AMOS 5:4 - BUKUIT NE TILIIL Sireet ne Dutero Kanon

⁴ Amu mwachin Kamuktaindet ne Toroor kootap Israel kole: “Ocheeng'a si osapche!

Bukuit Ne Tilil

⁴ Amu mwachin Kamuktaindet ne Toroor kootap Israel kole: “Ocheeng'a si osapche!

BUKUIT NE TILIL

⁴ Amu mwachin Jehovah gotab Israel ko u ni kole, Ocheng’a, si osopche:

AMOS 5:4 Iomraidhean Croise

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

2 ATEPTAP PEETUUSYEK 20:4

Ki iyumgei Judah tugul kocheeng' toreteet eng' Kamuktaindet ne Toroor; ki pwa eng' nganasook tugul che po Judah kocheeng' Kamuktaindet ne Toroor.

2 ATEPTAP PEETUUSYEK 34:3

Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

TIENWOGIKAL 14:2

Keerei Kamuktaindet ne Toroor eng' kipsengwet weeriigap piik, kole kogeer ngo mi ne utaat, ne cheeng'ei Kamuktaindet.

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

TIENWOGIKAL 27:8

Ye ki le muguleldanyu, “Ocheeng' togeennyu!” Acheeng'e togeng'ung', ee Kamuktaindet ne Toroor.

TIENWOGIKAL 69:32

Kagogeer che talaen, ak kogaskei: Ingosapcho mugulelwekwok, okweek che ocheeng'e Kamuktaindet.

TIENWOGIKAL 69:33

Amu kasei Kamuktaindet ne Toroor che ponondos, Ak masasei kimonjororinikyik.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

JEREMIA 38:20

Ago ki le Jeremiah, Ma igoitoin. Kasain ale, kas kutitap Kamuktaindet ne Toroor eng' chuuto amwaun: si kobiit komyeeit eng' inyee, ak kosap saboondang'ung'.

EZEKIEL 18:9

ne ki kowendote ng'atuutikyuk, ak koriip kirwoogutikyuk, si koyai iman, po iman chiichooto, sabei ineendet iman, mwaei Kiptaiyat Kamuktaindet ne Toroor.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

AMOS 5:6

Ocheeng' Kamuktaindet ne Toroor si osapche, si ma lal ko uu maat eng' kootap Joseph, ak kobeel Bethel kogees, ama piitu chii ne imisi.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

MATAYO 7:8

Amu age tugul ne soomei kigoochin; ak ne cheeng'ei konyooru; ak ineendet ne igonygonyi keyatyin.

NG'ATUTIK 32:46

koleenji, “Onde mugulelwekwok ng'aleechu tugul kabaoryanwok ra; che tuun ong'ate lagokwok koriip koyai ng'aleek tugul che po ng'atuutyoni.

NG'ATUTIK 32:47

Amu ma tangoi eng' okweek ni ak ko saboondang'wong'. Otese peetuusyekwok eng' emet ole obendi olandoe Jordan oname kobunjook amu niito.”

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.