2 KORINTOEK 6:5 - BUKUIT NE TILIIL Sireet ne Dutero Kanon

⁵ eng' pirutik, eng' ratisyosyek, eng' polatosyek, eng' poisyonik che uueen, eng' riipsosyek, eng' rugutosyek;

Bukuit Ne Tilil

⁵ eng' pirutik, eng' ratisyosyek, eng' polatosyek, eng' poisyonik che uueen, eng' riipsosyek, eng' rugutosyek;

BUKUIT NE TILIL

⁵ eng’ birutik, eng’ ratisiosiek, eng’ bolatosiek, eng’ boisionik che uuen, eng’ ripsosiek, eng’ rugutosiek;

2 KORINTOEK 6:5 Iomraidhean Croise

1 LAITORINIK 22:27

ak koleenji, “ ‘Kamwa laitoryat ko uu ni, kole: Onde chiichi korgoreet, obae ineendet amitwogigap nyalilda ak peegap nyalilda agoi aweigei eng' kaalyeet.’ ”

2 ATEPTAP PEETUUSYEK 16:10

Ki nereekyi anyun Asa miising' keerindet, kot konde ineendet korgoreet. Eng' peetuusyechooto, ko ki inam kous Asa piik alak eng' pichooto.

ISAIAH 53:5

Ago ki kitoor agobo pistaosyekyok, ki kiguoten agobo tengekwogikyok: kinyooru kalyennyo eng' pirennyi; ak kisoobenech pirutikyik.

JEREMIA 33:1

Ki nyoonji kogeny ne po aeng' `ng'olyootap Kamuktaindet ne Toroor Jeremiah, ye kita ko kerat eng' seremutap riibiik, koleenji,

JEREMIA 38:6

Konam anyun icheek Jeremiah, ak kotoorchi ineendet keriingetap Malkija weeriitap laitoryat, ne ki mi seremutap riibiik: ak kichoortae Jeremiah rogoonik. Ki ma komi peek keriingonooto, ago kimi ng'atateek: ak kirorokyi Jeremiah ng'atateek oriit.

EZEKIEL 3:17

Ee weeriitap chii, kandein iegu riibindet eng' kootap Israel: kas anyun ng'olyoot ne amwae, ak iteechi icheek eng' ng'olyoondennyu.

MATAYO 14:10

ki iyookto anyun keetil metitap Johana eng' korgoreet.

MATAYO 14:3

Kiga konam `Herod Johana, korat ak konde korgoreet agobo Herodias, osotyotap Philipu ng'eetap kam.

MATAYO 9:15

Ak ki leenji Jeso, Imuuchi icheek che kogiguurchi katunisyet koaragenso, kota komi ak sandet? Ago pwoonei peetuusyek, che tuun ki istoe sandet icheek, ak korugutkei anyun.

POISYONIGAP CHE KIYOKTOI 13:3

Ak ye kingo kagorugutkei ak kosaaei, kogonoor icheek eunekwak ak koyookto koba.

POISYONIGAP CHE KIYOKTOI 14:19

Ago ki pwa Yahudik che ki punu Antiok ak Ikonia ak kolom tuiyosyek. Kilach `icheek Paulo eng' koik, ak kochuut komanda eng' nganaseet, koleen kagome.

POISYONIGAP CHE KIYOKTOI 14:23

Ak kingo kagolewenji icheek `poisyek eng' kaniset age tugul, kosa eng' karugutetapkei, konde icheek eutap Kiptaiyat ne kiga koyan.

POISYONIGAP CHE KIYOKTOI 17:5

Ago ki am ng'etkonda Yahudik, ak ki namgei ak piik che yaacheen che ma tilei kiy ak koiyum tuiyet kole kong'eetyi chemargeet nganaseet. Ye ki cheeng'ei `icheek Paulo ak Silas komachei kole si komut icheek saang' koba ole mi piik, kobookyi kootap Jason.

POISYONIGAP CHE KIYOKTOI 20:31

Oriipse anyun, ak obwaat ole ma abagaakte atigoon chii age tugul eng' peegap kong' eng' kenyiisyek somok kemoi ak peet.

POISYONIGAP CHE KIYOKTOI 23:10

Ak ye kingo ng'eet toiyet ne oo, koywei kiptaiyat ne oo kole tos tonaton pichu Paulo, kong'at anyun kiplugotinik kochoortagei ak komut ineendet eng' kimnateet eng' kwenunnywa, ak komut konyo irimeet.

POISYONIGAP CHE KIYOKTOI 23:35

kole, “Tuun agasun ng'aleeguk ko kait piik che ki itaamin.” Ki ng'at keriip ineendet eng' kootap kirwooget ne po Herod.

POISYONIGAP CHE KIYOKTOI 24:27

Ago kingo keskei kenyiisyek aeng'u, konam Porkio Pesto poisyetap Felix; ak amu kimachei Felix kobaibai Yahudik, kobagaakta Paulo ko rataat.

POISYONIGAP CHE KIYOKTOI 26:10

Ak ki ayai niito agine eng' Jerusalem: ak atoorchi korgorosyek piik che chaang' eng' che tiliileen, ko kagogoono kimnateet tisiik che eecheen, ak ki achame ye ki kibarei icheek.

POISYONIGAP CHE KIYOKTOI 26:29

Kole Paulo, “Achame ko uu nooto eng' Kamuktaindet, ale ngo eng' che ng'ering' anan eng' che chaang', ma inyee kityo, ago tugul ak icheek che kasa rani, ale kotebi ko uu anee, ago ama eng' ratuutichu.”

POISYONIGAP CHE KIYOKTOI 28:30

Ak ki meny eng' kenyiisyek aeng' koonnyi ne ki alei meng'et, ak kitaach tugul che ki pwonjin ineendet,

POISYONIGAP CHE KIYOKTOI 5:18

konam che kiyooktoi ak kotoorchi korgoreet ne po piik tugul.

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

1 KORINTOEK 4:11

Agot sainiito ketinye rubeet ak melelda ak kimi aach ngor ak kiluiluchech, ama ki tinyei ole ki menye;

1 KORINTOEK 7:5

Amoetegei okweegei, kobatee ye kochamyechi eng' peetuusyek alak, si onyooru poroindo ne po saaet, si otuiyegei kogeny, si ma yoomaak Setani amu motinye riibetapkei.

2 KORINTOEK 11:27

eng' pirtoetapkei ak nyalilda, eng' riipsosyek konyil che chaang', eng' rubeet ak melelda, eng' rugutosyek konyil che chaang', eng' kaititindo ak aach ngorit.

EPESOEK 3:1

Amu niito anee Paulo, kimonjororyotap Kristo Jeso agobo okweek Pororyosyek,

NG'ATUTIK 25:3

Imuuchi kobir pirutik artam amat kotes. Amu ngo siir chooto ak kebir pirutik che chaang', ko egu tupcheng'ung' ne sasaat eng' inyee.”

PILIPIK 1:13

kot kotook monjorornatennyu agobo Kristo eng' kiplugotinik tugul che po kaplaitoryat, ak eng' piik alak tugul;

1 THESSALONIKEK 2:9

Amu obwaati, tupchosyechu, poisyennyo ne uui ak pichiindo, keboisye kemoi ak peet, si ma kigoochi mileet chii age tugul eng' okweek. Ki kiamwok logoiywek che myach che po Kamuktaindet.

1 TIMOTEO 4:10

Kiyae anyun poisyet ne oo amu niito ak ki kiiligei, amu miitei kamang'unennyo Kamuktaindet ne sabei, ineendet Yetindetap piik tugul, ago ne siirei ko po piik che iyani.

2 TIMOTEO 1:8

Amelilanji anyun paornateetap Kiptaiyandennyo, anan anee kimonjororyondennyi: ago nam yamdaetap nyalilwogik amu logoiywek che myach ko uu ye tee kamuktaetap Kamuktaindet;

2 TIMOTEO 2:9

ne anyoorunee nyalilda, agoi monjorornatosyek; ko uu chiito ne yaei yaityo; ago ma rataat ng'olyootap Kamuktaindet.

2 TIMOTEO 4:5

Ago riipkei inyee eng' tuguuk tugul, muite eng' nyalilda, yai poisyetap amdaetap logoiywek che myach, yai poisyeng'ung' kosulda.

HEBRANIK 11:36

ak ki kityem alak eng' chombilet, ak eng' pirisyosyegap kipcharitisyek, ee, ak kogeny eng' ratisyosyek ak toorchinetap korgoreet:

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.

HEBRANIK 13:23

Onai ole ko kityaach tupchennyo Timoteo; ngot konyo ko neegit, ko tuun anyoo ageerok kobooto ineendet.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.