2 KORINTOEK 6:1 - BUKUIT NE TILIIL Sireet ne Dutero Kanon

¹ Kisoome acheek che keboisyei ak Kamuktaindet keele amotaach myeeindap Kamuktaindet puch

Bukuit Ne Tilil

¹ Kisoome acheek che keboisyei ak Kamuktaindet keele amotaach myeeindap Kamuktaindet puch

BUKUIT NE TILIL

¹ Kisome achek che keboisiei ak Jehovah kele amotaach mieindab Jehovah buch

2 KORINTOEK 6:1 Iomraidhean Croise

JEREMIA 8:8

Omuktoi ano anyun omwa ole, “Ki utaatiin, ak oleen, ki tinyei ng'atuutyetap Kamuktaindet ne Toroor? Ago, ogeere iman ole ki koyai ng'aalseet kalamitap kaberberisyet ne po Siriik.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 14:3

Ki tebee olooto anyun peetuusyek che chaang' ak kong'alaali eng' nyiganateet agobo Kiptaiyat, ne kibaoryanji ng'olyootap myeeindonyi ak kogoochin koyaak kaboorunoik ak kwang'utik eng' eunekwak.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

1 KORINTOEK 3:9

Amu ki kiboitinigap Kamuktaindet che kiboisyei kobooto ineendet: okweek ko oo mbareetap Kamuktaindet, kootap Kamuktaindet.

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

GALATYEK 2:21

Ma wale myeeindap Kamuktaindet koek puch; amu nda punu imanda Ng'atuutyet, kogime Kristo puch.

GALATYEK 3:4

Tos ki onyalilse eng' tuguuk che chaang' puch? Ngot ko puch iman.

1 THESSALONIKEK 3:5

Amu ng'olyoondoniito ye ki mata amuuch amuita, ayoogu kuut si kobiit anai kayaneng'wong', ale tama kogoyomak yoomindet, ak koek puch poisyennyo ne uui.

TITO 2:11

Amu ki kotook myeeindap Kamuktaindet, ne ipchin piik tugul yetunet.

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

HEBRANIK 4:1

Ongiywei anyun yo ta komi arorutyet ne keite kamuung'ennyi, si ma leen chii age tugul eng' okweek, mata anyooru.

1 PETERO 4:10

ko uu ye kigonyoor chii age tugul kagoochinet oboisyechinegei, ko uu riibiik che myachen che po chaang'indap myeeindap Kamuktaindet;

1 SAMUEL 14:45

Ago ki leenji `piik Saulo, “Tos meei Jonathan, ne koyai yetunoni oo eng' Israel? Achicha, ma uu nooto. Ko uu ye sabei Kamuktaindet ne Toroor, koma ibutyin ng'wony agot agenge eng' suumeegap metinnyi, amu kabois ak Kamuktaindet rani.” Ki sar piik anyun Jonathan si ma me.