2 SAMUEL 2:9 - BUKUIT NE TILIIL Sireet ne Dutero Kanon

⁹ Ki inde ineendet koek laitoryat koboi Gilead, Ashurik, Jezreel, Ephraim, Benjamin ak koboi Israel tugul.

Bukuit Ne Tilil

⁹ Ki inde ineendet koek laitoryat koboi Gilead, Ashurik, Jezreel, Ephraim, Benjamin ak koboi Israel tugul.

BUKUIT NE TILIL

⁹ kiinde inendet koek laitoriat koboi Gilead, ak koboi Ashurik, ak Jesreel, ak Epraim, ak Benjamin, ak koboi Israel tugul.

2 SAMUEL 2:9 Iomraidhean Croise

TAUNET 30:13

Ki le anyun Leah, “Agasigei! Amu tuun kuureno tiibiik ne igasegei.” Kiguure kainennyi Asher.

2 SAMUEL 2:10

(Ki po Ishbosheth weeriitap Saulo kenyiisyek artam ye ki tau kolaitorani, ak ki laitoran kenyiisyek aeng'.) Ago ki isup `kootap Judah Daudi.

2 SAMUEL 3:6

Ye kibortos kootap Saulo ak kootap Daudi, ko kitechkei Abner kogimit eng' kootap Saulo.

1 ATEPTAP PEETUUSYEK 12:29

Che po lagogap Benjamin, tupchosyegap Saulo ko ki eliphuusyek somok, amu kita konamegei kebeberta ne oo ne po pichooto ak kootap Saulo agoi peetuunooto.

1 ATEPTAP PEETUUSYEK 12:30

Che po lagogap Ephraim, ko ki piik eliphuusyek tiptem ak sisiit, che kiimeen che nyigoonen, piik che taagunotiin eng' kooriigap kwanisyekwak.

TIENWOGIKAL 108:8

Nenyu Gilead, ak nenyu Manasseh; Ephraim agine kimnateetap metinnyu; Judah ko kiroktonyu ne po laitornatet.

KAITOSYEK 1:40

Eng' ooreetap Asher, ko ki kiit piik tugul kobooch che po kenyiisyek tiptem ak kwo tai, tugul che ki imuuchi koba lugeet, ko uu ole tee kainaikwak, kosupkei ak ibinwekwak, ko uu ortinwekwak ak ko uu kooriigap kwanisyekwak.

JOSHUA 16:5

Kooretap lagogap Ephraim ko uu ortinwekwak ko uu ni; kiwotetap koorennywa kong'etee kong'asiis ne po Ataroth-addar kot koit Beth-horon parak,

JOSHUA 16:8

Eng' cherongo, kogiwo kiwoteet kong'etee Tappuah kot koit aineetap Kanah ak komong'ji nyanjetap Mediterenian. Niito anyun ko poroteetap pororyetap lagogap Ephraim ko uu ortinwekwak,

JOSHUA 16:9

kobooto nganasook tugul ak kokwotinwekwak che ki kitabaanji Ephraim ak lagokyik eng' kwenutap poroteetap lagogap Manasseh.

JOSHUA 17:1

Ni ko kebeberta ne ki ibutyi eng' parbaryat pororyetap Manasseh; amu kitaita ne po Joseph. Ko uu Makir, ne kitaita ne po Manasseh, kwandap Gilead, ko amu kichii ne po lugeet, ko ki kigoochi ineendet Gilead ak Bashan.

JOSHUA 18:11

Ki piit kuraitap pororyetap lagogap Benjamin ko uu ortinwekwak. Ak ki wo kiwotetap parbaryannywa, kwenutap lagogap Judah ak lagogap Joseph.

JOSHUA 18:20

Ki Jordan kiwotennyi eng' komostap kong'asiis. Niito ko ki poroteetap lagogap Benjamin ko uu kiwotosyekyik che ki imut komoswek tugul ko uu ortinwekwak.

JOSHUA 19:18

Ki it kiwotennywa Jezreel, Kesulot, Sunem,

JOSHUA 22:9

Ki week anyun lagogap Reuben, lagogap Gad ak kebebertap pororyetap Manasseh, koba eng' ole mi piigap Israel komanda eng' Shiloh, ne mi emetap Kanaan koba emetap Gilead, emet ne nenywa, ne kiga konam kobunji ko uu ng'atuutyetap Kamuktaindet ne Toroor eng' eutap Musa.

KIRUOGIK 1:32

Ago kimeng'iis Aserik eng' kwenutap Kanaanik che ki menyei emonooto, amu kimaon icheek.

1 SAMUEL 29:1

Ki iyumji anyun `Philistiik lugosyekwak tugul Apek: ak ki teech Israel ye neegitee kondap peek ne mi Jezreel.