AMOS 3:6 - BUKUIT NE TILIIL Sireet ne Dutero Kanon

⁶ Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

Bukuit Ne Tilil

⁶ Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

BUKUIT NE TILIL

⁶ Tos kiguutei iriaget eng’ nganaset, ama iyweis bik? Tos nyonjin yaitiet nganaset, ama iyokyi Jehovah?

AMOS 3:6 Iomraidhean Croise

TAUNET 50:20

Okweek, ko ki oleen ki oyaiywo ne ya, ago ki yai Kamuktaindet komyeeit, si kosulda ko uu rani, si kesar piik che chaang'.

2 LAITORINIK 6:33

Ye kita kong'alaali ak icheeget, koit ole mi ineendet chiito ne kagiyok. Ki mwa kole, “Keero, po yaityoni Kamuktaindet ne Toroor; kota agen Kamuktaindet ne Toroor kolya?”

ISAIAH 45:7

Ayae lapkeiyet, ak ayae mesundeito; ayae kaalyeet, ak ayae yaityet; aa Kamuktaindet ne Toroor, ne yaei tuguuchuuto tugul.

JEREMIA 10:7

Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

JEREMIA 4:19

Saboondanyu, saboondanyu! Atinye ng'wanindo eng' muguleldanyu oriit. Rukrugeni muguleldanyu. Ma muuchi asiis, amu kaigas, ee saboondanyu cheetap iryageet, nooto waagaatap lugeet.

JEREMIA 4:5

Omwaite eng' Judah, ak obaraste eng' Jerusalem: oguut iryageet eng' emet! Owaach miising' ak omwa ole: Oyumgei, ak ongebe agoi nganasook che ng'ootaatiin!”

JEREMIA 5:22

Amu nee asi moiywea? Mwaei Kamuktaindet ne Toroor. Amu nee si mobotandosi eng' tainnyu? Tos ma anee ne ki ande ng'aniek koek kiwotetap nyanjet, eng' ng'atuutyet ne tebyei agoi ne ma imuuchi nyanjet kosiir? Nganda mildoegei peek miising', koma imuuchi kotil kiy, agot ngo moror, koma imuuchi kosiir.

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

EZEKIEL 33:3

ak ngo keer ineendet rotwetap chok konyonjin emonooto, koguut iryageet ak koteechi piik;

HOSEA 5:8

Oguut igoondit eng' Gibea, ak oguut iryageet eng' Ramah. Owaach eng' Beth-aben; keer ole po let eng' inyee, ee Benjamin.

AMOS 3:5

Tos ibutyin toriityon mesteet ne mi ng'wony eng' ole ma mi mesteet ne namei ineendet? Tos iwir mesteet ama twa kiy?

SEPANIA 1:16

Peetuutap iryageet ak waagaat, agobo nganasook che ng'ootaatiin, ak irimoik che torooreen.

SEKARIA 8:10

Amu kingo tomo koit peetuusyechooto ko ki ma konyooru chii melekto, ak ki ma keyaaktoi kiy agobo tyony. Ki ma komi kaalyeet eng' ineendet ne mandoi ak eng' ineendet ne nyoonei amu puunyoot; amu ki agoochi koboryo chii age tugul ak chiitap kokwennyi.

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

POISYONIGAP CHE KIYOKTOI 4:28

si koyai kiit age tugul ne kisip kong'at eung'ung' ak ng'omnateng'ung' kole kosulda.

2 KORINTOEK 5:11

Amu kingen anyun kayweetap Kiptaiyat, kichuutu piik, ago kibortaech eng' taitap Kamuktaindet; ak amang'u ale kibortoech eng' taitap kabwaateng'wong'.