2 SAMUEL 7:12 - BUKUIT NE TILIIL Sireet ne Dutero Kanon

¹² Ye igeskei peetuusyeguk ak oruiye ak kwanisyeguk, ang'eet iyoteng'ung' ne piitu let ne punu poortang'ung', ak agimiit laitornatennyi.

Bukuit Ne Tilil

¹² Ye igeskei peetuusyeguk ak oruiye ak kwanisyeguk, ang'eet iyoteng'ung' ne piitu let ne punu poortang'ung', ak agimiit laitornatennyi.

BUKUIT NE TILIL

¹² Ak ye igesgei betusieguk, ak oruiye ak kwanisieguk, ang’eet iyoteng’ung’ ne biitu let, ne bunu bortang’ung’, ak agimit bounatennyi.

2 SAMUEL 7:12 Iomraidhean Croise

TAUNET 15:4

Ak ki ne matyanit, koityi ineendet `ng'olyootap Kamuktaindet ne Toroor koleenji, “Ma tuun namei tuguuguk chiichi, ago tuun isiche ineendet ne po poortong'ung' ne indii tuguuguk.”

2 SAMUEL 22:51

Igoochin laitoryandennyi saruunet ne oo; ak koboorchin nenyi ne iilaat chamyennyi ne tala, Daudi ak iyotennyi agoi koigeny.”

1 LAITORINIK 1:21

Anan ngot koma uu nooto, ko ye kagoru kiptaiyandennyu laitoryat kobooto kwanisyekyik, kiitech anee ak weeriinnyu Solomon keegu ngelelik.”

1 LAITORINIK 1:48

Ak kogeny, ko kamwa laitoryat kole, ‘Iberuurot Kamuktaindet ne Toroor, Kamuktaindetap Israel, ne kagonde chiito kotebee ng'echerennyu ne po laitornatet eng' peetuuni kogeerei konyekyuk.’ ”

1 LAITORINIK 2:1

Ki irik anyun peetuusyek che po kaliletap Daudi, ak ki ng'at weeriinnyi Solomon koleenji,

1 LAITORINIK 2:10

Ki ru anyun Daudi kobooto kwanisyekyik ak ketupchi nganaseetap Daudi.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

1 LAITORINIK 5:5

Ara kaabegechi ateekyi koot kainetap Kamuktaindet ne Toroor Kamuktaindennyu, ko uu ye ki mwachi `Kamuktaindet ne Toroor abba Daudi, koleenji, ‘Tuun teekyin kainennyu koot weeriing'ung' ne tuun andoi kotebee ng'echerennyu ne po laitornatet, kogeerin.’

1 LAITORINIK 8:15

Ak ki le, “Iberuurot Kamuktaindet ne Toroor, Kamuktaindetap Israel, ne ki ng'alaalji eng' kutinnyi Daudi abba, ak kagosulda eng' eunekyik kole,

1 LAITORINIK 8:19

Ago ma inyee ne teechei koyooto; ago weeriing'ung' ne mang'une poortang'ung', ineendet ne teekyin kainennyu koot.’

1 LAITORINIK 8:20

Ak kagogimiit Kamuktaindet ne Toroor ng'olyoondennyi ne ki mwa; amu ki abiitu ageer kwandanyu Daudi, ak atebee ng'echereetap laitornatet ne po Israel, ko uu ye ki iyomis Kamuktaindet ne Toroor, ak koateekyi koot kainetap Kamuktaindet ne Toroor, Kamuktaindetap Israel.

1 LAITORINIK 9:5

agimiit anyun ng'echereetap laitornatet ne po pounateng'ung' eng' Israel koigeny, ko uu ye kigayomisyi Daudi kwandang'ung' aleenji, ‘Ma petenen chiito ne tebee ng'echereetap laitornatet ne po Israel.’

2 LAITORINIK 8:19

Ago ma cham Kamuktaindet ne Toroor kobar Judah, amu otwogindennyi Daudi, ko uu ye ki iarorchi kogoochi ineendet tait ne po lagokyik peetuusyek tugul.

1 ATEPTAP PEETUUSYEK 17:11

Ye igeskei peetuusyeguk ak iwe ole mi kwanisyeguk, ang'eet iyoteng'ung', agenge eng' weeriiguk, ak agimiit laitornatennyi.

2 ATEPTAP PEETUUSYEK 1:9

Ara anyun, ee Kamuktaindet ne po Toroornatet, ingogimiit kayomiset ne ki iyomisyi kwandanyu Daudi, amu koiyaa aek laitoryat aboi piik che tee chaang'indo temburyek eng' ng'wony.

2 ATEPTAP PEETUUSYEK 13:5

Tos manyoljok onai ole ki igoochi `Kamuktaindet ne Toroor, Kamuktaindetap Israel `Daudi pounateet koboi Israel koigeny ak weeriikyik eng' kayomisetap muunyuk?”

2 ATEPTAP PEETUUSYEK 21:7

Agot nganda ki uu nooto koma cham Kamuktaindet ne Toroor kong'em kootap Daudi amu kayomiset ne kiga koyomisyi Daudi, ak ko uu ye ki iarorchi ineendet ak lagokyik kole igoochin ineendet tait koigeny.

2 ATEPTAP PEETUUSYEK 23:3

Ak ki iyomiskei ak laitoryat tuiyet komugul eng' kootap Kamuktaindet. Ak ki leenji, “Ingolaitoran weeriitap laitoryat, ko uu ye ki mwa Kamuktaindet ne Toroor agobo weeriigap Daudi.

2 ATEPTAP PEETUUSYEK 6:15

Ki isuldochi otwogindeng'ung' abba Daudi kiit ne ki iyomisyi ineendet; ee ki imwa eng' kuting'ung' ak kaiyai kosulda eng' kamugeng'ung', ko uu kiit ne uu rani.

2 ATEPTAP PEETUUSYEK 6:9

Nganda uu nooto, koma inyee ne teechei koyooto, ago weeriing'ung' ne mang'une poortang'ung', ineendet ne teekyin kainennyu koot.’ ”

TIENWOGIKAL 89:29

Achamjini iyotennyi agine kotebi koigeny. Ak ng'echerennyi ne po laitornatet ko uu peetuusyegap kipsengwet.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 33:17

Amu mwaei Kamuktaindet ne Toroor kole: Ma koi petyi chii Daudi ne tebee ng'echereetap laitornatet ne po kootap Israel;

MATAYO 1:1

Kaarooretap ooreetap Jeso Kristo, weeriitap Daudi, weeriitap Abraham.

LUKA 1:32

Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

LUKA 24:27

Ak ki toi kobooch Musa ak maotik tugul, ak ki iarorchi icheek eng' siruutik tugul ng'aleek agobo ineendet.

POISYONIGAP CHE KIYOKTOI 13:36

Amu ye kingo kagoboisyechi Daudi kirwoogutigap Kamuktaindet ne Toroor eng' ibindanyi, konuuch, ak ki kitup kobooto kwanisyekyik, ak kogeer nunet.

POISYONIGAP CHE KIYOKTOI 2:30

Ak amu kimaotyo, ak ki ingen kole kiga koyasyechi `Kamuktaindet ineendet kole, indoi Kamuktaindet ng'echerennyi chiito ne tuun punu iyotennyi.

1 KORINTOEK 15:51

Ogeero, amwaiwok ung'ootyet: Ma kiruitosi acheek tugul, ago kiwalech acheek tugul,

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

1 THESSALONIKEK 4:14

Amu ngiyani keele kime Jeso ak kong'eet kogeny, ko uu nooto anyun eng' icheeget che ruitos eng' Jeso, imutu Kamuktaindet kobooto ineendet.