AMDOINDET 1:2 - BUKUIT NE TILIIL Sireet ne Dutero Kanon

² Mwaei Amdoindet kole, “Puch, ma tilei kiy, puch, ma tilei kiy, puch tugul.”

Bukuit Ne Tilil

² Mwaei Amdoindet kole, “Puch, ma tilei kiy, puch, ma tilei kiy, puch tugul.”

BUKUIT NE TILIL

² Mwaei Amdoindet kole, Buch, matilei kiy, buch, matilei kiy; buch tugul.

AMDOINDET 1:2 Iomraidhean Croise

Kitabuutap JOB 11:12

Ago ma tinyei kaguiyet chiito ne ma tilei kiy, kisichei chii ko uu moitap oloitigeet.

TIENWOGIKAL 144:4

Kergei chii ak kiy puch; uu peetuusyekyik merumbet ne siirtoi.

TIENWOGIKAL 89:47

Ee, ibwaat ole tee nwagindap peetuusyekyuk: Ki itau iyai weeriik tugul che po piik koek puch agobo nee?

AMDOINDET 11:10

Iste anyun arageneet eng' muguleldang'ung', ak iste yaityet eng' poortang'ung'. Amu puch peetuusyegap ming'inateng'ung' ak che po nerateeng'ung'.

AMDOINDET 11:8

Ngo sap chiito kenyiisyek che chaang', ko ingobaibait eng' chooto tugul. Ago ingobwaat ineendet peetuusyegap mesundeito, amu chaang'. Puch tugul che pwoonei.

AMDOINDET 12:8

Mwaei anyun Amdoindet kole: Puch tugul, ma tilei kiy! Puch tugul.

AMDOINDET 2:11

Ki ageer anyun poisyonik tugul che ki ayai, ak poisyet ne kiga abirtochigei ayai. Ogeero, puch tugul ak kaimetapkei ne po puch ak ki ma komi keluno eng' kurereetap asiista.

AMDOINDET 2:15

Ki ale anyun eng' muguleldanyu, “Ko uu ye ityin kioto ne perber, koityina agane, ak amu nee anyun si aek ne utaat kosiir? Ki amwa anyun eng' muguleldanyu ale, ‘puch niito agine.’ ”

AMDOINDET 2:17

Ki awech anyun sabeet amu ki koono ng'wanindo poisyet ne kiyaei eng' kurereetap asiista. Amu puch tugul ak kaimetapkei ne po puch.

AMDOINDET 2:19

Ak ng'oo ne ingen ngo tuun egu chiito ne utaat anan ko ne perber? Nganda uu nooto, ko tuun pou poisyennyu tugul ne koabirtochigei ak ne abartae ng'omnateet eng' kurereetap asiista. Puch niito agine.

AMDOINDET 2:21

Amu mi chiito ne yaei poisyennyi eng' ng'omnateet, kobooto naet, ak utaatyet; ago pagaakyin koek kebebertap chiito ne ma pirtochigei poisyet. Puch niito agine ak ko yaityet ne oo.

AMDOINDET 2:23

Amu po arageneet peetuusyekyik tugul, ak ko po ng'wanindo poisyennyi. Ee, ma imuunyi muguleldanyi kemoi. Puch niito agine.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

AMDOINDET 2:8

Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'.

AMDOINDET 3:19

Amu kiit ne nyooru weeriigap piik konyooru tyong'ik, nyooru kiit agenge tugul. Ko uu ye meei age, ko uu nooto, meei age agine; ee, tinyei tugul kabuuset agenge, ama tinyei chiito etunateet kosiir tyong'ik, amu puch tugul.

AMDOINDET 4:16

Ki ma komi kagesunetap piik tugul, agot ne po icheek tugul che ki pou. Ago ma poiboitune ineendet icheek che piitu let. Puch niito agine iman ak kaimetapkei ne po puch.

AMDOINDET 4:4

Yeityo ageer poisyet tugul ak poisyet age tugul ne po utaatyet, ale amei kimegei chii agobo chiitap kokwennyi. Puch niito agine ak ko kaimetapkei ne po puch.

AMDOINDET 4:8

Mi age ne mi ineegei, ama tinyei ne rubei; ma tinyei weeriit anan ng'eetap kamet; nganda uu nooto, koma mi kagesunet ne po pirtoennyi pogei tugul, ama piyonyi konyekyik mogornatosyek. Leen, “Aboisyechini ng'oo ak arebee saboondanyu kiit ne myee?” Puch niito agine, poisyet ne po nyalilda.

AMDOINDET 5:10

Ma piyonyi robiinik ne chamei robiinik; ama piyonyi tuguuk che tesoksei ineendet ne chamei chaang'indap tuguuk. Puch niito agine.

AMDOINDET 6:11

Ng'aleek che chaang' kotesei tangoita, ma tesei chii.

ROMANIK 8:20

Amu ki kigoochi yaeet tugul kogas iit kiit ne ma tilei kiy, ma ko uu ye machei, ago amu ineendet ne ki igoochi kogas iit ko uu nooto eng' kamang'unet,