2 SAMUEL 5:18 - BUKUIT NE TILIIL Sireet ne Dutero Kanon

¹⁸ Kingo pwa Philistiik ak koyom atebweetap Repaim,

Bukuit Ne Tilil

¹⁸ Kingo pwa Philistiik ak koyom atebweetap Repaim,

BUKUIT NE TILIL

¹⁸ Ak kibwa Pilistik ak koyom atebwetab Repaim.

2 SAMUEL 5:18 Iomraidhean Croise

TAUNET 14:5

Ki nyo Kedolaomer kobooto laitorinik che ki mi ak ineendet, eng' kenyiitap taman ak ang'wan, kobookyi Repaik eng' Asterot-Karnaim, Susik eng' Am, Emik eng' Sabe-Kiriataim,

2 SAMUEL 23:13

Ki choortagei somogu eng' pounik che eecheen sosom, ak koba ole mi Daudi eng' peetuusyegap kesisyet agoi kebeneetap Adulam ak kiga teech lugeetap Philistiik atebweetap Repaim.

2 SAMUEL 5:22

Ki togos Philistiik kogeny ne po aeng' ak koyom atebweetap Repaim.

1 ATEPTAP PEETUUSYEK 11:15

Ki choortagei somogu eng' che eecheen sosom, koba ole mi Daudi eng' rwandet, kot koit kebeneetap Adulam, ak kiga teech lugeetap Philistiik eng' atebweetap Repaim.

ISAIAH 17:5

Ak kergeitu ak ye iyumi peek kesiindet, ak kesei eunnyi peek, kergeitu ak ye kesei chiito peek eng' atebweetap Repaim.

JOSHUA 15:8

Kwo kotestai kiwoteet agoi atebweetap weeriitap Hinom, eng' tabandap Jebusindet murot tai, ne nooto ko Jerusalem ak kwo agoi tulweet parak ne ikweeni atebweetap Hinom eng' cherongo, murot kaataam ne po atebweetap Repaik.

JOSHUA 17:15

Ak ki leenji Joshua icheek, “Ngot ko ii pororyet ne oo, itogoste iwe timiin ak ibatyigei oldo eng' emetap Perisik ak ne po Repaik, amu mariich emetap tuloonook ne po Ephraim eng' inyee.”

JOSHUA 18:16

Yeityo kochoortagei kiwoteet agoi tabandap tulweet ne mi taitap atebweetap weeriitap Hinom, ne mi atebweetap Repaik ne tokyingei murot kaataam. Ki choortagei kwo atebweetap Hinom, kot koit tabandap Jebusindet ne tokyingei murot tai ak kochoortagei kwo En-rogelo.