2 KORINTOEK 6:6 - BUKUIT NE TILIIL Sireet ne Dutero Kanon

⁶ eng' tiliilindo, eng' naet, eng' mutyonet, eng' talasyet, eng' Kabuuset ne Tiliil, eng' chamyet ne ma tinyei keniisyet,

Bukuit Ne Tilil

⁶ eng' tiliilindo, eng' naet, eng' mutyonet, eng' talasyet, eng' Kabuuset ne Tiliil, eng' chamyet ne ma tinyei keniisyet,

BUKUIT NE TILIL

⁶ eng’ tililindo, eng’ naet, eng’ mutyonet, eng’ talasiet, eng’ Tamirmiriet ne Tilil, eng’ chamnyet ne matinyei kenisiet,

2 KORINTOEK 6:6 Iomraidhean Croise

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

ROMANIK 15:19

eng' kamuget ne po kaboorunoik ak kwang'utik, eng' kamuktaetap Kabuuset ne Tiliil; nooto anyun, kong'etee Jerusalem, ak komoswekyik agoi Iluriko, ko ki aamdaate komyee logoiywek che myach che po Kristo;

1 KORINTOEK 12:8

Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

1 KORINTOEK 13:4

Muitoi chamyet, ak ko tala; ama tinyei chamyet ng'etkong', malosegei chamyet, ama meenei,

1 KORINTOEK 2:16

Amu ng'oo ne ki konai kabwaatutigap Kiptaiyat, si kobiit koneet ineendet? Ago ki tinyei acheek kabwaatutigap Kristo.

1 KORINTOEK 2:4

Ak ng'alaalennyu ak ng'olyoondennyu ne ki aamdoi ko ki ma ko ng'aleegap kagaigaet che po utaatyet, ago eng' kaboorunetap Kabuuset ne Tiliil ak ne po kamuktaet:

2 KORINTOEK 1:23

Ago aguure Kamuktaindet koek paoryat eng' saboondanyu, ale, si koma nyo Korinto, ko ki ariirenak.

2 KORINTOEK 11:11

Amu nee anyun? Amu ma chamok? Ingen Kamuktaindet.

2 KORINTOEK 11:4

Amu ineendet ne nyoonei, ngo amda Jeso age, ne ki ma kiamde acheek, anan ngo taach Kabuuset ne Tiliil ne teer, ne ki ma otaach okweek, anan logoiywek che myach che teer, che ki ma oyan, ko kaagaa anyun omuitochini ineendet komyee.

2 KORINTOEK 11:6

Agot ngo uu ng'alaalennyu ne po chii ne ma ineetkei, koma uu nooto eng' naet; achicha, ki kibartech acheek eng' okweek eng' kiy age tugul eng' kwenutap piik tugul.

2 KORINTOEK 12:15

Ak abaibai miising' aboisyee chechuuk ak keboisena agobo saboonwekwok. Ngot achamok miising' kosiir, ko tos ki chama kitigin?

2 KORINTOEK 13:10

Amu nooto anyun, asire tuguuchu koma ami, si ma ye tuun ami koma poisyee koroomnateet, ko uu ole tee pounateet ne ki koono Kiptaiyat agobo teekseet, ma agobo putet.

2 KORINTOEK 2:10

Ago ineendet ne onyochini kaat kiy age tugul, anyochini kaat agane. Ne ki anyochi kaat agane, ngo ki anyochi kaat eng' kiy age tugul, ko ki anyochi kaat agobo okweek eng' taitap Kristo,

2 KORINTOEK 2:4

Amu ki asirwak eng' pichiindo ne oo ak ng'wanindap muguleldo kobooto peegap kong' che chaang'; ma si oaragense, ago si kobiit onai chamyet ne ating'enok miising' kosiir.

2 KORINTOEK 3:3

oboortoige ole oo parweet ne po Kristo, ne ki kiyai, ne ki kisir ama eng' wino, ago eng' Kabuuset ne po Kamuktaindet ne sabei; ma eng' koik che lebeleen, ago eng' koik che lebeleen che mugulelwek che po poorwek.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 KORINTOEK 7:2

Oyatwech mugulelwekwok: ma ki yachi chii age tugul kiy ne ya, ma king'em chii age tugul, ma ki ibe chii age tugul kiy.

GALATYEK 3:2

Ni kityo ne amache aneetenagei, Ki otaach Kabuuset ne Tiliil eng' poisyonigap Ng'atuutyet, anan eng' kaseet ne po kayaneet?

GALATYEK 3:5

Tos ineendet anyun ne koonok Kabuuset ne Tiliil, ak koyaei kwang'utik eng' kwenung'wong', ko tos yaei eng' poisyonigap Ng'atuutyet, anan eng' kaseet ne po kayaneet?

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

EPESOEK 3:4

si, ye osomani, omuuchi oguiye ng'omnatennyu eng' ung'ootyetap Kristo;

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

EPESOEK 4:32

ilak otebi eng' talasyet okweegei eng' okweegei, orireegei, ak onyochinigei kaat, ko uu ye kinyoiywok kaat Kamuktaindet agine eng' Kristo.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 2:3

ki kiuny eng' ineendet konoraik tugul che po utaatyet ak naet.

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

1 THESSALONIKEK 2:10

Oo paorinik okweek, kobooto Kamuktaindet, agobo ole ki kitepte acheeget eng' kwenung'wong' okweek che oyani, eng' tiliilindo ak eng' imanda koma ki tinyei kiy ne kirwoogunenech:

1 TIMOTEO 4:12

Amat kosas chii ming'inateng'ung'; ago egu kaboorunet eng' icheek che iyani, eng' ng'olyoot, eng' atepto, eng' chamyet, eng' kayaneet, eng' tiliilindo.

1 TIMOTEO 5:2

chebyosok ko uu kametisyek, kwonyiik che mengeechen ko uu tiibiik che otupche, eng' tiliilindo tugul.

2 TIMOTEO 3:10

Ago ki isup inyee kaneetisyennyu, atebeet, kiit ne atokyinige, kayaneet, mutyonet, chamyet, muitaet,

2 TIMOTEO 4:2

amde ng'olyoot; choboge eng' peetuut ne nyolu, ak eng' peetuut ne ma nyolu; itigon, kergong', igiil, eng' muitaet tugul ak kaneetisyet.

TITO 2:7

ibartegei inyeendet eng' tuguuk tugul iegu kaboorunet ne po poisyonik che myachen; eng' kaneetisyeng'ung' ibarte atebeet ne ma ng'emaksei,

JAKOBO 3:17

Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 JOHANA 3:18

Lagochu mengech, among' kecham eng' ng'olyoot, anan eng' ng'elyepta; ago eng' poisyet ak imanit.

KIRUOGIK 16:15

Ki leenji `kwonyooto ineendet, “Imuktoi ano imwa ile, ‘Achamin,’ ama mi muguleldang'ung' kobooto? Koichota konyil chuuto somok, ama imwaiwo ole mi kimnatoning'ung' oo.”