2 SAMUEL 16:10 - BUKUIT NE TILIIL Sireet ne Dutero Kanon

¹⁰ Koleenji `laitoryat, “Kiting'egei nee ak okweek, weeriigap Zeruiah? Amu chubisyei, Ngot ko amu kamwachi `Kamuktaindet ne Toroor ineendet koleenji, ‘Chup Daudi,’ ko ng'oo anyun ne mwaei kole, ‘Amu nee si iyai ko uu no?’ ”

Bukuit Ne Tilil

¹⁰ Koleenji `laitoryat, “Kiting'egei nee ak okweek, weeriigap Zeruiah? Amu chubisyei, Ngot ko amu kamwachi `Kamuktaindet ne Toroor ineendet koleenji, ‘Chup Daudi,’ ko ng'oo anyun ne mwaei kole, ‘Amu nee si iyai ko uu no?’ ”

BUKUIT NE TILIL

¹⁰ Ak kile laitoriat, Kiting’ege nee ak okwek, werikab Seruia? Amu chubisiei, ak amu kamwachi Jehovah inendet kolenji, Chub Daudi; ko ng’o anyun ne mwaei kole, Amu nee si iyai ko u no?

2 SAMUEL 16:10 Iomraidhean Croise

TAUNET 50:20

Okweek, ko ki oleen ki oyaiywo ne ya, ago ki yai Kamuktaindet komyeeit, si kosulda ko uu rani, si kesar piik che chaang'.

2 SAMUEL 19:22

Ago ki wol `Daudi kole, “Kiting'egei nee ak okweek weeriigap Zeruiah kot oegu puunik eng' anee rani? Tos kibarei chii rani eng' Israel? Tos mangen ale, aa laitoryat rani ne pou Israel?”

2 SAMUEL 19:23

Ara ki leenji `laitoryat Shimei, “Memee.” Ak ki iyasyechi laitoryat ineendet.

2 SAMUEL 3:39

Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”

1 LAITORINIK 17:18

Ki leenji `ineendet Elijah, “Kiting'egei nee ak inyee, chiitap Kamuktaindet? Koinyo oli ami si kong'ang'ak tengektonyu, ak ibar weeriinnyu?”

1 LAITORINIK 2:5

“Ak kogeny ingen aginye kiit ne ki yaiywo Joab weeriitap Zeruiah, kiit ne ki yachi kiptainik aeng' che po lugosyegap Israel, Abner weeriitap Ner ak Amasa weeriitap Jeter, che kibar, ak kotumda korotiigap lugeet eng' peetuusyegap kaalyeet, ak konde korotiigap lugeet pireneet ne kiga rategei, kobooto kweonik che ki mi keelyekyik.

2 LAITORINIK 18:25

Ara anyun, kanyo koma kimi ak Kamuktaindet ne Toroor anyo abar oli, ang'em? Koleenjo Kamuktaindet ne Toroor, “Togoste par emoni, ak ing'em.”

Kitabuutap JOB 9:12

Keero, namei ak ng'oo ne eetee? Ng'oo ne mwachin koleenjin, iyae nee?

TIENWOGIKAL 39:9

Kinamak kutinnyu ak ki asiis; ma atwegu, amu inyee ne ki iyae.

AMDOINDET 8:4

Amu tinyei kimnateet ng'olyootap laitoryat; ak ng'oo ne imuuchi koleenji ineendet, “Iyae nee?”

RIREKAB JEREMIA 3:37

Ng'oo ineendet ne mwaei ak kosulda kioto, ng'oo ne ng'atei kioto ngo ma Kiptaiyat?

MATAYO 16:23

Ago kiweleljigei ak koleenji Petero, “Istoenongei, Setani! Ii kanagut eng' anee; amu ma ibwaati inyee tuguugap Kamuktaindet, ago ibwaati che po kipkosabei.”

MATAYO 8:29

Ak ogeero, kiwaach, kole, “Kiting'egei nee ak inyee, Weeriitap Kamuktaindet? Kenyo yu inyalilech kotom koit peetuut?”

JOHANA 18:11

Koleenji Jeso anyun Petero, Weekyi rotweet choget: tos maee kigombet ne kagoono Kwanda?

ROMANIK 9:20

Chiichi! Ii ng'oo ne tos iwolji Kamuktaindet kiy? Tos mwachin `kiit ne ki kimimii mimiindet koleenjin, “Amu nee si iyaa ko uu ni?”

1 PETERO 2:23

ne ye ki ngeng'emji kuut, koma ng'em kuut; ye kingo nyalil, koma imuiso; ago ki igoochigei ineendet ne irwoochi eng' imanda:

1 SAMUEL 26:19

Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’