AMDOINDET 11:8 - BUKUIT NE TILIIL Sireet ne Dutero Kanon

⁸ Ngo sap chiito kenyiisyek che chaang', ko ingobaibait eng' chooto tugul. Ago ingobwaat ineendet peetuusyegap mesundeito, amu chaang'. Puch tugul che pwoonei.

Bukuit Ne Tilil

⁸ Ngo sap chiito kenyiisyek che chaang', ko ingobaibait eng' chooto tugul. Ago ingobwaat ineendet peetuusyegap mesundeito, amu chaang'. Puch tugul che pwoonei.

BUKUIT NE TILIL

⁸ Ee, ngo sob chito kenyisiek che chang’, ingobaibait eng’ choto tugul; ago ingobwat inendet betusiekab mesundeito, amu chang’. Buch tugul che bwanei.

AMDOINDET 11:8 Iomraidhean Croise

Kitabuutap JOB 10:21

kotom awe ole ma aweeksei, emetap mesundeito ak urwetap meet,

Kitabuutap JOB 10:22

emetap imenindo ne oo, ne uu mesundeito; ne po urwetap meet ak ma tinyei ng'atuut age tugul, ole uu lapkeiyet mesundeito.”

Kitabuutap JOB 14:10

Ago igeesugei chii, ak kobek, ee, wendi ano chii koga kogeskei?

Kitabuutap JOB 14:12

ko uu nooto anyun, ruei chii, ama kong'eetei; agoi koma komi kipsengwet, koma ng'etos, ama king'eeti kong'eetyo eng' rwondanywa.

Kitabuutap JOB 15:23

Ombenoti kocheeng'oti amitwogik ak koleen, mi ano? Ingen ineendet kole kagoriikyi peetuut ne po mesundeito.

Kitabuutap JOB 18:18

Ki oonei eng' ole mi lapkeiyet kwo mesundeito, ak keoon eng' ng'wony.

TIENWOGIKAL 49:20

Chiito ne tinyei teegisto, ama tinyei ng'omnateet ko kergei ak tyong'ik che pegu.

AMDOINDET 11:2

Pchechii kebeberta piik tisap, ee agot piik sisiit; amu mengen yaityet ne piitu eng' ng'wony.

AMDOINDET 2:15

Ki ale anyun eng' muguleldanyu, “Ko uu ye ityin kioto ne perber, koityina agane, ak amu nee anyun si aek ne utaat kosiir? Ki amwa anyun eng' muguleldanyu ale, ‘puch niito agine.’ ”

AMDOINDET 2:17

Ki awech anyun sabeet amu ki koono ng'wanindo poisyet ne kiyaei eng' kurereetap asiista. Amu puch tugul ak kaimetapkei ne po puch.

AMDOINDET 2:19

Ak ng'oo ne ingen ngo tuun egu chiito ne utaat anan ko ne perber? Nganda uu nooto, ko tuun pou poisyennyu tugul ne koabirtochigei ak ne abartae ng'omnateet eng' kurereetap asiista. Puch niito agine.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

AMDOINDET 4:16

Ki ma komi kagesunetap piik tugul, agot ne po icheek tugul che ki pou. Ago ma poiboitune ineendet icheek che piitu let. Puch niito agine iman ak kaimetapkei ne po puch.

AMDOINDET 4:8

Mi age ne mi ineegei, ama tinyei ne rubei; ma tinyei weeriit anan ng'eetap kamet; nganda uu nooto, koma mi kagesunet ne po pirtoennyi pogei tugul, ama piyonyi konyekyik mogornatosyek. Leen, “Aboisyechini ng'oo ak arebee saboondanyu kiit ne myee?” Puch niito agine, poisyet ne po nyalilda.

AMDOINDET 6:11

Ng'aleek che chaang' kotesei tangoita, ma tesei chii.

AMDOINDET 6:6

Agot ngo sap kenyiisyek eliphuut konyil aeng', ama paibaitune kiy ne myee, tos ma pendi tugul oldo agenge?

AMDOINDET 7:14

Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

AMDOINDET 8:12

Agot ngo yai kiptengekyot yaityet konyil pogol, ak kotesak peetuusyekyik, angen ui tugul ale, myeeitu eng' icheek che iywei Kamuktaindet, che iyweisyei ineendet eng' tainnyi.

AMDOINDET 8:15

Ki alasu anyun poiboiyet, amu ma tinyei chii kiy ne myee eng' kurereetap asiista kobatee koam, koeei ak kobaibait. Amu tebyei nooto kobooto ineendet eng' poisyennyi, eng' peetuusyek tugul che po sabeennyi, che ki igoochi `Kamuktaindet ineendet eng' kurereetap asiista.

AMDOINDET 9:7

Ui oldang'ung', am amitwogiguk eng' poiboiyet, ak iee divaiguk eng' muguleldo ne paibai, amu kagocham Kamuktaindet poisyoniguk.

JEREMIA 13:16

Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

JOEL 2:2

peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

MATAYO 22:13

Ki leenji anyun laitoryat kiboitiinik, ‘Orat ineendet eunek ak keelyek, ak owiirchi saang' ole mi mesundeito; olooto ole mi riirek ak nyeetap kelek.’

JOHANA 12:35

Koleenji Jeso anyun, “Ta komi lapkeiyet eng' kwenung'wong' eng' peetuusyek che matya. Obendoti ye ta otinye lapkeiyet, si ma namak mesundeito: ak ineendet ne wendoti eng' mesundeito koma naei ole wendi.

NG'ATUTIK 32:29

Nda ka utaatiin, ta konaei niito, Ak kobwaat kagesunennywa!

JUDA 1:18

ko uu ye kimwaiwok kole, “Tuun piitu chombilik eng' peetuusyegap let, che isubi maguutikwak che yaacheen che ma po kayweetap Kamuktaindet.”