2 SAMUEL 16:23 - BUKUIT NE TILIIL Sireet ne Dutero Kanon

²³ Eng' peetuusyechooto anyun, ko ki uu kirwoogetap Ahitopel ne ki irwoochi, kirwoogetap chii ne teebei eng' ng'olyootap Kamuktaindet. Ki uu nooto anyun kirwoogutik tugul che po Ahitopel eng' Daudi ak eng' Absalom.

Bukuit Ne Tilil

²³ Eng' peetuusyechooto anyun, ko ki uu kirwoogetap Ahitopel ne ki irwoochi, kirwoogetap chii ne teebei eng' ng'olyootap Kamuktaindet. Ki uu nooto anyun kirwoogutik tugul che po Ahitopel eng' Daudi ak eng' Absalom.

BUKUIT NE TILIL

²³ Ak ki u kiruogetab Aitopel, ne kiiruochi eng’ betusiechoto, ye teebei chi eng’ ng’olyotab Kamuktaindet: ki u noto anyun kiruogutik tugul che bo Aitopel eng’ Daudi ak eng’ Absalom.

2 SAMUEL 16:23 Iomraidhean Croise

2 SAMUEL 15:12

Ki iyookto Absalom keguur Ahitopel Gilonindet, toretindetap Daudi eng' nganasennyi, Gilo, ye ki igoitoi tiseiywot. Kitesak chaamset, amu kitesaksei piik che namegei ak Absalom.

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 17:1

Ki leenji `Ahitopel Absalom kogeny, “Chamwo alewen murenik eliphuusyek taman ak aeng', ak ang'eet asup Daudi kemouni.

2 SAMUEL 17:14

Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

Kitabuutap JOB 5:12

Ng'emei chobutigap piik che ng'aalik, kot koma komuuchi eunekwak koyai tuguuk che po kagilennywa pogei.

TIENWOGIKAL 19:7

Ititaat ng'atuutyetap Kamuktaindet ne Toroor, ak koweechi saboondo. Po iman paornateetap Kamuktaindet ne Toroor, igoochin utaatyet chii ne yetyet.

TIENWOGIKAL 28:2

Kas soomutikyuk, ye ariirchinin, ye anamjini parak eunekyuk atokyini oldang'ung' ne tiliil.

AMDOINDET 10:1

Ko uu ye puldos mwanik che anyiny che po ng'amotyot amu kalyang'ik che pekyin, ko ng'emei perberyo kitigin utaatyet ak teegisto.

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 8:9

Ki teweeri piik che utaatiin, Aragendos ak kenamei icheek. Kigoesyo ng'olyootap Kamuktaindet ne Toroor, Ara anyun tinyei ng'omnateet ne uu nee?

KAITOSYEK 27:21

Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

LUKA 16:8

Ak ki ichoi kiptaiyandennyi otwogindonooto ki ma ko po imanda amu kayai eng' ng'ulaatyet: amu ng'ulaatiin weeriigap ng'wonyuni eng' ibindanywa kosiir weeriigap lapkeiyet.

ROMANIK 1:22

Kingo leen kondegei kole utaatiin, koberberitu,

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

1 SAMUEL 30:8

Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”