AMDOINDET 3:7 - BUKUIT NE TILIIL Sireet ne Dutero Kanon

⁷ peetuut ne kigereeri ak peetuut ne kinabisye; peetuut ne kisistos ak peetuut ne ki ng'alaaldos;

Bukuit Ne Tilil

⁷ peetuut ne kigereeri ak peetuut ne kinabisye; peetuut ne kisistos ak peetuut ne ki ng'alaaldos;

BUKUIT NE TILIL

⁷ betut ne kigereri, ak betut ne kinabisie; betut ne kisistos, ak betut ne king’alaldos;

AMDOINDET 3:7 Iomraidhean Croise

TAUNET 37:29

Ye kingo weigei Reuben kwo ole mi keriinget, ak kogeer kole ki ma komi Joseph keriinget, kogereer ngoroikyik.

TAUNET 37:34

Yeityo kogereer Jakobo ngoroikyik, ak kogermenegei kuniet, ak ki riirchi weeriinnyi peetuusyek che chaang'.

TAUNET 44:18

Yeityo koriikyi anyun `Judah Joseph ak koleenji, “Kaigai kiptaiyandennyu, asoomin ale, chamwo anee otwogindeng'ung' amwaun ng'olyoo, amenereekyo anee, otwogindeng'ung', amu i uu aginye Pharaoh.

TAUNET 44:34

Amu amuktoi ano anyun awo atogosta ye mi abba, ama kimi ak lakweet? Si ma keer yaityet ne tuun nyooru abba.”

2 SAMUEL 1:11

Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

2 SAMUEL 3:31

Yeityo koleenji `Daudi Joab kobooto piik tugul che ki mi ak ineendet, “Ogereer ngoroikwok ak ogermenegei kuniok yeityo oteiye eng' taitap Abner.” Ak ki isubi Daudi kiit ne ki kisute.

1 LAITORINIK 21:27

Kingo kas Ahab ng'aleechooto, kogereer ngoroikyik, kolaach kuniet ak korugutkei. Kisyep kuniet ak koming'ingei.

2 LAITORINIK 18:36

Ago ki siisyo piik, ma wolji ineendet ng'olyoo, amu kiga ng'at laitoryat kole, “Amat owolji kiy.”

2 LAITORINIK 5:7

Kingo kagosoman parwaanooto laitoryatap Israel, kogereer ngoroikyik ak kole, “Tos aa Kamuktaindet, ne abare ak asoobi, si koyookwo chiichi chiito konyo asoop eng' mogondosaikyik? Ago asoomin ale ibwaat ak igeer ole cheeng'doi suryet eng' anee!”

2 LAITORINIK 6:30

Ak kingo kas laitoryat ng'aleegap kwonyooto, kogereer ngoroikyik. Ye kiwendote irimeet parak, kogigeer piik, ak ki ilaagoti kuniok.

Kitabuutap JOB 2:13

Ki tebee ng'wony anyun ak ineendet peetuusyek tisap ak kemousyek tisap, ak ki ma twekyi age tugul ineendet amu ki keer kole oo miising' ng'wanindanyi.

TIENWOGIKAL 39:2

Kinamak kutinnyu ak ki asiis, ki asiisigei ak ma walak kiy; ak kitesak aragenennyu,

AMDOINDET 3:6

peetuut ne ki cheeng'sei ak peetuut ne kibeeti; peetuut ne kigonori ak peetuut ne kimetoi;

ISAIAH 36:21

Ago ki siisyo, ma wolji agot ng'olyoo, amu kimwaei ng'atuutyetap laitoryat kole, “Amat owolji kiy.”

JEREMIA 36:24

Ma iyweis, ama peet ngoroikwak, laitoryat, anan age eng' otwogikyik ne kigasei ng'aleechooto tugul.

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

RIREKAB JEREMIA 3:28

Ingotep ineegei ak kosiis, amu kigesenji `Kamuktaindet ne Toroor ineendet.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

AMOS 5:13

Siisei anyun ne ng'oom eng' peetuusyek che uu chooto; amu yaacheen peetuusyechooto.

AMOS 8:3

Ak koek tyenwogik che po Hekaluut kateiyosyek eng' peetuunooto, mwaei Kiptaiyat Kamuktaindet ne Toroor; chaang'itu muuswek; eng' siiseet ko wiirtoi muuswechooto eng' komosta age tugul.

MIKAH 7:5

Amomang'u chorweet, amotiegei kandoindet: riip kurgeetap kuting'ung' eng' ineendet ne ruei eng' tegeng'ung'.

POISYONIGAP CHE KIYOKTOI 4:20

Amu ma kimuuchi kesisye kobatee kemwa tuguuk che ki kegeer ak che kigegas.”

POISYONIGAP CHE KIYOKTOI 9:39

Kong'eet anyun Petero ak koba ak icheek. Ak kingo kagoit, komut ineendet kwo koot ne po parak. Ak kitonondos mosoogik tugul koriirtos eng' ye neegit ineendet ak koboorchi sumotik ak ngoroik che kinabei Dorkas ye kita komi kobooto icheek.

1 SAMUEL 10:16

Koleenji `Saulo imamennyi, “Kimwaiwech komyee kole ki kenyoor sigiroik.” Ma mwachi agobo ng'aleegap laitornatet, che ki kamwachi Samuel.