2 SAMUEL 1:11 - BUKUIT NE TILIIL Sireet ne Dutero Kanon

¹¹ Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

Bukuit Ne Tilil

¹¹ Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

BUKUIT NE TILIL

¹¹ Konam anyun Daudi ngoroikyik kogerer; ak kiyai ko u noto bik tugul che kimi ak inendet:

2 SAMUEL 1:11 Iomraidhean Croise

TAUNET 37:29

Ye kingo weigei Reuben kwo ole mi keriinget, ak kogeer kole ki ma komi Joseph keriinget, kogereer ngoroikyik.

TAUNET 37:34

Yeityo kogereer Jakobo ngoroikyik, ak kogermenegei kuniet, ak ki riirchi weeriinnyi peetuusyek che chaang'.

TAUNET 44:13

Kigereer anyun ngoroikwak, ak kiratyi chii tugul tuguukyik sigiryennyi ak koweektagei koba nganaseet.

2 SAMUEL 13:19

Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

2 SAMUEL 13:31

Ki ng'eet anyun laitoryat kogereer ngoroikyik ak koru eng' ng'wony. Ki tononso otwogikyik tugul eng' ole mi ineendet ko kagogereer ngoroikwak.

2 SAMUEL 3:31

Yeityo koleenji `Daudi Joab kobooto piik tugul che ki mi ak ineendet, “Ogereer ngoroikwok ak ogermenegei kuniok yeityo oteiye eng' taitap Abner.” Ak ki isubi Daudi kiit ne ki kisute.

2 LAITORINIK 5:7

Kingo kagosoman parwaanooto laitoryatap Israel, kogereer ngoroikyik ak kole, “Tos aa Kamuktaindet, ne abare ak asoobi, si koyookwo chiichi chiito konyo asoop eng' mogondosaikyik? Ago asoomin ale ibwaat ak igeer ole cheeng'doi suryet eng' anee!”

2 ATEPTAP PEETUUSYEK 34:27

amu kitangus muguleldang'ung', ak ki iming'ingei eng' taitap Kamuktaindet, ye kegas ng'aleekyik che nereekyin yuto, ak piik che menyei olito, ak iming'inigei eng' tainnyu, ak igereer ngoroiguk, ak iriir eng' tainnyu; ko kaagasun agane, mwaei Kamuktaindet ne Toroor.

EZRAH 9:3

Ak kinga kas ng'olyoondoni, abet ngoryennyu ne po oriit ak ne po parak, ak ang'ei sumeekyuk ak atut tamnennyu yeityo atebi ng'wony akwong'.

JEREMIA 36:24

Ma iyweis, ama peet ngoroikwak, laitoryat, anan age eng' otwogikyik ne kigasei ng'aleechooto tugul.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

POISYONIGAP CHE KIYOKTOI 14:14

Ago ye kingo kas agobo nooto che kiyooktoi Barnaba ak Paulo kogereer ngoroikwak ak korwai koba kwenutap tuiyet, koboldos koleen,

ROMANIK 12:15

Oboiboitu kobooto che poiboi; oriirye kobooto che riirtos.

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.