ago tisiindoni, ko ye kingo kagogoito tiseiywot agenge agobo tengekwogik agoi koigeny, kotebee anyun eutap tai ne po Kamuktaindet;

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 2:9

Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

NG'ANG'UTYET 1:17

Kinga keer ineendet, abutyi keelyekyik ko uu chiito ne kagome. Ago ki igonoora eunnyi ne po tai, ak kole, “Meiywei! Aneendet ko aa ne po tai ak ne po let.