2 SAMUEL 13:19 - BUKUIT NE TILIIL Sireet ne Dutero Kanon

¹⁹ Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

Bukuit Ne Tilil

¹⁹ Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

BUKUIT NE TILIL

¹⁹ Ak kiinde Tamar orek metinnyi, ak kogerer ngoriennyi ne koi ne kiilaachi: ak konamatgei met, ak kwo, koriroti eng’ kutit ne o.

2 SAMUEL 13:19 Iomraidhean Croise

TAUNET 37:29

Ye kingo weigei Reuben kwo ole mi keriinget, ak kogeer kole ki ma komi Joseph keriinget, kogereer ngoroikyik.

2 SAMUEL 1:11

Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

2 SAMUEL 1:2

Eng' peetuutap somok, konyo chiito kobun nganaseet ne ki mi Saulo, ko kereerotiin ngoroikyik ak komi ng'ung'unyek metinnyi. Ye kingo it ole mi Daudi, kobutyi ng'wony ak kogutuny koganyit laitoryat.

2 SAMUEL 13:20

Ki leenji `Absalom ng'eetap kametap Tamar ineendet, “Koomi ak Amnon ng'eetap kamenng'ung'? Siis nguno anyun, tupchennyu; ineendet ko ng'eetap kamenng'ung'. Mende kiito muguleldang'ung'.” Ki tebi Tamar anyun ineegei eng' kootap ng'eetap kamet Absalom.

Kitabuutap JOB 2:12

Ye kingo tooben `icheek ineendet eng' ye loo ama inyit ineendet, kowaakyo eng' kutit ne oo ak koriiryo. Ki pet age tugul ngoryennyi ne po parak ak koseerta temburyek koba parak kororokyi metowekwak.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

JEREMIA 2:37

Imandoe ineendet agine, inamoti meting'ung'. Amu ki koeesyo Kamuktaindet ne Toroor kamang'unosyekwok, ak meboree chooto.

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

1 SAMUEL 4:12

Ki labat chii ne po ooreetap Benjamin eng' ole kimi lugeet peetuunooto agoi Shiloh ko kagogereer ngoroikyik ak komi ng'ung'unyek metinnyi.